Je 10:25 - Sơ̆p Hlabơar Nơ̆r 'Bok Kei-Dei

²⁵ Tuh bĕ tơdrong Ih hil mĭl kơ lu dêh char, Lu dêh char mă ưh kơ băt kơ Ih, Păng lu adrĕch adrung mă ưh kơ krao khan hăm anăn Ih. Yua kơ lu sư pơrăm boih Jakôp, Lu sư pơlôch pơrăm sư, Lu sư pơrăm dêh char sư.

Je 10:25 Referans Kwoze

Je 8:16

Đơ̆ng tơring Đan, đe kơtơ̆ng aseh hmoi; wă kơtơ̆ng aseh ôr, đĭ-đăng jơ̆p kơ teh đak pơpơ̆; Lu sư truh wă pơrăm teh hăm lu tơmam lăm noh, lu pơlei tih hăm lu bơngai oei lăm pơlei noh.”

Horiso 14:4

Hăm trŏ kơ đĭ-đăng lu bơngai pơm kơnê̆, ưh kơ đei đon băt? Na lu sư luăn sa kon pơlei Inh nhen thoi sa 'bĕng. Păng kư̆m ưh kơ đei apinh Kră Yang ôh.

Jop 18:21

Tơpă, 'noh jơ̆ anih lu bơngai pơm kơnê̆ oei 'Noh anih lu bơngai ưh kơ băt kơ Kră Yang 'Bok Kei-Dei.

II Tes 1:8

Lu sư yak lăm anê̆ ŭnh. Sư wă phak lê̆ lu bơngai mă ưh kơ băt kơ 'Bok Kei-Dei păng ưh kơ wă lui yom kơ tơdrong 'nao 'lơ̆ng Kră Yang bơ̆n Yêsu Krist.

I Tes 4:5

Sư ưh kơ wă kơ bơ̆n hưch hanh pơm pơyô kư̆ kă thoi lu bơngai ưh kơ lui kơ 'Bok Kei-Dei ôh.

Sa 1:15

Păng Inh ưh kơ lăp jơhngơ̆m đon kơ adrĕch adrung mă oei hiôk. Sơ̆ Inh hli kơ kon pơlei pơla Inh lăp ai đĕch, mă-lei lu adrĕch adrung sư thim tơdrong pơmat kơ lu sư.’

Jêphania 1:6

hăm lu bơngai mă weh achăng lê̆ đơ̆ng Kră Yang păng lu bơngai mă ưh kơ chơchă Kră Yang, ưh kơ krao apinh Sư.

Je 50:17

Isơrael boih khŭl triu jrok, Đei dăm-brang druh rôp. Adrol sơ̆ pơtao Asiri hek sa lu sư boih; Đơ̆ng rŏng Nebukatnessar, pơtao Babilôn, kăp rĕn kơting sư.”

Je 50:7

Đe bu tơ'bơ̆p lu sư rôp 'buh sa; Lu bơngai ayăt kơ lu sư khan. ‘Lu nhôn ưh kơ pơm yoch ôh, Lu sư pơm yoch boih hăm Kră Yang, Sư boih mă tơmăn 'nhĕt tơpă. Păng tơm tơdrong 'bok yă lu sư gơnang, Sư boih Kră Yang.’

Horiso 27:2

Mưh lu bơngai pơm kơnê̆ bruh Wă hek sa sĕch inh, lu ayăt hăm lu bơngai wă blah inh. Na lu sư pơ̆k đĭ-đăng.

I Kor 15:34

Iĕm athei tơbral tơdrong yoch na jing 'lơ̆ng 'nĕ pă pơm tơdrong yoch đơ̆ng âu tơ anăp. Lu iĕm mơ'nah ưh kơ hlôh wao tơdrong 'Bok Kei-Dei thoi yơ na iĕm mơlâu ưh?

Jang 17:23

Hơtai inh brŏk năm chă lăng pơlei iĕm, inh 'bôh lu anih iĕm kơkuh kơ yang păng inh 'bôh minh anih iĕm chih thoi âu: ‘Anih âu bơ̆n kơkuh kơ yang bơ̆n ưh tam kơnăl.’ Yang iĕm kơkuh noh iĕm khan ưh tam kơnăl, mă yang noh boih inh bơtho kơ iĕm dang ei.

Yo 17:25

Ơ 'Bă Inh, Ih 'lơ̆ng tơpăt, lu bơngai ala teh âu ưh kơ băt kơ Ih, mă-lei Inh băt kơ Ih păng lu sư âu băt kơ Ih wơh Inh.

Jêphania 3:8

Thoi noh, Kră Yang khan: “Lu iĕm athei gô Inh dĭng truh tơ năr Inh gô iung blah rôp; yua kơ Inh wă iŏk akŭm pơpôi đĭ lu kon pơlei păng akŭm đĭ lu dêh char Inh, Inh wă tuh tơdrong hil păng tơdrong blĕk Inh tơ lu sư, yua kơ đơ̆ng ŭnh Inh gar gô luăn sa đĭ teh âu.

Nhom 2:22

Ih ăn tơdrong hli krưp truh tăp dăr kơ inh, Thoi Ih pơtơm bơngai wă năm sŏng sa tih. Lăm năr Kră Yang hil, ưh kơ đei bu klaih hlôi, kư̆m ưh kơ đei bu arih. Dôm lu bơngai mă inh đei pôk kơ'mĭn păng 'me rong, Linh ayăt pơlôch pơrăm đĭ boih.

Êsai 64:7

Ưh kơ đei bu krao chă anăn Ih, kư̆m ưh kơ đei bu 'blŏk wă rôp kơjăp kiơ̆ Ih, yua kơ Ih ôn bơih muh măt Ih kơ lu nhôn, lê̆ lu nhôn răm lăm tơdrong yoch lu nhôn kơdih.

Êsai 43:22

Mă-lei, ơ Jakôp, iĕm ưh kơ krao apinh Inh! Ơ Isơrael iĕm đĭ bơ̆l kơ Inh bơih!

Tơdrông Tơ'bôh 16:1

Đơ̆ng noh inh kơtơ̆ng 'bơ̆r pơma re đơ̆ng lăm hnam 'Bok Kei-Dei ei khan kơ tơpơh 'nu lu linh jang 'lơ̆ng wă tuh đak pơgang ei thoi âu: “Năm bĕ, tuh tơpơh tŏ pơnhan đak pơgang tơdrong 'Bok Kei-Dei hil tơ teh.”

Horiso 69:24

Tuh bĕ tơdrong hil Ih tơ lu sư. Ăn tơdrong hil mĭl Ih truh tơ lu sư.

Horiso 147:20

Sư ưh kơ đei pơm thoi noh ôh kơ adrĕch adrung nai; Lu sư ưh kơ băt hlôh ôh nơ̆r tơtă đơ̆ng Kră Yang. Halêluya!

Êsai 9:12

Mă-lei kon pơlei ưh kơ wih brŏk ôh tơ tơ'ngla mă teh pơjĭ lu sư, kư̆m ưh kơ chơchă Kră Yang Tih Hloh.

Je 11:1

Kră Yang khan kơ Jêrêmi thoi âu:

Je 30:16

Mă-lei đe bu kăp sa iĕm đe gô kăp sa lu sư; lu bơngai ayăt kơ iĕm gô jing bơnă; bu mă tơgar iŏk tơtông tơmam đơ̆ng iĕm, đe kư̆m gô blah tơgar iŏk đơ̆ng lu sư.”