Jang 4:6 - Sơ̆p Hlabơar Nơ̆r 'Bok Kei-Dei

⁶ Pêng khŭl ei akŭm păng Ana pơm 'bok soi tơm, Kaiphe, Yôhan, Aleksandrê păng đĭ adrĕch đe 'bok soi tơm.

Jang 4:6 Referans Kwoze

Yo 18:24

Klaih kơ noh Ana wơh đe ba Yêsu năm tơ 'bok soi tơm anăn sư Kaiphe. Ti Yêsu oei chô̆.

Mathiơ 26:3

Năr noh lu 'bok soi tih păng lu kră sek tơlang đe Juđê năm akŭm tơ hnam 'bok soi tơm, anăn 'bok soi tơm noh Kaiphe.

Yo 11:49

Hơtai ei sơ̆ đei minh 'nu 'bok anăn sư Kaiphe. Sơnăm noh sơ̆ sư pơm 'bok soi tơm. Sư kơtơ̆ng thoi noh na sư khan: “Iĕm ưh kơ hlôh tơpă lah iih tơdrong noh.

Jang 4:7

Lu kră sek tơlang anhăk ba bre Pêtrôs păng Yôhan wă sek tơlang. Lu sư jet bre Pêtrôs: “Đơ̆ng bu ăn kơ biĕm gơh pơklaih bơngai hơwen hơwo âu?”

Jang 5:21

Lu sư kơtơ̆ng thoi noh na 'năr lĕch pơgê dơning sư năm bơtho tơ hnam akŭm 'Bok Kei-Dei tơm thoi đêl. 'Bok soi tơm păng lu bôl sư năm truh tơ hnam sư akŭm. Sư krao lu kră sek tơlang păng khŭl lu kră dêh Juđê. Đơ̆ng noh lu sư wơh linh năm ba lu bơngai phak tơ lu kră sek tơlang ră.