Jang 15:1 - Sơ̆p Hlabơar Nơ̆r 'Bok Kei-Dei

¹ Đei bơngai đơ̆ng dêh char Juđê năm tơ Pơlei Antiôs bơtho lu bơngai lui khan: “Bơngai bu ưh kơ chu kăt tơdra akar sư kơdih kiơ̆ tơdrong juăt Môis pơkă sơ̆, lei ưh kơ gơh klaih đơ̆ng tơdrong yoch.”

Jang 15:1 Referans Kwoze

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

Jang 15:5

Mă-lei kư̆m đei bơngai lui kơ Yêsu đơ̆ng khŭl đe Pharisi iung pơma thoi âu: “Lu bơngai tơmoi lui kơ Yêsu ei, lu sư athei chu kăt tơdra akar kơdih păng kiơ̆ dôm lu tơdrong juăt Môis pơkă.”

Kôlôsê 2:8

Iĕm athei kơchăng hli kơ bơngai hơlĕnh pơhlŭ iĕm. Sư khan sư bơtho tơdrong trŏ, tơdrong đe gĭt; mă tơpă ưh ôh, sư bơtho tơdrong kư̆ kă đĕch, tơdrong ưh kơ đei, tơdrong kiơ̆ kơ đon kon bơngai tơchĕng. Lu sư bơtho tơdrong yang tơ ala teh, ưh kơ 'bơm tơdrong Yêsu Krist ôh.

Lêwi 12:3

Năr mă tơhngam đe gô kăt tơdra akar kơ kon drŏ-nglo sư.

Jang 15:24

Nhôn kơtơ̆ng ang lu bơngai đơ̆ng nhôn năm bơtho iĕm khan athei iĕm kăt tơdra akar păng răk dôm lu tơdrong juăt Môis pơkă. Đơ̆ng sơ̆ nhôn ưh kơ athei iĕm pơm thoi noh ôh, na dang ei iĕm hơwơ̆l boih. Lu bơngai athei iĕm răk dôm tơdrong juăt Môis pơkă noh, lu sư năm bơtho kơdih đĕch. Nhôn ưh kơ wơh sư ôh.

Yo 7:22

Môis pơkă ăn kơ iĕm tơdrong kăt tơdra akar; mă tơpă ưh kơ sĭ kơ Môis ôh hơdrol. Tơdrong kăt tơdra akar noh đơ̆ng lu yă 'bok iĕm sơ̆ pơtơ̆p hơdrol. Na lăp năr pơdơh Sa'bat iĕm kư̆m jang kăt tơdra akar đe mơ̆n, yua kơ Môis pơkă thoi noh.

Galati 2:1

Đơ̆ng rŏng kơ noh mơjĭt-puăn sơnăm nhi 'Barna'ba wih dơ̆ng tơ Pơlei Jêrusalem anhăk ba Tĭt kiơ̆ nhi.

Jang 15:3

Lu bơngai lui tơgŭm lu sư wă kơ gơh năm tơ Pơlei Jêrusalem. Na lu sư năm drong tơ dêh char Phênisi păng dêh char Samari roi kơ bơngai lui tơdrong lu bơngai tơmoi ưh kơ khŭl Juđê lui kơ Kră Yang Yêsu boih. Lăp lu bơngai lui kơtơ̆ng tơdrong noh, jơhngơ̆m lu sư chơt hiôk tơpă.

Jang 6:14

Nhôn kơtơ̆ng sư khan Yêsu gô pơrăm hnam akŭm 'Bok Kei-Dei tơm âu păng tơplih tơdrong juăt mă đêl Môis ată kơ bơ̆n sơ̆.”

Kôlôsê 2:16

Kơlih kơ thoi noh na iĕm 'nĕ kơ chu kiơ̆ tơdrong giĕng kon bơngai, mă lu sư hil, lu sư sek tơlang tơdrong iĕm sa et tôm tơdrong tơmam, dah hil kơ iĕm ưh kơ chu oei kiơ̆ tơdrong giĕng lu sư; lê̆ lu sư hil kư̆m bưh, mă giĕng tơdrong kiơ, bơyan kiơ, khei năr kiơ, lu bơ̆n ưh kơ kăl oei kiơ̆ ôh.

Jang 21:20

Hlôi sư pơma đang boih na lu sư khan bơnê kơ Kră Yang 'Bok Kei-Dei. Klaih kơ noh lu sư khan kơ Pôl: “Ơ oh, ih băt boih đei dôm rơbâu 'nu bơngai Juđê lui kơ Kră Yang Yêsu boih. Đĭ-đăng lu sư adrin kiơ̆ tơdrong juăt Môis ngăl.

Jang 15:22

Đơ̆ng noh lu jơ̆ng 'bang Yêsu, lu kră wei-lăng bơngai lui păng đĭ-đăng bơngai lui mơ̆n, lu sư wă rơih lu bơngai năm tơ Pơlei Antiôs hơdai bre Pôl păng 'Barna'ba. Lu sư rơih minh 'nu bơngai đei 'bar anăn, Juđa 'Barsa'ba păng minh 'nu dơ̆ng, Silas. Bre sư ei lu bơngai lui lăp đon 'biơ̆ lăm lu bơngai lui.

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Jang 15:23

Lu jơ̆ng 'bang Yêsu hăm lu kră wei-lăng bơngai lui ăn kơ lu sư chĕp hla kơthơ. Hla kơthơ ei chih thoi âu: “Nhôn lu jơ̆ng 'bang Yêsu păng lu kră wei-lăng bơngai lui, bơ̆n 'nhŏng oh. Nhôn hmach bơnê kơ đĭ-đăng kơ iĕm lăm kon tơmoi lui kơ 'Bok Kei-Dei, lu iĕm mă oei tơ Pơlei Antiôs, dêh char Siri păng dêh char Salisia.

Jang 15:32

Đơ̆ng sơ̆ bre Juđa păng Silas bơngai pơtruh nơ̆r 'Bok Kei-Dei. Bre sư bơtho kư̆m đunh mơ̆n wă kơ lu sư chơt hiôk lăm tơdrong 'Bok Kei-Dei, wă kơ lu sư lui mă kơjăp.

Galati 6:12

Lu bơngai wă pơang akâu kơdih, sư wă kơ đe jô̆ sư bơngai 'lơ̆ng, mă tơpă sư boih wă pơgŏ iĕm kăt tơdra akar. Sư pơgŏ iĕm thoi noh sư wă kơ đe huay kơ areh păng pơm kơnê̆ kơ sư. Dah sư khan bơ̆n ưh kơ kăl kăt tơdra akar, athei lui kơ Yêsu Krist lôch tang bơ̆n tơ 'long pơglang đĕch, lei sư hli kơ đe nai pơm kơnê̆ kơ lu sư dơ̆ng.