Je 12:1 - Sơ̆p Hlabơar Nơ̆r 'Bok Kei-Dei

¹ Ơ Kră Yang, Ih jơ̆ 'lơ̆ng tơpăt mưh inh roi tơdrong inh kơ Ih. Mă-lei inh oei wă pơma hăm Ih trŏ tơdrong tơpăt Ih: Liơ trong lu bơngai kơnê̆ oei hiôk-hian, liơ tơdrong jang lu bơngai hơlĕnh pơdăr oei mơdrŏng?

Je 12:1 Referans Kwoze

Malachi 3:15

Âu lu bơ̆n jô̆ lu bơngai pơrŏ pơang đei pŭn hiôk, lu sư pơm tơdrong kơnê̆ tă kơ rai tŏk. Lu sư pơlong Kră Yang 'Bok Kei-Dei păng đei klaih hlôi boih!”

Horiso 92:7

Mă khan lu bơngai pơm kơnê̆ chăt hrôh thoi 'nhĕt, Lu bơngai pơm kơnê̆ iung mơdrŏng, noh 'măn lê̆ kơ lu sư wă hiong răm ling-lang hlŏng hloi.

Horiso 37:1

'Nĕ kơ tơtăm kơ đe pơm kơnê̆, Kŭm 'nĕ kơ gar 'ngeng kơ lu bơngai pơm kơnê̆.

Da 9:7

Ơ Kră Yang 'Bok Kei-Dei, Ih 'lơ̆ng tơpă, gah nhôn đei tơdrong mơlâu, thoi năr âu; tơdrong noh gom lê̆ lu bơngai Juđa, kon pơlei Jêrusalem, kơ đĭ-đăng lu bơngai Isơrael oei jê̆, oei ataih, tơ lăm jơ̆p kơ teh đak mă Ih pơm ăn kơ lu sư tơklah tơklang, yua kơ tơdrong lu sư yoch hăm Ih.

Jop 12:6

Bơsŭn lu bơngai tơgar jing mơdrŏng, Lu bơngai che bơle kơ Kră Yang 'Bok Kei-Dei oei hiôk hơđơ̆ng lăm ti lu sư Kră Yang 'Bok Kei-Dei ăn đei mŭk tơmam rơkah rơkai.

Habakuk 1:4

Thoi noh khôi juăt pă đei yua boih păng tơdrong tơpăt ưh pă pơdah. Lu bơngai kơnê̆ wang tăp dăr kơ lu bơngai tơpăt, yua kơ thoi noh na tơdrong sek tơlang jing ưh kơ hơnơ̆ng.

Horiso 51:4

Inh pơm yoch boih hăm Ih. Lăp minh 'nu Ih đĕch, păng pơm kơnê̆ boih 'bơ̆t anăp Ih. Ih tơpăt, mưh Ih sek tơdrong păng trŏ 'lơ̆ng dah Ih sek tơlang.

Horiso 37:35

Inh 'bôh boih lu bơngai kơnê̆ đei pran kơtang, Tih kơjung thoi 'long hơngo, chăt tơ char Liban.

Jêphania 3:5

Kră Yang oei tŏk-bŏk sư jơ̆ tơdrong tơpăt, ưh kơ đei pơm kơnê̆, rim pơgê sư pơdah tơdrong tơpăt Sư, tơ hơdah ưh kơ đei layơ ưh. Mă-lei lu bơngai kơnê̆ ưh kơ băt mơlâu.

Je 11:20

Ơ Kră Yang Tih Hloh, Tơ'ngla sek tơlang tơpăt, Tơ'ngla mă băt, lăm jơhngơ̆m păng lăm kơ̆l 'ngok tơchĕng, Ăn kơ inh 'bôh tơdrong Ih iung kơting kơ lu sư. Yua kơ inh jao boih tơdrong inh kơ Ih.

Je 12:6

Lu 'nhŏng oh ih adrĕch adrung 'bă ih, mă lu sư kư̆m jreo tơkĕch wă pơm kơ ih. 'Nĕ kơ gơnang kơ lu sư, mă khan lu sư pơma hiôk hăm ih ră.

Je 5:11

Adrĕch Isơrael păng adrĕch Juđa, oei sa ưh kơ tơpăt hăm Inh ôh,” noh Kră Yang khan,

Jop 13:3

Mă-lei inh wă pơma hăm Kră Yang Tih Hloh. Inh hơpơi wă roi dŏng kơdih akâu hăm Kră Yang 'Bok Kei-Dei.

Esơra 9:15

Ơ Kră Yang Kră Yang 'Bok Kei-Dei đe Isơrael! Ih boih tơm tơdrong 'lơ̆ng tơpăt; yua kơ lu nhôn, mă oei arih gơh klaih, thoi đei 'bôh dang ei; 'nâu lu nhôn oei 'bơ̆t anăp Ih, pơm lơ tơdrong yoch; yua kơ noh, ưh kơ đei bu kĕ dơ̆ng ôh 'bơ̆t anăp Ih.”

Hôsia 6:7

Mă-lei thoi Ađam,a lu sư pơm glăi boih kơ đêl nơ̆r pơkă pơgơ̆p, thoi noh lu sư pă tơpăt boih kơ Inh.

Êsai 48:8

Iĕm tam mă kơtơ̆ng, tam mă băt. Đơ̆ng sơ̆ đon iĕm tam mă pơih; yua kơ Inh băt kơ iĕm hơlĕnh ling-lang, đơ̆ng năr mĕ iĕm tơpŭ kơ iĕm krao iĕm bơngai blơ̆ blĕch.

Êsai 41:21

Kră Yang khan: “Pơdah bĕ tơdrong lu iĕm, wă khan” Pơtao đe Jakôp khan: “Pơdah pơsĭt bĕ tơdrong lu iĕm khan trŏ.”

Tơdrông Pơđơk 1:32

Lu bơngai bơlŭk lôch yua kơ lu sư kiơ̆ trong kơnê̆ đŏng đĕo. Păng tơdrong lu sư mă ưh kơ hiơ̆k gô pơrăm lu sư.

Horiso 145:17

Kră Yang boih 'lơ̆ng tơpăt lăm rim trong Sư. Băt 'mêm kơ rim tơdrong jang Sư.

Horiso 119:137

Ơ Kră Yang, Ih 'lơ̆ng tơpăt, Tơdrong Ih sek tơlang tơpăt.

Horiso 119:75

Ơ Kră Yang, inh băt tơdrong Ih sek tơlang tơpăt. Noh đơ̆ng tơdrong Ih tơpăt. Na Ih pơm kơ inh pơmat-tat.

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

Ne 9:33

Lăm dôm tơdrong truh kơ lu nhôn, Ih oei tơpăt hơnơ̆ng đĕch; yua kơ Ih pơm trŏ tơpă, gah lu nhôn pơm tơdrong kơnê̆.

Horiso 116:5

Kră Yang 'lơ̆ng tơpăt păng ăn tơdrong mơnat. Kră Yang 'Bok Kei-Dei lu bơ̆n đei jơhngơ̆m mơnat.

Bôk Bơthô 8:14

Oei đei minh tơdrong lăm ala teh âu kư̆m tơdrong kơđei. Lơ bơngai pơm 'lơ̆ng tă kơ đe pơm kơnê̆ kơ sư nhen thoi lu bơngai pơm kơnê̆ păng đei lơ bơngai pơm kơnê̆ tă huay pơm kơnê̆ kơ sư thoi lu bơngai pơm 'lơ̆ng. Inh khan tơdrong noh kư̆m tơdrong kơđei.

Je 3:7

Inh ngeh khan đơ̆ng rŏng kơ sư pơm đĭ dôm tơdrong noh sư gô wih tơ Inh. Mă-lei sư ưh kơ wih. Oh drŏ-kăn 'blal sư noh Juđa, 'bôh boih.

Je 3:20

Mă-lei, ơ adrĕch Isơrael, lu iĕm thoi minh 'nu drŏ-kăn pơm kơnê̆ achăng lê̆ klo sư, lu iĕm pơm kơnê̆ hăm Inh boih,” Kră Yang khan thoi noh.

Je 9:2

Ô! Rŏ kơ inh đei minh anih pơm anih pơdơh lăm char glă, thoi anih kơ lu bơngai tơmoi drong găn, wă kơ inh gơh weh lê̆ ataih păng achăng lê̆ kon pơlei inh; Yua kơ lu sư pơm pơyô kư̆ kă, minh khŭl bơngai hơlĕnh pơdăr.

Je 32:16

Đang kơ inh jao hla bơar răt noh kơ Baruk kon drŏ-nglo Nêria, inh krao khan apinh Kră Yang:

Nhom 1:18

Kră Yang jơ̆ tơpăt, yua kơ inh đei pơjah boih hăm nơ̆r Sư. Apinh iĕm mơ̆ng, ơ đĭ-đăng kon pơlei, lăng bĕ tơdrong inh blĕk! Kon adruh păng kon tơdăm inh jing bơnă đe boih.

Êsêkiên 18:25

Mă-lei lu iĕm khan: ‘Trong Kră Yang pơm ưh kơ tơpăt!’ Ơ lu adrĕch Isơrael, mơ̆ng bĕ! Trong Inh ưh kơ tơpăt dah trong lu iĕm ưh kơ tơpăt?

Jop 8:17

Rơh sư chăt kuăr tăp kơ tơmo, chăt kơchâu lăm tơmo.

Jop 24:12

Đơ̆ng lăm pơlei đei nơ̆r bơngai wă lôch ôr tơngưih Lu bơngai rơka ôr hơpơi krao dŏng. Mă-lei Kră Yang 'Bok Kei-Dei ưh kơ jô̆ noh tơdrong yoch lu bơngai pơm kơnê̆.

Jop 24:23

Kră Yang lê̆ lu sư arih hiôk hơđơ̆ng. Măt Kră Yang oei răp lăng trong lu sư

Horiso 51:6

Âu, Ih wă kơ 'bôh đei tơdrong tơpăt tơ lăm jơhngơ̆m Ih pơhrăm inh đei tơdrong hơgei mă hlơp lăm jơhngơ̆m.

Da 9:14

Yua kơ tơdrong noh, Kră Yang lăng păng tơjur ăn tơdrong gleh noh tơ lu nhôn; yua kơ Kră Yang 'Bok Kei-Dei lu nhôn tơpăt lăm tơdrong Sư pơm, mă-lei lu nhôn ưh kơ mơ̆ng kiơ̆ nơ̆r Sư.

Malachi 2:17

Lu iĕm đei pơm kơ Kră Yang blĕk dêh, đơ̆ng nơ̆r iĕm pơma; khan dơ̆ng thoi âu: “Tơ yơ lu nhôn đei pơm kơ Sư blĕk.” Noh 'bơ̆t iĕm khan: “Bơngai bu pơm tơdrong kơnê̆ noh Kră Yang lăp đon păng Sư kư̆m lăp đon kơ lu bơngai thoi noh;” mưh khan thoi ei lei, “lei tơ yơ khan Kră Yang 'Bok Kei-Dei sek tơpăt?”