Jang 17:19 - Sơ̆p Hlabơar Nơ̆r 'Bok Kei-Dei

¹⁹ Na lu sư anhăk Pôl truh tơ kră pơlei tơ kông Arêpa. Kông ei kơtă lăm pơlei sư hloi. Păng nơ̆r sư khan: “Nhôn wă kơ băt gah tơdrong 'nao ih bơtho.

Jang 17:19 Referans Kwoze

Markôs 1:27

Thoi noh na đĭ-đăng bơngai 'bôh Sư pơm thoi noh, lu sư sơleng kơ đon na sư tơjet dih băl khan: “Sư bơtho tơdrong kiơ âu kih? Sư bơtho tơdrong 'nao dah kiơ, na Sư gơh pơpuh yang kơnê̆, na yang kơnê̆ chu Sư?”

Jang 17:22

Pôl dơ̆ng 'bơ̆t anăp kră pơlei tơ kông Arêpa păng khan thoi âu: “Ơ Pơlei Aten, inh 'bôh iĕm kơkuh kơ rup yang lơ tơpă.

Jang 26:1

Na pơtao Agripa khan kơ Pôl: “Dang ei ăn kơ ih gơh pơma dŏng akâu ih kơdih.” Na Pôl yơ̆r ti pơma hloi dŏng kơdih akâu:

Jang 25:22

Pơtao Agripa khan kơ Phêtus: “Inh wă mơ̆ng Pôl pơma mơ̆n.” Phêtus khan: “Năr dơning ih gô mơ̆ng sư pơma.”

Jang 24:24

Đunh 'biơ̆ dang 'bar pêng năr đơ̆ng noh 'bok kuan tih Phêlik năm tơ ei dơ̆ng. Akăn sư kư̆m năm hơdai hăm sư mơ̆n. Anăn sư Drusil. Sư bơngai Juđê. Phêlik krao Pôl năm tơ sư. Na bre sư mơ̆ng Pôl bơtho gah tơdrong lui kơ Kră Yang Yêsu Krist.

Jang 17:20

Nhôn đơ̆ng sơ̆ khơ̆ dang ei ưh tam kơtơ̆ng tơdrong ih bơtho âu ôh, na nhôn wă kơ băt dang ei.”

Yo 13:34

Na dang ei Inh wă pơkă ăn kơ iĕm tơdrong 'nao âu: Inh wă kơ iĕm băt 'mêm mơnat dih băl. Iĕm athei băt 'mêm mơnat dih băl kư̆m thoi Inh 'mêm mơnat kơ iĕm.

Mathiơ 10:18

Păng đe gô jao iĕm kơ lu 'bok tih păng 'bok pơtao yua kơ iĕm jang tơdrong Inh. Iĕm kư̆m gơh ră roi kơ lu sư păng roi kơ lu bơngai dêh đe tơdrong 'nao 'lơ̆ng Inh.

Jang 17:34

Mă-lei kư̆m đei lu mơ'nah lui kơ Yêsu. Lăm lu sư lui ei đei Đenis. Sư bơngai kră pơlei khŭl sek tơlang tơ kông Arêpa ei păng yă Đamar. Păng lu bơngai nai dơ̆ng kư̆m lui.

Jang 23:19

'Bok tih linh rôp ti mon Pôl chông ba sư tơ nai, na jet sư: “E wă roi kơ inh tơdrong kiơ?”

Êsai 21:12

Bơngai gak tơl khan: “Pơgê truh bơih kơmăng kư̆m truh mơ̆n. Mưh ih wă jet; jet bĕ, kơnh wơ̆t tơ âu dơ̆ng hŏ.”