Jang 7:10 - Sơ̆p Hlabơar Nơ̆r 'Bok Kei-Dei

¹⁰ Păng tơdrong anat anot sư 'Bok Kei-Dei kư̆m dŏng mơnat kơ sư mơ̆n. 'Bok Kei-Dei ăn kơ sư đei 'bơ̆r đon hơgei na 'bok pơtao Pharôn đe Êyiptơ lăp đon kơ Yôsep, na 'bok pơtao ăn kơ sư pơm kră pơgơ̆r dêh đe Êyiptơ păng pơgơ̆r hnam pơtao mơ̆n.

Jang 7:10 Referans Kwoze

Tơdrông Pơđơk 3:4

Ih gô đei tơdrong mơnat păng đei tơdrong ư-ang 'lơ̆ng. 'Bơ̆t anăp Kră Yang 'Bok Kei-Dei păng kon bơngai.

II Tim 4:18

Păng Sư gô dŏng inh đơ̆ng dôm tơdrong kơnê̆ na atŏk inh tơ dêh char Sư tơ plĕnh. Thoi noh inh wă ư-ang kơ Sư ling-lang ưh kơ layơ hiơt. A-men.

Tơdrông Pơđơk 2:6

Yua kơ Kră Yang ăn tơdrong gơh hơgei; Đơ̆ng 'bơ̆r Sư lĕch tơdrong băt hlôh, hlôh wao.

Bl 48:16

Linh jang đei dŏng pơklaih inh đơ̆ng tơdrong pơmat-tat, apinh Ih tuh ăn tơdrong pŭn hiôk kơ bre hơ'lơ̆p âu; wă pơtrơp ioi adrĕch inh păng 'bok yă inh Abraham hăm Isăk păng ăn kơ lu sư hrôh rai lơ jơ̆p-jang kơ teh đak!

Horiso 22:24

Yua kơ Sư ưh kơ đei pơdê, ưh kơ krưp. Tơdrong pơmat kơ lu đe bu mă pơmat-tat, Kŭm ưh kơ đei ôn muh măt Sư kơ đe noh; Mưh lu sư krao apinh Sư, Sư tơl tơwih hloi

Bl 42:6

Na kơplah 'nâu, trŏ kơ Jôsep pơgơ̆r lăm dêh char Êyiptơ noh păng kư̆m tĕch ăn 'ba kơ đĭ-đăng kon pơlei. Lu đe 'nhŏng Jôsep truh, drap bon kơkuh 'bơ̆t anăp sư;

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.

Horiso 37:40

Kră Yang tơgŭm pơklaih lu sư; Sư pơklaih lu sư dơ̆ng lu bơngai kơnê̆ păng tơgŭm dŏng lu sư, Yua kơ lu sư kơ'nơp boih lăm Kră Yang.

Tơdrông Pơđơk 16:7

Dah chăl arih bơngai bu pơhiôk Kră Yang, Na Kră Yang kư̆m ăn lu ayăt oei hiôk hăm sư.

Ya 5:11

Bơ̆n ư-ang tơpă 'bôh lu bơngai đei tơdrong gleh truh mă sư oei lui kơjăp, thoi lĕ kơ 'bok Jop sơ̆ sư đei tơdrong gleh pơmat kơ sư dang noh mă sư oei adrin lui khŏm khŏm. Na đơ̆ng rŏng bơ̆n 'bôh 'Bok Kei-Dei mơnat kơ sư, ăn kơ sư hiôk jơnap, na bơ̆n kư̆m băt kơ 'Bok Kei-Dei mơnat kơ bơ̆n thoi sư noh mơ̆n.

Bl 44:18

Juđa năm jê̆ tơ Jôsep păng lung apinh thoi âu: Yua kơ ih pơm tih hơtŏ kơ hơngiĕng Pharaôn, apinh ih mơnat, 'nĕ kơ hil blĕk kơ đĭch đam ih, asong inh pơma minh nơ̆r kơ ih mơ̆ng yŏng tơ'ngla.

Bl 39:21

Kră Yang tơgŭm Jôsep păng 'mêm kơ sư ưh kơ tơplih, ăn yŏng wei-lăng hnam bơnă oei 'mêm kơ sư.

I Pot 8:50

mơnat ăn kơ yoch lu sư pơm, lu sư pơm glăi hăm Ih, apinh Ih ăn kơ bơngai mă rôp ba lu sư đei đon mơnat kơ lu sư.

Je 39:12

“Iŏk sư bĕ, wei-lăng sư pơ'lơ̆ng 'nĕ kơ pơrăm sư, mă-lei pơm kiơ̆ bĕ thoi sư wă.”