Je 14:22 - Sơ̆p Hlabơar Nơ̆r 'Bok Kei-Dei

²² Hăm đei lu yang kiơ gơh pơm đak 'mi ăn kơ kon bơngai? Đơ̆ng plĕnh hăm gơh tơjur kơdih đak 'mi tơ teh? Ơ Kră Yang 'Bok Kei-Dei lu nhôn, Ih đĕch gơh pơm. Thoi noh lu nhôn oei chang gô Ih, Yua kơ Ih boih pơjing kơ dôm tơdrong noh.

Je 14:22 Referans Kwoze

Jôel 2:23

Ơ lu kon pơlei Siôn, chơt hiôk bĕ 'nă hal bĕ lăm Kră Yang 'Bok Kei-Dei lu iĕm, yua kơ Sư ăn tơdrong tơpăt jur thoi 'mi jruh lăm bơyan, ăn 'mi hrôih lăm bơyan blŭng-a păng ăn 'mi klui lăm bơyan tuch-luch thoi adrol sơ̆.

Je 5:24

Lu sư ưh kơ đei khan ôh lăm jơhngơ̆m lu sư: ‘Lu bơ̆n athei hli yom kơ Kră Yang 'Bok Kei-Dei bơ̆n, Tơ'ngla mă ăn đak 'mi trŏ kơ bơyan sư. Bơyan 'mi păng bơyan puih, Ăn kơ bơ̆n kư̆m oei bơwei năr giĕng lăm bơyan kĕch yuă.’

Horiso 135:7

Sư ăn kơ hơmơ̆l đông đơ̆ng tôch jih kơ plei teh. Sư ăn kơmlat kiơ̆ kơ 'mi, Ăn kơ kial lĕch đơ̆ng anih mong sư.

Êsai 30:23

Kră Yang gô ăn 'mi jur tơ adrĕch iĕm rei tơ mir chŭn, tơmam sŏng sa 'lơ̆ng đei đơ̆ng mir chŭn păng mah rơkah rơkai, lăm năr noh sem dơrong iĕm gô sa 'nhĕt 'lơ̆p bluh đơ̆ng tơmăn glă.

Both 32:21

Lu sư tơblĕk Inh dêh yua kơ lu sư kơkuh kơ yang nai ưh kơ yua kiơ. Pơm kơ inh hil gar hăm yang mă ưh kơ đei tơdrong anăn kiơ. Na inh gô pơm kơ lu sư 'ngeng kơ lu adrĕch mă răm hloh. Iŏk minh adrĕch adrung mă lŭch hloh tơblĕk lu sư. Iŏk minh teh đak kơhlôh kơwao na tơblĕk pơklai lu sư.

Je 51:16

Tơdah Sư pơma, đei jơwa lu đak tơ plĕnh pơpơ̆; Sư ăn kơ hơyuh đak tŏk đơ̆ng tôch kơ teh. Sư ăn kơmlat hơdai hăm đak 'mi, tơlĕch kial đơ̆ng lăm anih 'mong sư.

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.

Je 10:15

Lu rup yang ưh kơ đei yua kiơ, chă hơlĕnh đĕch, Truh năr sek tơlang kơnh gô pơrăm đĭ.

Êsai 41:29

Tơpă đĭ-đăng lu sư jơ̆ tơdrong kơ đei, tơdrong jang lu sư jing pă yua, rup lu sư man, dang kial 'biao pă đei.

Horiso 130:5

Inh chang gô Kră Yang. Bơhngol inh chang gô Sư; Păng inh gơnang hơmĕng kơ nơ̆r Sư.

Horiso 25:21

Ăn tơdrong 'lơ̆ng rơgoh păng tơdrong tơpăt wei-lăng inh, Yua kơ inh chang gô Ih.

I Pot 17:14

Yua kơ đei nơ̆r Kră Yang 'Bok Kei-Dei đe Isơrael khan: ‘Tơpŭng ưh kơ đĭ ôh đơ̆ng lăm ge păng đak rơmă kư̆m ưh kơ đĭ mơ̆n đơ̆ng lăm get, dĭng truh tơ năr Kră Yang ăn đak 'mi jur tơ teh.’ ”

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

Both 28:12

Kră Yang gô pơih anih 'mong tơmam gĭt đơ̆ng plĕnh, ăn đak 'mi jur tơ teh trŏ bơyan păng ăn pŭn hiôk dôm tơdrong jang đơ̆ng tơpang ti iĕm pơm. Iĕm gô ăn kơ lơ teh đak tŏk iŏk, mă-lei gah iĕm ưh kơ đei tŏk iŏk đơ̆ng bơngai bu.

Mi 7:7

Mă-lei gah inh, inh gô lăng Kră Yang, chang gô 'Bok Kei-Dei Tơ'ngla dŏng pơklaih inh; 'Bok Kei-Dei Kră Yang gô mơ̆ng nơ̆r inh.

Am 4:7

Inh kư̆m ưh kơ ăn đak 'mi jur tơ lu iĕm lăm pêng khei adrol kơ bơyan kĕch yuă inh ăn boih 'mi tơ pơlei tih 'nâu mă-lei ưh kơ ăn 'mi tơ pơlei tih nai. Chŭn âu đei 'mi boih, mă-lei mir to ưh kơ đei 'mi na jô kro đĭ.

Je 10:13

Mưh Sư ăn grơ̆m, lu tu đak re jơwa lăm plĕnh. Sư ăn tŭk hơyuh đak tŏk đơ̆ng tôch kơ teh đak. Sư ăn kơmlat đơ̆ng lăm hơmơ̆l 'mi, păng kial lĕch đơ̆ng anih hnam Sư.

Êsai 30:18

Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!

Horiso 147:8

Sư gom plĕnh hăm hơmơ̆l. Ăn đak 'mi kơ teh. Ăn 'nhĕt 'nhot chăt kơpal groi.

Horiso 27:14

Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.

Horiso 25:3

Tơpă, dôm lu bơngai gơnang kơ Ih. Ưh kơ đei mơlâu, Ăn bĕ kơ lu bơngai ưh kơ chu lui gô mơlâu.

Jop 5:10

Sư ăn đak 'mi jur tơ teh. Đak 'mi hơiuh kơ mir na.

I Pot 18:1

Đunh năr đơ̆ng noh, truh lăm sơnăm mă pêng, đei nơ̆r Kră Yang khan kơ Êli: “Ih athei năm tơ'bơ̆p Ahap; Inh gô ăn đak 'mi jruh tơ teh dơ̆ng.

I Pot 8:36

Apinh ih đơ̆ng kơpal plĕnh mơ̆ng nơ̆r lu sư, apinh ih mơnat ăn kơ tơdrong yoch lu sư, đĭch đam Ih lu kon pơlei Isơrael, apinh Ih bơtho pơhrăm lu sư trong 'lơ̆ng wă kơ lu sư rok kiơ̆, ăn kơ lu sư đak 'mi tơ ala teh âu, wă kơ lu sư jang sa đei tôm tơmam.

Mathiơ 5:45

thoi noh na iĕm gơh jing kon 'Bok Kei-Dei 'Bă bơ̆n tơ plĕnh ti, yua kơ Sư kư̆m 'mêm kơ lu bơngai noh, na Sư ăn măt 'năr pơchrang hơdah kơ đĭ-đăng bơngai, mă bơngai 'lơ̆ng mă bơngai kơnê̆. Sư ăn đak 'mi lei-lăi mơ̆n ưh kơ 'mêm kơ bu wă pơdê bu ôh.

Je 5:12

Lu sư hơlĕnh khan: Kră Yang. Ưh kơ đei pơm kiơ kơ lu bơ̆n ôh, Lu bơ̆n huay kơ 'bôh tơdrong răm truh ôh. Kŭm huay kơ tơ'bơ̆p tơdrong răm kơ đao gưm, pơngot rơwĕt.

Je 10:3

Yua kơ tơdrong juăt lu sư noh tơdrong kơ đei. Đe kăl 'long lăm bri, yua ti thơ̆ traih hơmet hăm sung.

Hôsia 2:7

Sư gô druh kiơ̆ pơyô so sư mă-lei ưh kơ tam, chă mă-lei ưh kơ tơ'bơ̆p. Đơ̆ng noh sư gô khan: ‘Inh gô wih tơ klo inh mă adrol; yua kơplah noh inh hiôk hloh kơ dang ei.’

Jop 28:26

Layơ Sư hơgăt ăn tơdrong juăt kơ bơyan 'mi, Pơih ăn trong kơ grơ̆m glaih.

Je 10:12

Mă-lei Kră Yang boih pơjing teh âu hăm tơdrong mơsêh mơyang Sư; Sư tơiung pơdơ̆ng hăm tơdrong hơgei Sư, bơyar boih plĕnh hăm tơdrong hlôh wao Sư.

Mi 5:6

Gah lu bơngai khŭl Jakôp mă oei oei gô oei tŏk-bŏk lăm adrĕch adrung thoi tŭk kiơ̆ pơgê jur đơ̆ng Kră Yang thoi 'mi hngach tuh kơpal 'nhĕt ưh kơ gô đơ̆ng kon bơngai păng kư̆m ưh kơ chang hơmĕng đơ̆ng kon bơngai.