Jang 15:36 - Sơ̆p Hlabơar Nơ̆r 'Bok Kei-Dei

³⁶ Kư̆m đunh mơ̆n đơ̆ng rŏng kơ noh dơ̆ng, Pôl khan kơ 'Barna'ba thoi âu: “Ơ 'Barna'ba, bĕ ba năm hơpong kơ 'nhŏng oh bơ̆n tơ rim pơlei đêl ba bơtho sơ̆ bĕ, đunh boih, ưh kơ băt sư lơliơ dang ei.”

Jang 15:36 Referans Kwoze

Jang 14:6

Lăp bre sư kơtơ̆ng tơdrong noh, bre sư kơdâu jăk tơ dêh char Likanê. Tơ ei bre sư chă bơtho Tơdrong 'Nao 'Lơ̆ng tơ Pơlei Litrơ, Pơlei Dibơ păng lu pơlei tơring kiơ̆ ei mơ̆n.

Jang 13:4

Yua kơ Yang Bơhngol 'Lơ̆ng wơh bre sư năm na bre sư năm hloi tơ Pơlei Sêlusi. Đơ̆ng noh na bre sư tŏk thŏng-nan năm tơ bŏl đak đe anăn Chiprơ.

Jang 13:51

Na bre sư sơpuih 'bruih tơ jơ̆ng bre sư wă tơbăt kơ lu sư, lu sư bơngai yoch. Na bre Pôl năm hloi tơ Pơlei Ikôni.

II Kor 11:28

Păng đon tơchĕng rim năr hli kơ lu bơngai lui đei tơdrong gleh kư̆m pha 'mơ̆i.

Rom 1:11

Inh 'maih năm tơ iĕm dêh, wă kơ inh gơh tơgŭm iĕm lui kơ 'Bok Kei-Dei rai kơjăp hloh.

Jang 14:1

Tơ Pơlei Ikôni bre sư kư̆m mơ̆t tơ hnam akŭm đe Juđê bơtho đe mơ̆n. Bre sư bơtho hơgei tơpă na lơ bơngai Juđê păng lơ bơngai nai lui kơ Kră Yang Yêsu.

Le 4:18

Môis wih tơ tơnei sư Jêthrô na khan: Apinh 'bă ăn kơ inh wih brŏk tơ lu 'nhŏng oh inh tơ dêh Êyiptơ, wă lăng lăng lu sư hăm oei arih ưh. Jêthrô khan hloi kơ Môis: Kon yak mă 'lơ̆ng bĕ.

II Tim 1:4

Inh oei 'blŏk mơ̆n kơ ih hmoi kơ inh hơtai ba wă tơklah dih băl sơ̆, na dang ei inh rơnguơ̆ dêh, inh wă kơ ba tơ'bơ̆p băl dơ̆ng na jơhngơ̆m inh hiôk.

I Tes 3:6

Na dang ei Timôthê đơ̆ng iĕm brŏk tơ nhôn boih, sư roi kơ nhôn tơdrong iĕm oei lui kơjăp, băt 'mêm kơ 'Bok Kei-Dei hăm bôl buăl. Thoi noh na nhôn chhơp kơ jơhngơ̆m păng 'nă hal dêh. Sư roi kơ nhôn tơdrong iĕm 'mêm mơnat rơnguơ̆ kơ nhôn păng wă kơ tơ'bơ̆p nhôn dơ̆ng. 'Noh kư̆m lei-lăi thoi nhôn wă kơ tơ'bơ̆p iĕm dơ̆ng mơ̆n.

Jang 14:21

Bre sư bơtho Tơdrong 'Nao 'Lơ̆ng tơ Pơlei Dibơ ei, đei lơ bơngai lui kơ Kră Yang Yêsu. Đơ̆ng noh na bre sư brŏk tơ Pơlei Litrơ, Pơlei Ikôni păng Pơlei Antiôs.

Jang 7:23

“Truh tơ Môis puăn-jĭt sơnăm boih, sư tơchĕng wă năm hơpong tơ buôl sư đe Isơrael.

Mathiơ 25:43

Inh bơngai tơmoi, iĕm kuă kơ sơng iŏk; Inh kơ'bah kơ hơbĕn ao, iĕm kuă kơ tơgŭm; Inh jĭ jăn păng đe tah Inh tơ hnam phak, iĕm kư̆m kuă kơ năm ngôi.’

Mathiơ 25:36

Inh ưh kơ đei hơbĕn ao, iĕm tơgŭm; Inh jĭ jăn, iĕm ngôi hơpong; đe tah Inh tơ hnam phak, iĕm kư̆m năm ngôi.’

Je 23:2

Thoi noh na, Kră Yang, 'Bok Kei-Dei bơngai Isơrael khan kơ lu bơngai wei triu, wei-lăng kon pơlei Inh. “Lu iĕm pơm kơ triu Inh tơklah tơklang, pơpuh tơweh tơ nai ưh kơ wei rong lu sư, Kră Yang khan. 'Nâu Inh gô phak lu iĕm yua kơ tơdrong kơnê̆ iĕm pơm.”

Philip 1:27

Mă-lei iĕm athei lui mă kơjăp, pơm kiơ̆ mă 'blep trŏ thoi tơdrong Yêsu Krist. Thoi noh na mă inh gơh năm tơ iĕm, mă ưh, inh gô kơtơ̆ng tơdrong iĕm lui kơjăp pơgơ̆p băl minh jơhngơ̆m minh đon jang tơdrong Yêsu Krist na jơhngơ̆m inh hiôk.

Jang 13:12

'Bok kuan tih wei dêh char ei, sư 'bôh tơdrong hlĭch thoi noh na sư lui hloi kơ Kră Yang Yêsu. Sư mơ̆ng hlĭch tơpă tơdrong lu bơngai bơtho tơdrong Kră Yang 'Bok Kei-Dei.

Esther 2:11

Rim năr Morđêkai năm tơ cham hnam lu hơdruh, wă kơ băt kơ Esther sư thoi yơ.