Je 14:18 - Sơ̆p Hlabơar Nơ̆r 'Bok Kei-Dei

¹⁸ Tơdah inh năm tơ mir chŭn, to akâu lu bơngai lôch kơ đao gưm, tơdah inh mơ̆t tơ pơlei tih, to 'bôh lu bơngai jĭ jăn yua kơ pơngot rơwĕt! Lu 'bok khan lê̆ adrol păng lu 'bok soi. Chă yak năm lăm dêh char mă lu sư ưh kơ lah băt.

Je 14:18 Referans Kwoze

Êsêkiên 7:15

Tơ 'nguaih đei đao hơlă, tơ lăm đei lôch hơbuh păng pơngot rơwĕt. Lu bơngai oei tơ 'nguaih chŭn gô lôch kơ đao hơlă, lu bơngai oei tơ lăm pơlei, gô lôch kơ pơngot rơwĕt păng lôch kơ jĭ hơbuh đĭ.

Nhom 1:20

Ơ Kră Yang, lăng bĕ, yua kơ inh tơ'bơ̆p tơdrong gleh truh, Jơhngơ̆m inh chhŭr nuih, plei nuih inh pơpơ̆, Yua kơ inh pơm kơnê̆ dêh. Tơ 'nguaih đei đao gưm pơrăm đe, Tơ lăm hnam đei tơdrong lôch.

Je 8:10

Thoi noh Inh gô ăn kơ đe nai iŏk akăn lu sư, chŭn mir lu sư kư̆m ăn kơ đe nai jang. Iŏk đơ̆ng lu bơngai pơm iĕ truh tơ lu bơngai pơm tih, tă kơ chă lơi kơdih ngăl. Đơ̆ng lu 'bok khan lê̆ adrol truh tơ lu 'bok soi, rim 'nu kơ lu sư tă kơ sa pơgâm ngăl.

Je 6:13

“Iŏk đơ̆ng bơngai kơhlôh truh tơ bơngai hơgei, tă kơ chă lơi ngăl. Đơ̆ng lu bơngai khan lê̆ adrol truh tơ lu 'bok soi kư̆m sa pơgâm.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Both 28:36

Kră Yang gô puh iĕm păng pơtao mă iĕm rơih pôk kơdih, truh tơ minh adrĕch adrung mă iĕm hăm 'bok iĕm tam lah băt. Tơ noh iĕm gô kơkuh kơ lu yang nai, pơm păng 'long dah păng tơmo.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.

Mi 3:11

Lu bơngai sek tơlang sek pơgâm, lu 'bok soi bơtho tơ'bôh yua kơ jên đe apah, bê̆ gah lu bơngai khan lê̆ adrol pơma tơ'bôh kư̆m yua kơ jên. Mă-lei lu sư pơm gơnang kơ Kră Yang na khan: Kră Yang ưh kơ oei lăm lu bơ̆n hă? Tơdrong răm huay kơ truh tơ lu bơ̆n ôh!

Nhom 4:9

Lu bơngai lôch kơ đao gưm pŭn hloh kơ lu bơngai lôch kơ pơngot; Yua kơ tơmam sa đơ̆ng mir chŭn ưh kơmah, Sư rai hơkĕ hơkong thoi đe 'bet.

Je 23:21

Inh ưh kơ đei wơh lu bơngai khan lê̆ adrol noh, mă-lei lu sư oei năm chă roi nơ̆r Sư kơdih. Inh ưh kơ đei athei lu sư mă-lei lu sư oei khan lê̆ adrol.

Je 2:8

Lu 'bok soi ưh pă jet: ‘Tơ yơ Kră Yang?’ Lu 'bok bơtho khôi juăt ưh pă băt kơ Inh dơ̆ng. Lu bơngai pơgơ̆r blah Inh. Lu 'bok khan lê̆ adrol yua anăn yang Baal na khan lê̆ adrol, kiơ̆ lu yang nai ưh kơ đei yua kiơ.

Êsai 28:7

Mă-lei lu đe noh kư̆m wing măt yua kơ sik hơmu pơm. Nơnăm 'ma 'ngiĕo yua kơ suai kơ tơdrô 'lơ̆ng! 'Bok soi păng 'bok khan lê̆ adrol wing măt yua kơ suai kơ tơdrô 'lơ̆ng, tơdrô pơrăm đĭ đon tơchĕng lu sư, tơdrô pơm kơ lu sư yak năm we-wo 'ma 'ngiĕo oei mơngưt mơngat kơplah lu sư đei tơdrong tơ'bôh. Lu sư glăi lăm tơdrong sek tơlang.

Both 28:64

Kră Yang gô tơraih iĕm tơrak 'brak jơ̆p kơ teh đak, đơ̆ng tôch kơ teh đak 'nâu truh tôch kơ teh đak to. Tơ noh, lu iĕm gô kơkuh kơ lu yang nai pơm hăm 'long păng tơmo yang noh iĕm hăm lu 'bok iĕm ưh kơ lah băt ôh.

Êsai 22:2

Ơ pơlei ôr tơkĕch, ơ-ôs ơ-as, pơlei mă chơt hiôk, pơm kư̆ kă lu khŭl iĕm lôch ưh trŏ kơ lôch yua kơ đao gưm kư̆m ưh kơ trŏ lôch yua kơ tơblah.

Je 6:25

“'Nĕ kơ lĕch năm tơ mir chŭn, kư̆m 'nĕ kơ yak rok trong tih, yua kơ lu bơngai ayăt chĕp đao, tơdrong hli krưp tơ jơ̆p puăn pah.

Am 4:6

Bê̆ gah inh, inh ăn boih pơngot rơwĕt tơ lăm rim pơlei lu iĕm păng pơm ăn tơpŭng sa ưh kơmah, tơ lăm rim anih lu iĕm oei. Mă-lei ră lu iĕm kư̆m ưh kơ wă wih brŏk tơ inh! Kră Yang khan thoi noh.

Nhom 2:19

Iung ôr krao bĕ kơmăng, thoi đe pơtơm gak kơmăng. Tuh bĕ jơhngơ̆m iĕm thoi đak 'bơ̆t anăp Kră Yang. Yơ̆r bĕ ti gah Kră Yang yua kơ tơdrong arih lu kon hơ'lơ̆p iĕm, lu sư lôch hơngơ̆t yua kơ pơngot tơ mum kơ̆l trong tih.