Je 13:19 - Sơ̆p Hlabơar Nơ̆r 'Bok Kei-Dei

¹⁹ Đĭ-đăng pơlei lăm tơring Negewơ đe gô wang tăp, ưh kơ đei bu pơih gơh lĕch. Đĭ-đăng adrĕch Juđa đe gô rôp pơđĭ ưh pă đei bu klaih.

Je 13:19 Referans Kwoze

Je 52:27

Pơtao Babilôn athei đe pơlôch lu sư tơ pơlei Riblah lăm tơring Hamat. Thoi noh boih đe rôp chông ba lu bơngai Juđa pơm bơnă lăm char đe nai.

Je 52:30

Sơnăm mă 'bar-jĭt pêng chăl pơtao Nebukatnessar pơgơ̆r, Nêbusar Adan yŏng linh gak pơtao rôp chông ba pơm bơnă tơpơh-hrĕng puăn-jĭt pơđăm 'nu bơngai Juđa, jô̆ đĭ-đăng noh puăn-rơbâu tơdrâu-hrĕng 'nu bơngai.

Je 39:9

Nebusaradan yŏng lu linh gak pơtao, athei rôp lu kon pơlei mă oei oei lăm pơlei păng lu bơngai lĕch yơ̆r ti kiơ̆ sư păng lu thơ̆ tuh hling, hơjơ̆m chông ba pơm bơnă tơ char Babilôn.

II Pot 25:21

Pơtao đe Babilôn teh pơlôch lu đe noh tơ lăm Pơlei Riblah, lăm dêh Hamat. Noh đe rôp ba lu bơngai Juđa pơm bơnă tơ 'nguaih kơ dêh char sư.

Both 28:52

Lu sư gô wang tăp dăr kơ pơlei jơ̆p lăm dêh char mă Kră Yang 'Bok Kei-Dei ăn kơ iĕm dĭng truh tơ lu dur tih kơjung kơjăp tơ noh, mă iĕm gơnang, gô teh pơchah răm đĭ.

Je 33:13

Lăm lu pơlei tơring groi kông păng lu pơlei lăm tơring groi gah bơmơ̆t, lăm lu tơring glă gah gơal, lăm teh đak Bênjamin, tơ lăm rim anih tăp dăr Jêrusalem păng lăm pơlei char Juđa, khŭl triu gô yak rok ala ti đe gô jô̆ lu sư.” Noh Kră Yang khan.

Je 20:4

Yua kơ Kră Yang khan: “'Nâu Inh gô pơm ăn kơ ih đei tơdrong hli tơrơ ih kơdih păng kơ bôl buăl ih hai. Lu sư gô lôch kơ đao gưm lu bơngai ayăt tơm măt ih. Inh gô jao lu kon pơlei Juđa lăm ti pơtao char Babilôn, pơtao gô rôp anhăk lu sư pơm đĭch tơ char Babilôn dah yua đao gưm pơlôch hloi lu sư.”

Je 17:26

Đei bơngai gô truh đơ̆ng lu pơlei Juđa păng truh đơ̆ng jơ̆p-jang pơlei iĕ tăp dăr kơ pơlei Jêrusalem, đơ̆ng lăm char Bênjamin, đơ̆ng tơnăp groi, gah bơmơ̆t, đơ̆ng kông groi, đơ̆ng char glă gah gơal, wă chĕp tơmam soi 'buh, lu tơmam soi thoi phe, 'ba, tơmam 'bâu phu păng tơmam soi bơnê tơ hnam Kră Yang.

Jop 12:14

Sư pơrăm, ưh pă đei bu man pơdơ̆ng ming. Sư phak ưh pă đei bu gơh tơlĕch.

Jôsuê 18:5

Lu iĕm athei klah asong char noh kơ tơpơh adrĕch adrung; Juđa athei oei tơ gah gơal, adrĕch Jôsep oei tơ gah yă-nơ̆m.

Both 28:15

Mă-lei tơdah iĕm ưh kơ chu mơ̆ng kiơ̆ nơ̆r Kră Yang 'Bok Kei-Dei iĕm, ưh kơ pơ'lơ̆ng pơm kiơ̆ dôm nơ̆r tơtă păng khôi juăt đơ̆ng Sư mă inh bơtho khan ăn kơ iĕm năr 'nâu, na 'nâu boih dôm tơdrong hiap pơtê̆ gô truh kơ iĕm, đei hloi:

Je 32:44

Lu đe gô yua jên hu răt mir na, chih hla bơar tĕch, chơ̆m pơsĭt, chih pơklep chă bơngai kơdranh pơsĭt kơ đơ̆ng lăm char Bênjamin, lăm lu anih tăp dăr kơ pơlei tih Jêrusalem, lăm pơlei Juđa păng lăm lu pơlei tơ kông groi dah lăm tơring lăm thŭng păng lu pơlei gah gơal, yua kơ Inh gô chông anhăk bơnă wih brŏk hiôk-hian jơnap.” Noh Kră Yang khan.”

Nhom 1:3

Juđa năm pơm bơnă, chu iŏk pơmat kư̆m chu đe wơh pơđep. Chă oei sa tơ kon pơlei ưh pă đei pơdơh ngôi. Lu bơngai mă pơm kơnê̆ druh sư, tam tơ anih kueng.

Sa 7:7

Noh hăm trŏ khan ưh kơ nơ̆r Kră Yang yua lu 'bok khan lê̆ adrol chăl sơ̆ roi tơbăt, kơplah Jêrusalem păng lu pơlei tih tăp dăr sư đei kon pơlei oei păng hrôh ngôh păng kơplah gah gơal păng gah hơlĕch đei kon pơlei oei boih?’ ”

I Ho 9:1

Đĭ-đăng bơngai Isơrael đei năm chih anăn lăm Sơ̆p hla bơar kiơ̆ kơ adrĕch adrung đei chih tơmơ̆t lăm sơ̆p hla bơar tơm lu pơtao Isơrael. Bơngai Juđa, yua kơ đơ̆ng pơm yoch na đe rôp anhăk lu sư tơ char Babilôn.

Je 24:1

'Noh đơ̆ng rŏng kơ Nebukatnessar, pơtao đe Babilôn rôp Jêkônia, kon drŏ-nglo Jêhôiakim, pơtao đe Juđa, hăm rôp lu kră pơgơ̆r lăm char Juđa, hơdai hăm lu bơngai thơ̆ hơgei, thơ̆ hơjơ̆m hling đơ̆ng pơlei Jêrusalem chông ba tơ char Babilôn pơm bơnă, Kră Yang tơ'bôh ăn kơ inh đei 'bar tŏ bai plei 'long hơra dan 'bơ̆t anăp hnam Kră Yang.

Je 28:4

Kră Yang khan: “Inh gô ba brŏk Jêkônia kon drŏ-nglo Jêhôiakim pơtao đe Juđa păng đĭ-đăng lu bơngai Juđa mă đe rôp pơm bơnă tơ Babilôn, kư̆m brŏk tơ anih âu dơ̆ng; yua kơ Inh gơ̆ lê̆ boih 'long ăt pơtao Babilôn.”

Je 52:28

'Nâu lu kon pơlei mă Nebukatnessar rôp chông ba pơm bơnă; pêng-rơbâu 'bar-jĭt pêng 'nu bơngai Juđa lăm sơnăm mă tơpơh.