Je 10:19 - Sơ̆p Hlabơar Nơ̆r 'Bok Kei-Dei

¹⁹ Răm-'băm dêh kơ inh yua kơ inh jĭ rơka! Rơka inh ưh kơ gơh klaih. Inh khan: “'Nâu lăp tơdrong jĭ đĕch, na inh athei pŭ tơdrong noh.”

Je 10:19 Referans Kwoze

Mi 7:9

Inh pŭ iŏk tơdrong Kră Yang hil yua kơ inh đei pơm yoch boih hăm sư, dĭng truh tơ Sư tơgŭm inh dơ̆ng, sek tơlang tơdrong tơpăt inh, Sư gô chông ba inh truh tơ tơdrong hơdah păng inh gô 'bôh tơdrong tơpăt Sư.

Je 14:17

Apinh ih khan kơ lu sư nơ̆r 'nâu: Ăn kơ măt inh lĕch đak măt ling-lang, Măng năr ưh kơ pơdơh, yua kơ kon adruh inh, kơ kon pơlei inh, răm-'băm jĭ rơka hơbur dêh, đe pơm jĭ pơmat dêh kơ lu sư.

Je 4:31

Inh kơtơ̆ng nơ̆r ôr thoi drŏ-kăn tơpŭ, ôr hơdrăi thoi bơngai adruh tơpŭ kon blŭng-a. Noh nơ̆r ôr lu kon Adruh Siôn, ôr tơngưih plaih ti na khan răm dêh kơ inh, “inh lôch hơngơ̆t bơih, 'bơ̆t anăp lu bơngai chă pơlôch inh!”

Horiso 39:9

Inh ngăn ưh pă đei ha 'bơ̆r, Yua kơ Ih pơm tơdrong noh.

Nhom 3:48

Đak măt inh lĕch ro thoi đak, yua kơ kon adruh inh đe pơlôch.

Nhom 1:2

Sư nhơ̆m ơh ol kơmăng, đak măt lĕch 'bĕnh kơ tơ'bŏk. Dôm lu bơngai mă 'mêm kơ sư, ưh kơ đei bu pơlung sư. Buôl buăl sư pơm tơwih kơ sư, tă kơ jing ayăt ngăl.

Je 17:13

Ơ Kră Yang, Ih boih anih hơmĕng tơm kơ bơngai Isơrael, lu bơngai bu achăng lê̆ Ih gô mơlâu! Bơngai bu weh đơ̆ng Inh, chih jô̆ anăn lu sư gah anih lôch, yua kơ lu sư achăng lê̆ Kră Yang mă tu đak glung arih ling-lang.

Je 9:1

Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!

Je 8:21

Jơhngơ̆m inh pơchah yua kơ 'mêm mơnat kơ kon pơlei inh pơmat, Inh nhơ̆m sơ'ngon, lăm jơhngơ̆m inh pă sŭk boih.

Je 4:19

Ô! Răm, inh chhŭr nuih, inh jĭ lăm jơhngơ̆m, jơhngơ̆m inh rŭng răng, ô plei nuih inh 'bôm dĕnh, inh ưh pă kĕ chơ̆n boih. Inh kơtơ̆ng đe hlôm keng roi tơbăt, tơdrong ôr tơblah wă truh.

Êsai 8:17

Inh gô gơnang kơ Kră Yang păng chang gô Sư, jơ̆ Kră Yang mă ôn muh măt Sư đơ̆ng adrĕch Jakôp.

Horiso 77:10

Inh khan: “Âu boih pơmat-tat kơ inh, Ti 'ma Kră Yang Tih Hloha tơplih boih.”

Je 14:7

Ơ Kră Yang mă khan tơdrong kơnê̆ lu nhôn plơ̆ tơbăt kơ lu nhôn, apinh Ih tơgŭm nhôn yua kơ anăn Ih! Tơpă lu nhôn pơm kơnê̆ tih dêh; lu nhôn pơm yoch hăm Ih boih.