Jang 5:12 - Sơ̆p Hlabơar Nơ̆r 'Bok Kei-Dei

¹² Lu bơngai jơ̆ng 'bang Yêsu pơm lơ tơdrong mơsêh mơyang đơ̆ng Kră Yang ăn. Lu bơngai lui pôm jơhngơ̆m akŭm tơ pra hnam 'Bok Kei-Dei tơm mă đe anăn Pra Sôlômôn.

Jang 5:12 Referans Kwoze

Jang 19:11

'Bok Kei-Dei ăn kơ Pôl pơm tơdrong mơsêh mơyang hlĭch tơpă.

II Kor 12:12

Kơplah inh oei hơdai iĕm sơ̆, inh adrin jang tơdrong 'Bok Kei-Dei tơpă, iĕm kư̆m 'bôh lơ tơdrong inh tơbăt kơ iĕm inh pơm jơ̆ng 'bang Yêsu Krist păng iĕm kư̆m 'bôh lơ tơdrong mơsêh mơyang hlĭch hlăch tơpă.

Hêbrơ 2:4

'Bok Kei-Dei ăn kơ lu bơngai noh gơh pơm lơ tơdrong mơsêh wă tơbăt kơ bơ̆n tơdrong noh sĭt tơpă. Păng Sư ăn kơ lu bơngai lui, Yang Bơhngol 'Lơ̆ng hơgei gơh pơm lơ tơdrong nai dơ̆ng, mă Sư ăn pơm kiơ̆ thoi Sư lăp đon.

Jang 14:3

Bre Pôl păng 'Barna'ba oei tơ pơlei ei kư̆m đunh 'biơ̆ mơ̆n. Kră Yang tơgŭm bre sư bơtho kư̆m nuih tơpă. Kră Yang ăn kơ bre sư pơm tơdrong mơsêh mơyang wă kơ đe băt kơ bre sư bơtho tơdrong 'Bok Kei-Dei tơpă, wă pơklaih kon bơngai đơ̆ng tơdrong yoch.

Rom 15:19

Păng dôm tơdrong inh gơh pơm noh đơ̆ng Yang Bơhngol 'Lơ̆ng tơgŭm, mă tơdrong mơsêh, mă tơdrong nai. Thoi noh na inh adrin bơtho tơdrong Yêsu Krist jơ̆p-jang đơ̆ng Pơlei Jêrusalem truh tơ dêh Iliria boih.

Jang 3:11

Bơngai hơwen hơwo ei rôp ti bre Pêtrôs păng Yôhan. Lu sư oei 'bơ̆t pra hnam akŭm 'Bok Kei-Dei tơm, anăn Pra Sôlômôn. Na đĭ-đăng bơngai tơ ei sơleng kơ đon năm tơ lu sư.

Yo 10:23

Hơtai ei bơyan puih tơngiĕt. Na Yêsu nơnăm lăm pra Sôlômôn, lăm hnam akŭm 'Bok Kei-Dei tơm.

Jang 4:30

Apinh Ih yua mơsêh mơyang Ih wă pơklaih đe jĭ jăn. Păng apinh Kon Ih Yêsu mă 'lơ̆ng tơpăt ăn kơ nhôn pơm lơ tơdrong mơsêh mơyang.”

Jang 1:14

Lu đe âu krao khan ling-lang kơ Kră Yang 'Bok Kei-Dei. Kư̆m đei Mari mĕ Yêsu păng lu oh Yêsu drŏ-nglo păng lu drŏ-kăn nai dơ̆ng akŭm pôm đon krao khan păng lu sư mơ̆n.

Markôs 16:20

Klaih kơ noh lu bơngai pơhrăm păng Sư năm chă bơtho jơ̆p-jang. Kră Yang Yêsu kư̆m tơgŭm lu sư jang gơh pơm tôm tơdrong mơsêh wă kơ đe băt kơ lu sư bơtho tơdrong 'Bok Kei-Dei tơpă.

Jang 16:18

Adruh ei kiơ̆ nhôn rim năr khŏm khŏm, truh tơ Pôl sư pă kĕ ĕnh boih. Na Pôl hue lăng adruh ei păng khan kơ yang kơnê̆: “Inh yua anăn Yêsu Krist, inh athei e lĕch đơ̆ng bơngai adruh âu.” Na yang kơnê̆ ei lĕch hloi.

Jang 9:40

Pêtrôs athei lu sư lĕch đĭ-đăng đơ̆ng lăm hnam ei. Pêtrôs sư sơtơ̆p kŭl-tăng krao khan kơ Kră Yang. Đơ̆ng noh sư iung glĕch akâu sư kơdih, hue lăng atâu ei. Sư khan: “Ơ Đêka, iung bĕ.” Đơ̆ng noh yă Đêka lar măt păng 'bôh hloi Pêtrôs. Yă Đêka iung đơ̆ng 'bĭch tơoei 'bơ̆t anih sư.

Jang 9:33

Tơ ei đei minh 'nu bơngai hơwen hơwo, anăn sư Anêa. Sư ưh kơ gơh iung oei ôh, sư 'bĭch ling-lang ling-lang minh anih đĭ tơhngam sơnăm boih.

Jang 2:46

Rim năr lu sư akŭm tơ hnam akŭm 'Bok Kei-Dei tơm, hăm akŭm tơ lăm hnam sư kơdih. Lu sư sŏng sa hơdai dih băl 'blŏk hơdơ̆r kơ Yêsu. Lu sư chơt hiôk tơpă.

Je 26:9

“Liơ ih pơ̆n yua anăn Kră Yang pơma lê̆ adrol khan: Hnam akŭm âu gô thoi Silô, pơlei âu gô juơ ưh kơ đei bơngai oei?” Na đĭ-đăng kon pơlei akŭm wang Jêrêmi lăm hnam Kră Yang.

Yo 4:48

Yêsu khan kơ sư: “Dah Inh ưh kơ pơm tơdrong mơsêh mơyang lei iĕm ưh kơ wă lui kơ Inh ôh.”

Jang 28:9

Lu bơngai nai oei tơ bŏl đak ei kơtơ̆ng thoi noh, đĭ-đăng lu bơngai jĭ jăn năm tơ Pôl na Pôl kư̆m pơklaih lu sư mơ̆n.