Je 11:17 - Sơ̆p Hlabơar Nơ̆r 'Bok Kei-Dei

¹⁷ Kră Yang Tih Hloh boih Tơ'ngla mă pơtăm iĕm, na sư kư̆m đei khan wă pơrăm lu iĕm, yua kơ tơdrong kơnê̆ adrĕch Isơrael păng adrĕch Juđa pơm, bơhle tơblĕk Inh soh 'long 'bâu phu kơ yang Baal.

Je 11:17 Referans Kwoze

Êsai 5:2

Sư choh teh preh dônh lê̆ tơmo đĭ, sư pơtăm rơih iŏk tơm hơmu bluh 'lơ̆ng, sư pơdơ̆ng minh pôm hnam thôt tŏk-bŏk pơgar păng sir minh pôm sơlŭng wă hmĕt iŏk đak hơmu sư. Sư hơmĕng hơmu sư đei plei 'lơ̆ng mă-lei tă kơ plei đĭ wir.

Je 12:2

Ih pơtăm lu sư, lu sư chăt rơh, wơ̆ tih păng đei plei, 'bơ̆r lu sư jê̆ Ih, mă-lei jơhngơ̆m lu sư ataih đơ̆ng Ih.

Je 2:21

Inh pơtăm boih thoi minh tơnơm hơmu 'lơ̆ng Inh rơih iŏk, tă kơ găr adrĕch 'lơ̆ng ngăl. Na liơ iĕm tơplih lê̆ jing tơm hơmu bri kơnê̆?

Je 19:15

“Kră Yang Tih Hloh, 'Bok Kei-Dei lu bơngai Isơrael khan: ‘'Nâu, Inh gô ăn tơdrong răm truh kơ pơlei 'nâu hăm lu pơlei jum dăr thoi Inh khan lê̆, yua kơ lu sư arăng kơ̆l, kuă kơ mơ̆ng nơ̆r Inh.”

Êsêkiên 17:5

Sư iŏk adrĕch găr 'long đơ̆ng teh noh chĕp ba pơtăm tơ anih teh 'lơ̆ng; sư pơtăm 'bơ̆t teh đei đak thoi 'long hla prai.

Je 45:4

Ih athei khan kơ Baruk: ‘Kră Yang khan: Tơmam kiơ Inh pơjing boih Inh gô pơrăm lê̆ sư, kiơ mă Inh đei pơtăm boih Inh gô buch lê̆ sư. Inh gô pơm thoi noh tơ jơ̆p-jang lăm dêh Juđa âu.

Je 42:10

Tơdah lu iĕm kư̆ oei tơ lăm teh đak âu, Inh gô tơiung lu iĕm ưh kơ pơrăm lu iĕm ôh, gô bơ̆ pơpôi pơtăm ưh kơ buch lê̆ ôh; Inh ưh kơ hiôk kơ tơdrong Inh pơrăm lu iĕm boih.

Je 40:2

Yŏng lu linh gak 'bôh păng chông Jêrêmi trong pha păng khan: “Kră Yang 'Bok Kei-Dei ih đei khan boih wă pơrăm anih 'nâu.

Je 36:7

Rŏ lăng lu sư gô krao apinh Kră Yang păng tơbral păng weh đơ̆ng trong pơm kơnê̆ yua kơ tơdrong hil Kră Yang wă pơm kơ kon pơlei 'nâu tih dêh tơpă.”

Je 35:17

Thoi noh na Kră Yang mơsêh mơyang Tih Hloh. 'Bok Kei-Dei bơngai Isơrael khan: ‘'Nâu, Inh gô ăn đĭ lu tơdrong răm truh kơ Juđa păng lu kon pơlei Jêrusalem mă Inh khan lê̆ adrol, Inh đei bơtho tơ'bôh boih kơ lu sư; mă-lei lu sư ưh kơ wă mơ̆ng, Inh krao lu sư boih mă-lei lu sư kuă kơ tơl.’ ”

Je 26:19

‘Hesekia, pơtao đe Juđa păng đĭ kon pơlei Juđa wă pơlôch Mika mơ̆n hă? Ưh kơ trŏ yua kơ pơtao hli yom kơ Kră Yang, na krao apinh Kră Yang mơnat ăn; na Kră Yang tơplih đon huay kơ pơrăm lu sư thoi Kră Yang pơkă wă pơrăm lu sư. Bĕ lu bơ̆n 'nâu pă 'biơ̆ wă pŭ iŏk tơdrong pơrăm kơ lu bơ̆n kơdih.’ ”

Je 26:13

Na dang ei iĕm athei tơplih tơdrong arih iĕm păng tơdrong jang iĕm, mơ̆ng kiơ̆ bĕ nơ̆r Kră Yang 'Bok Kei-Dei lu iĕm, na Kră Yang gô tơplih đon tơdrong wă pơm kơ lu iĕm. Sư đei khan lê̆ adrol kơ lu iĕm băt.

Je 24:6

Inh oei răp lăng wă pơm 'lơ̆ng kơ lu sư, Inh gô chông lu sư wih brŏk tơ char âu, Inh gô tơiung pơdơ̆ng ming păng ưh pă pơrăm lu sư dơ̆ng, Inh wă pơtăm ưh kơ wă buch.

Je 18:8

Mă-lei tơdah adrĕch adrung mă Inh roi noh achăng lê̆ tơdrong yoch lu sư kơdih, lei Inh gô tơplih đon Inh mă wă pơrăm lu sư noh.

Je 11:11

Thoi noh Kră Yang khan thoi âu: Inh gô ăn tơdrong gleh răm truh, lu sư ưh kơ gơh klaih ôh, mă lu sư krao ôr apinh Inh, Inh ưh kơ wă mơ̆ng lu sư ôh.

Je 7:9

Hăm trŏ lu iĕm tơtông, pơlôch bơngai, pơm pơyô kư̆ kă, pơkă hơlĕnh, soh 'long 'bâu phu kơ yang Baal, kiơ̆ yang nai mă iĕm ưh kơ băt

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Horiso 80:15

Tơm hơmu mă đơ̆ng ti 'ma Ih pơtăm. Mă kon tơdăm Ih đei rong bơwei kơdih boih,

Horiso 80:8

Đơ̆ng char Êyiptơ Ih rô̆ ba boih minh tơnơm hơmu; Ih pơpuh boih lu dêh char na pơtăm tơnơm hơmu noh,

Horiso 44:2

Ih đei yua ti Ih puh tơweh kon pơlei pơla, na pơtăm lu 'bok yă nhôn. Ih pơma kơ lu kon pơlei pơla, mă ăn kơ lu 'bok yă nhôn rai pŭn hiôk.

II Sam 7:10

Inh gô ăn kơ kon pơlei Isơrael Inh minh anih oei, Inh gô ăn kơ sư chăt rơh lăm anih noh, ăn kơ lu sư oei kơjăp tơ anih noh, huay pă đei hli kơ kiơ dơ̆ng, păng lu bơngai kơnê̆ ưh pă gơh pơjuă pơđep thoi sơ̆ dơ̆ng.

Je 1:14

Kră Yang khan kơ inh: “Đơ̆ng gah yă-nơ̆m gô đei tơdrong gleh truh kơ đĭ-đăng kon pơlei lăm teh âu.”

Je 7:18

Lu hơ'lơ̆p dônh 'long ŭnh, 'bă tơkuh ŭnh, lu drŏ-kăn jrâu tơpŭng pơm 'bĕng pơyơ̆r kơ pơtao Drŏ-kăn tơ Plĕnh ti; păng lu sư kư̆m tuh pơyơ̆r tơmam huch kơ lu yang nai, pơm wă Inh klai.

Je 11:13

Lu iĕm đei rup yang lơ dêh thoi iĕm đei pơlei, ơ bơngai Juđa; lu chơnang soi pơm kơ lu iĕm mơlâu, mă lu iĕm pơdơ̆ng anih boih wă soh 'long 'bâu phu kơ yang Baal lơ nhen thoi trong glung lăm pơlei Jêrusalem!”

Je 32:29

Lu bơngai Kalđê oei wang blah pơlei tih âu, gô iŏk ŭnh soh pơđĭ hnam anih dĭng truh tơ bơbŭng hnam mă đe pơyơ̆r tơmam 'bâu phu ăn kơ yang Baal păng đe đei soi pơyơ̆r tơmam huch boih kơ lu yang nai hai, lu sư pơm yoch hăm Inh wă tơblĕk Inh.

Je 32:30

Kon sâu bơngai Isơrael păng kon sâu Juđa, iŏk đơ̆ng oei 'lơ̆p, tă kơ pơm kơnê̆ ngăl 'bơ̆t anăp Inh. Kon sâu Isơrael iŏk dôm tơmam jang păng ti kơdih sư na tơblĕk Inh.” Kră Yang khan:

Je 44:8

Liơ lu iĕm tơblĕk inh hăm ti lu iĕm pơm, soh nhang 'bâu phu ăn kơ lu yang nai lăm dêh char Êyiptơ, dêh char mă lu iĕm 'nao năm oei, pŭ iŏk tơdrong pơrăm kơdih akâu, pơm kơ đe che bơle, blei hiap tơ lăm jơ̆p-jang adrĕch adrung lăm teh đak?

II Ho 28:25

Tơ rim pơlei lăm char Juđa, sư pơjing pơdơ̆ng lu anih kơjung wă soh tơmam 'bâu phu ăn kơ lu yang nai, wă tơblĕk Kră Yang 'Bok Kei-Dei 'bok sư.

Je 18:15

Mă-lei kon pơlei Inh hiơt kơ Inh; Soh 'long 'bâu phu kơ rup yang kư̆ kă. Sơ̆ lu sư kiơ̆ trong so, mă-lei pơ̆k huŏng yua kơ rup yang, Na weh kiơ̆ trong nai, lu trong tam mă hơmet.

Je 40:3

Na Kră Yang pơm tơpă thoi sư đei khan boih, yua kơ lu iĕm pơm yoch sơngah kơ Kră Yang păng kuă kơ kiơ̆ nơ̆r Sư. Lei na tơdrong 'nâu truh tơ lu iĕm.

Je 44:5

Mă-lei lu sư ưh kơ wă mơ̆ng păng kư̆m kuă kơ pơgling đon mơ̆n, ưh kơ wă weh đơ̆ng tơdrong kơnê̆ păng kư̆m oei soh nhang 'bâu phu ăn kơ yang nai.

Hôsia 10:1

Bơngai Isơrael sơ̆ thoi minh tơnơm hơmu hơdrih 'lơ̆ng, plei sư trem. Lăp plei sư rai trem lơ, lu sư kư̆m pơdơ̆ng chơnang soi rai lơ; kiơ̆ thoi lu sư chăt rai lơ rai mơdrŏng lăm char sư, lu sư pơm rup yang rai lơ thoi noh mơ̆n.