Biblia Todo Logo
Bib sou entènèt

- Piblisite -




Jang 2:41 - Sơ̆p Hlabơar Nơ̆r 'Bok Kei-Dei

41 Thoi noh lu bơngai mă iŏk nơ̆r bơtho 'noh, lu sư iŏk 'batem. Lăm năr 'nei đei dang pêng-rơbâu 'nu bơngai mơ̆t tơ lu bơngai lui.

Gade chapit la Kopi




Jang 2:41
21 Referans Kwoze  

Mă-lei đơ̆ng Pêtrôs păng Yôhan bơtho ei đei lơ 'nu bơngai lui kiơ̆ kơ Yêsu. Na jô̆ đơ̆ng Yêsu tŏk tơ plĕnh truh tơ đe rôp bre sư, gah drŏ-nglo đĕch đei pơđăm-rơbâu 'nu bơngai lui kiơ̆ kơ Yêsu boih.


Lu sư bơnê kơkuh kơ 'Bok Kei-Dei. Lu kon tơring tơrang kư̆m hơiă kơ lu sư. Rim năr đei bơngai lui na Kră Yang pơklaih lu sư păng tơmơ̆t lu đe noh tơ lăm khŭl bơngai lui.


Kơtơ̆ng tơdrong 'noh boih, lu kon tơring mơn lăm jơhngơ̆m sư na jet Pêtrôs hăm lu bôl sư khan: “Ơ 'nhŏng oh, nhôn athei pơm lơliơ wă klaih đơ̆ng tơdrong yoch?”


Inh khan kơ iĕm tơpă, bơngai bu lui kơ Inh, bơngai 'noh gô pơm dôm tơdrong Inh pơm mơ̆n. Păng sư gô pơm tơdrong tih hloh kơ Inh dơ̆ng mơ̆n, kơlih kơ Inh wă wih tơ 'Bă Inh boih.


Pôl pơma thoi noh boih, na lu bơngai lăm noh mơ̆n mă ưh kơ bơngai Juđê, lu sư kơtơ̆ng thoi noh jơhngơ̆m lu sư chơt hiôk tơpă. Lu sư khan: “Nơ̆r 'Bok Kei-Dei hiôk 'lơ̆ng tơpă iih?” Na lu bơngai 'Bok Kei-Dei rơih wă kơ sư arih ling-lang, lu sư lui kơ Kră Yang Yêsu.


Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.


Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:


Iĕm pơm kiơ̆ rok thoi nhôn boih, noh thoi nhôn pơm kiơ̆ rok Kră Yang Yêsu Krist ki mơ̆n. Iĕm đei lơ tơdrong pơmat-tat mă-lei khŏm lui kơ tơdrong nhôn bơtho, Yang Bơhngol 'Lơ̆ng ăn kơ iĕm jơhngơ̆m hiôk hơiă tơpă.


Bơngai bu ưh kơ chu yom Sư, iĕm athei pơlôch tŭk sư.’


Na Yôsep krao 'bă sư Jakôp păng đĭ-đăng 'nhŏng oh sư tơpơh-jĭt pơđăm 'nu năm oei păng sư.


Đĭ-đăng lu nhôn oei kơpal thŏng-nan ei đei 'bar-hrĕng tơpơh-jĭt tơdrâu 'nu bơngai.


Đĭ-đăng kơ bơ̆n athei chu yom kơ bơngai mă pơgơ̆r bơ̆n. Tơ̆ng 'Bok Kei-Dei ưh kơ ăn, ưh kơ đei bu gơh pơgơ̆r. Đĭ-đăng lu bơngai pơgơ̆r đơ̆ng 'Bok Kei-Dei ăn ngăl.


Lu bơngai noh sơ̆ lu sư ưh kơ chu lui kơ 'Bok Kei-Dei kơplah Nôê oei pơm duk sơ̆. 'Bok Kei-Dei chang gô lu sư lui ră, mă-lei lu sư kuă kơ lui. Lăp tơhngam 'nu đĕch lui kơ 'Bok Kei-Dei, lu sư mơ̆t lăm duk na huay kơ lôch kơ đak lơ̆p.


Linh jang 'lơ̆ng mă 'bar tuh đak pơgang sư tơ đak dơsĭ, na đak dơsĭ jing pham thoi pham kon bơngai lôch. Na dôm sem brem arih lăm đak dơsĭ lôch đĭ.


Na Pêtrôs tŏk kơpal thŏng-nan hiot hloi jal ei atŏk kơpal kông. Jal ei ka puh, ling ka tih tih ngăl mah minh-hrĕng pơđăm-jĭt pêng tŏ ka. Ka sư lơ dang noh ngơnh kơ jal sư huay kơ hiah.


Swiv nou:

Piblisite


Piblisite