Jang 13:13 - Sơ̆p Hlabơar Nơ̆r 'Bok Kei-Dei

¹³ Đơ̆ng Pơlei Papôih Pôl păng lu buăl sư tŏk thŏng-nan năm tơ Pơlei Perga lăm dêh Pamphili. Mă-lei Markôs achăng lê̆ bre buăl sư brŏk tơ Pơlei Jêrusalem dơ̆ng.

Jang 13:13 Referans Kwoze

Jang 15:38

Mă-lei Pôl tơchĕng khan: “Ưh kơ trŏ kơ anhăk ba sư, yua kơ sư achăng lê̆ ba tơ dêh char Pamphili sơ̆ jing pă đei kiơ̆ ba bơtho tơdrong 'Bok Kei-Dei tơ pơlei nai.”

Jang 27:5

Đơ̆ng 'noh dơ̆ng nhôn năm găn hloi đak dơsĭ brih kơ dêh char Salisia hăm dêh char Pamphili, na truh tơ Pơlei Mira tơ lăm dêh char Lisi.

Jang 12:12

Đơ̆ng rŏng kơ sư tơchĕng boih, sư năm tơ hnam Mari mĕ Yôhan. Yôhan noh đe kư̆m anăn sư Markôs. Tơ ei đei lơ bơngai oei akŭm krao khan.

Jang 2:10

Mơ'nah đơ̆ng dêh char Phiji, kư̆m đei mơ'nah đơ̆ng dêh char Pamphili, mơ'nah đơ̆ng dêh char Êyiptơ, kư̆m đei mơ'nah đơ̆ng tơring Siren lăm dêh char Libi. Đơ̆ng Pơlei Rôm kư̆m đei mơ̆n, mơ'nah bơngai Juđê, lu mơ'nah bơngai nai kiơ̆ tơdrong juăt Juđê.

II Tim 4:11

Dang ei đei minh 'nu Luka đĕch oei păng inh. Ih pơtơm ba Markôs mơ̆n hŏ na biĕm năm tơ inh tơ âu yua kơ sư gơh tơgŭm inh tơpă gah jang tơdrong 'Bok Kei-Dei.

Kôlôsê 4:10

Aritak, sư oei lăm hnam phak hơdai hăm inh, sư kư̆m hơdai jet gia iĕm. Markôs, oh 'Barna'ba pôm yă 'bok, sư kư̆m hơdai jet gia iĕm mơ̆n. Dah sư đei năm tơ iĕm, iĕm sơng iŏk sư hŏ, kiơ̆ thoi inh khan kơ iĕm boih.

Jang 27:13

Klaih kơ noh kial dơhlu dă 'biơ̆ đơ̆ng gah gơal, na lu bơngai oei lăm thŏng-nan ei dui atŏk mam pơkơ̆ng thŏng-nan tơ kơpal boih na gơh năm. Nhôn năm jê̆ jih bŏl đak Kret.

Jang 15:36

Kư̆m đunh mơ̆n đơ̆ng rŏng kơ noh dơ̆ng, Pôl khan kơ 'Barna'ba thoi âu: “Ơ 'Barna'ba, bĕ ba năm hơpong kơ 'nhŏng oh bơ̆n tơ rim pơlei đêl ba bơtho sơ̆ bĕ, đunh boih, ưh kơ băt sư lơliơ dang ei.”