Jang 27:43 - Sơ̆p Hlabơar Nơ̆r 'Bok Kei-Dei

⁴³ Mă-lei 'bok yŏng linh ưh kơeng wă pơlôch Pôl, na păng ưh kơ ăn pơlôch đĭ-đăng bơngai phak. Mă hơdrol sư athei lu bơngai gơh glơi kơtah tơ đak glơi tŏk tơ kông.

Jang 27:43 Referans Kwoze

Jang 27:3

Na năr dơning nhôn truh tơ Pơlei Siđôn. 'Bok yŏng linh, anăn sư Julus, mơnat kơ Pôl, na ăn kơ sư jur đơ̆ng thŏng-nan năm ngôi tơ lu buăl sư tơ pơlei ei. Julus kư̆m ăn kơ buăl Pôl tơgŭm Pôl lu tơdrong sư wă kăl.

Tơdrông Pơđơk 16:7

Dah chăl arih bơngai bu pơhiôk Kră Yang, Na Kră Yang kư̆m ăn lu ayăt oei hiôk hăm sư.

II Kor 11:25

Pêng 'măng đe tôn teh inh păng 'long tơnôn pah băl, minh 'măng đe klơ̆m păng tơmo, pêng 'măng hao thŏng-nan, thŏng-nan krăm, minh măng minh năr oei tơ kơpal đak dơsĭ.

Jang 27:11

Mă-lei 'bok yŏng linh sư ưh kơ chu kơ Pôl pơma ôh, sư chu pôm bơngai wơ̆r thŏng-nan hăm tơ'ngla thŏng-nan ei đĕch.

Jang 23:24

Mă 'bar 'nu biĕm kư̆m athei đei aseh mơ̆n wă ăn kơ Pôl hao kiơ̆. Biĕm hăm lu linh athei chông ba Pôl truh tơ 'bok kuan tih Phêlik.”

Jang 23:10

Lu kră sek tơlang ei pơjah dih băl rai pran truh kơ 'bok tih linh hli kơ lu kră sek tơlang wă pơjĭ Pôl dêh. Na sư athei lu linh sư năm tơ tŏk-bŏk đe wă dui iŏk Pôl đơ̆ng tŏk-bŏk bơngai tơpôl ei wă anhăk Pôl tơ kơđông.

Jang 27:31

Na Pôl khan kơ 'bok yŏng linh hăm lu linh sư: “Tơdah lu tơ'ngla wei thŏng-nan jăk, bơ̆n gô lôch đĭ-đăng.”

Jang 27:42

Lu linh sư tơchĕng wă pơlôch đĭ lu bơngai bơnă, yua kơ lu sư hli kơ mơ'nah gơh glơi đak na kơdâu jăk tơ nai.