Biblia Todo Logo
Bib sou entènèt

- Piblisite -




Jang 7:45 - Sơ̆p Hlabơar Nơ̆r 'Bok Kei-Dei

45 Lu kon sư dơ̆ng, lăp 'bok Jôsuê pơgơ̆r, lu sư tung ba hnam ei tơ dêh Kanaan mă bơ̆n oei dang ei, na 'Bok Kei-Dei pơpuh lê̆ lu bơngai mă oei tơ dêh Kanaan sơ̆ ăn kơ lu 'bok kơdră bơ̆n oei tơ dêh Kanaan. Hnam ei oei truh tơ Đawit pơm pơtao.

Gade chapit la Kopi




Jang 7:45
20 Referans Kwoze  

Ih đei yua ti Ih puh tơweh kon pơlei pơla, na pơtăm lu 'bok yă nhôn. Ih pơma kơ lu kon pơlei pơla, mă ăn kơ lu 'bok yă nhôn rai pŭn hiôk.


Đơ̆ng hơdrol sơ̆ lu bơngai Isơrael oei chang gô Kră Yang 'Bok Kei-Dei wă ăn kơ lu sư teh đak Kanaan ei dang oei pă puăn-hrĕng pơđăm-jĭt sơnăm 'mơ̆i na truh. Na truh boih puăn-hrĕng pơđăm-jĭt sơnăm, Kră Yang 'Bok Kei-Dei pơlôch pơrăm tơpơh khŭl bơngai ei na teh đak lu đe ei 'Bok Kei-Dei ăn kơ lu bơngai Isơrael. 'Bok Kei-Dei ăn kơ lu sư đei lu kră sek tơlang kơdih sư truh tơ 'bok Samuel, bơngai pơtruh nơ̆r 'Bok Kei-Dei sơ̆.


Kră Yang đei pơpuh tơweh boih 'bơ̆t anăp lu nhôn lu adrĕch adrung, kon pơlei Amôrit mă oei lăm char 'nâu lu nhôn wă chu yom kơ Kră Yang, yua kơ Sư boih Kră Yang 'Bok Kei-Dei lu nhôn.”


Yua kơ Kră Yang hlôi đei puh tơweh boih 'bơ̆t anăp lu iĕm adrĕch adrung tih pran păng truh tơ dang ei ưh kơ đei bu kĕ dơ̆ng tơblah 'bơ̆t anăp lu iĕm.


Đĭ-đăng kon pơlei Isơrael, đei akŭm tơ pơlei Silô, pơm pơdơ̆ng Bơsŭn anih akŭm blŭng-a tơ noh: Lu sư pơgơ̆r jơ̆p teh đak.


Sơ̆ 'bok Jôsuê anhăk lu bôl sư bơngai Isơrael năm oei tơ minh pôm dêh 'Bok Kei-Dei ăn. Mă ưh kơ sĭ 'Bok Kei-Dei wă ăn kơ lu bơngai chăl Đawit sơ̆ oei pơdơh hơdai hăm Sư tơ dêh char noh ôh. Sư khan noh oei đunh tơpă ưh kơ băt dôm jơhnơr, Sư khan lê̆ kơ lu bơngai chăl Đawit wă kơ lu bơngai noh chu kơ Sư, Sư wă ăn mơ̆t oei tơ dêh char Sư tơ plĕnh.


Sư puh tơweh lu kon pơlei nai 'bơ̆t anăp lu sư, Hlang păng klah song teh ăn kơ lu sư jang sa. Sư ăn kơ lu bơngai Isơrael oei tơ lăm anih hnam kon pơlei ei.


Thoi noh kon sâu lu sư mơ̆t păng iŏk dêh char, Ih pơlung lu kon pơlei dêh Kanaan, pơjao kon pơlei noh păng lu pơtao dêh noh hăm lu kon pơlei lăm tơpang ti lu sư pơgơ̆r mơ̆ng kơ lu sư wă.


Yua kơ lăm chăl noh bơsŭn anih akŭm Kră Yang mă Môis đei pơm tơ lăm char glă, păng chơnang soi tơmam soi 'buh tơ anih kơjung tơ pơlei Gibeôn,


Sư lê̆ Sađok 'bok soi hăm lu 'nhŏng oh sư pơm 'bok soi 'bơ̆t anăp bơsŭn anih akŭm Kră Yang lăm anih kơjung tơ pơlei Gibeôn.


Lu sư tung ba hloi hnam khăn anih akŭm. Hom Pơgơ̆p chĕp ba dôm tơmam rơgoh năm hloi tơ anih noh; lu 'bok soi păng bơngai Lêwi tung hom pơgơ̆p 'noh.


Thoi noh, lu sư wơh bơngai năm tơ Silô, tung iŏk Hom Pơgơ̆p Kră Yang Tih Hloh, Tơ'ngla mă oei tơ lăm lu chêrubim. 'Bar 'nu kon drŏ-nglo Hêli, jơ̆ Hopni păng Phinêhas, bre sư kư̆m năm kiơ̆ Hom Pơgơ̆p Kră Yang 'Bok Kei-Dei mơ̆n.


Lu sư oei kơkuh kơ rup yang đơ̆ng Mika man. Kơplah lăm chăl hnam akŭm Kră Yang 'Bok Kei-Dei oei tơ Silô.


Năm tŏk bĕ tơ lu kông Abarim, tơ Nêbô lăm dêh char Môap, tơklă pơlei Jêrikô; wă tơmang lăng dêh Kanaan mă Inh wă ăn kơ kon pơlei bơngai Isơrael bơ̆jang sa.


Đơ̆ng char Êyiptơ Ih rô̆ ba boih minh tơnơm hơmu; Ih pơpuh boih lu dêh char na pơtăm tơnơm hơmu noh,


Êlisama pơjing Nun; Nun pơjing Jôsuê.


Swiv nou:

Piblisite


Piblisite