Jang 13:9 - Sơ̆p Hlabơar Nơ̆r 'Bok Kei-Dei

^9-10 Đe kư̆m anăn Sôl, noh Pôl. Na Pôl 'bĕnh kơ Yang Bơhngol 'Lơ̆ng. Pôl lăng bơngai pơjâu ei pơnhên khan hloi: “E bơngai plơ̆ plĕch hơlĕnh kơ đe ling-lang. E kon yang Satan, tang găn tơdrong 'lơ̆ng Kră Yang. Inh wă bơtho tơdrong 'Bok Kei-Dei tơpăt mă-lei e khan inh hơlĕnh. Ưh kơ trŏ inh hơlĕnh ôh, e hơlĕnh kơ tơdrong Kră Yang 'Bok Kei-Dei.

Jang 13:9 Referans Kwoze

Mi 3:8

Mă-lei gah inh, inh 'bĕnh kơ tơdrong pran kơtang, tơdrong sek tơlang păng đei jơhngơ̆m nuih yua kơ đơ̆ng Yang Bơhngol 'Lơ̆ng Kră Yang, wă roi ăn kơ Jakôp gah tơdrong sư pơm yoch, roi ăn kơ Isơrael gah tơdrong yoch lu sư.

Jang 4:8

Na Pêtrôs 'bĕnh kơ Yang Bơhngol 'Lơ̆ng khan kơ lu sư thoi âu: “Ơ đe kră sek tơlang păng kră pơgơ̆r lu bơngai Juđê,

Jang 2:4

Yang Bơhngol 'Lơ̆ng mơ̆t 'bĕnh kơ rim 'nu lu sư. Na lu sư pơtơm pơma phara hloi nơ̆r kiơ̆ thoi Yang Bơhngol 'Lơ̆ng ăn kơ lu sư pơma.

Jang 7:55

Mă-lei Êtien 'bĕnh kơ Yang Bơhngol 'Lơ̆ng na Yang Bơhngol 'Lơ̆ng tơgŭm sư tơpă. Sư ngoi lăng tơ plĕnh 'bôh ŭnh pơchrang hơdah đơ̆ng 'Bok Kei-Dei. Sư kư̆m 'bôh Yêsu oei gah 'ma kơ 'Bă Sư mơ̆n.

Markôs 3:5

Na Yêsu hue lăng đĭ-đăng kơ lu sư, Sư hil kơ lu sư. Sư sơ'ngon yua kơ lu sư arăng kơ̆l. Na Sư khan kơ bơngai ti kue: “Chro ti ih bĕ.” Bơngai ti kue ei chro ti sư, na klaih 'lơ̆ng hloi.

Jang 4:31

Lăp lu sư krao khan đang boih, hnam mă sư akŭm ei adrŏ kyĭng kiơ̆ng. Đĭ-đăng lu sư 'bĕnh kơ Yang Bơhngol 'Lơ̆ng na jing nuih tơpă bơtho nơ̆r 'Bok Kei-Dei.

Luka 20:17

Na Yêsu lăng tơ lu sư păng khan: “Tơdrong iĕm kuă kơ Inh noh trŏ thoi đe chih lăm sơ̆p hla bơar 'Bok Kei-Dei sơ̆ thoi âu: Tơmo mă thơ̆ man hnam hŭt lê̆, Jing tơmo man 'bơ̆t mum hnam

Mathiơ 10:20

Yua kơ đei Yang Bơhngol 'Lơ̆ng đơ̆ng 'Bă bơ̆n tơgŭm kơplah lăm iĕm pơma, ưh kơ sĭ kơ iĕm gơh pơma kơdih ôh.

Markôs 8:25

Yêsu 'măn ti tơ măt sư minh 'măng dơ̆ng. Bơngai ei lăng 'bloh, măt sư klaih hloi păng 'bôh tôm tơdrong hơdah nhên.