Jang 19:32 - Sơ̆p Hlabơar Nơ̆r 'Bok Kei-Dei

³² Lăm hnam đe ei đe pơma đơđơu đơđao mao. Đei lu mơ'nah pơma re tơdrong 'nâu, lu mơ'nah tơdrong nai, yua kơ lu sư ưh kơ băt akŭm tơdrong kiơ.

Jang 19:32 Referans Kwoze

Jang 21:34

Lu sư pơma re, mơ'nah khan sư pơm tơdrong 'nâu, lu mơ'nah khan pơm tơdrong nai. Kơlih kơ 'bơ̆r bơngai tơpôl pơma na jing đơđơu đơđao mao, 'bok tih linh ưh kơ băt Pôl pơm tơdrong kiơ. Na sư athei lu linh sư anhăk Pôl mơ̆t tơ kơđông sư.

Jang 19:40

Bơ̆n akŭm năr âu kư̆ kă đĕch, ưh kơ trŏ năr sư pơkă ôh. Na bơ̆n hli kơ lu kră pơgơ̆r ngêh kơ bơ̆n jâu sư khan bơ̆n wă pơm kơnê̆ kơ sư. Dah lu sư jâu bơ̆n tơpă, bơ̆n ưh kơ gơh drơ̆ng sư thoi yơ.”

Jang 19:29

Na đĭ-đăng kon pơlei pơla kơtơ̆ng tơdrong noh, lu sư kư̆m hil areh mơ̆n. Na sư krao pơret dih băl wă kơ đe pơlei năm tơkan tơ sư. Na lu sư năm rôp 'bar 'nu buăl Pôl, anăn bre sư Guơs păng Aritak. Bre sư bơngai đơ̆ng dêh char Masêđôn. Lu kon pơlei pơla chông ba bre sư tơ hnam akŭm đe kon pơlei juăt sek tơlang tơdrong bơngai.

Jang 19:31

Kư̆m đei 'bar pêng 'nu kră pơgơ̆r dêh char Asi buăl juăt Pôl. Lu sư pơtruh kơ Pôl khan: “Ih 'nĕ kơ mơ̆t lăm hnam akŭm đe noh.”