Je 11:5 - Sơ̆p Hlabơar Nơ̆r 'Bok Kei-Dei

⁵ Na Inh wă pơsĭt nơ̆r Inh pơkă pơkăm hăm lu 'bok yă iĕm, wă ăn kơ lu sư dêh char 'lơ̆ng đei ro thoi đak sut đak toh,’ char mă iĕm oei dang ei.” Inh tơl: “Ơ Kră Yang ăn đei bĕ thoi noh, A-men.”

Je 11:5 Referans Kwoze

Je 28:6

Jêrêmi 'bok khan lê̆ adrol khan: “Trŏ tơpă apinh Kră Yang pơm bĕ thoi noh; apinh Kră Yang pơm bĕ trŏ thoi nơ̆r ih đei khan lê̆ adrol wă iŏk pơdrâu đĭ đêl dôm tơmam gĭt lăm hnam Kră Yang păng chông ba brŏk đĭ-đăng lu bơngai Juđa đêl pơm bơnă đơ̆ng lăm char Babilôn wih tơ anih âu!

I Kor 14:16

Dah bu krao khan bơnê kơ 'Bok Kei-Dei yua nơ̆r hlĭch pơhiôk lăm jơhngơ̆m sư kơdih đĕch, lei thoi yơ bôl bơ̆n mă ưh kơ hlôh hơdai wang bơnê kơ 'Bok Kei-Dei tơdrong sư ưh kơ hlôh?

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Both 6:3

Ơ Isơrael, mơ̆ng bĕ păng pơm kiơ̆ tơdrong noh wă kơ iĕm gơh đei pŭn hiôk păng rai lơ, dêh char thoi đak toh đak sut mă Kră Yang 'Bok Kei-Dei lu 'bok iĕm đei pơkă hăm lu iĕm.

Lêwi 20:24

Inh khan kơ lu iĕm, lu iĕm gô iŏk teh đêl lu sư oei, Inh ăn kơ lu iĕm đei teh noh, wă pơm tơmam iĕm kơdih, noh jơ̆ teh đak toh, đak sut kơdrot, Inh boih Kră Yang 'Bok Kei-Dei lu iĕm, plah iŏk lu iĕm đơ̆ng kon pơlei nai.

Le 13:5

Mưh layơ Kră Yang ba lu iĕm tơ dêh kon pơlei Kanaan, kon pơlei Hêtit, kon pơlei Amôrit, kon pơlei Hêwit păng kon pơlei Jêbus boih, dêh teh mơ̆r 'lơ̆ng thoi đak sut đak toh păng dêh Kră Yang mă pơkă hăm lu 'bok iĕm, na truh lăm khei 'nâu ih athei wei răk tơdrong giĕng 'nâu.

Je 32:22

Ih jao ăn kơ lu sư teh đak âu, teh đak 'bĕnh kơ đak toh păng đak sut, mă Ih đei pơkă wă ăn kơ lu yă 'bok lu sư sơ̆.

II Ho 6:17

Ơ Kră Yang 'Bok Kei-Dei Isơrael ăn tơdrong mă Ih đei pơkă hăm Đawit đĭch đam Ih gơh jing.

Horiso 105:8

Sư 'blŏk tơdrong pơgơ̆p Sư ling-lang. Sư ưh kơ hiơt tơdrong pơkă pơkăm mă truh rơbâu chăl.

Je 19:12

Kră Yang khan: “Inh gô ăn kơ anih âu păng kon pơlei sư thoi noh, Inh gô pơm kơ pơlei âu thoi Tôphet.