Jang 12:9 - Sơ̆p Hlabơar Nơ̆r 'Bok Kei-Dei

⁹ Na Pêtrôs asu khăn sư, iung yak kiơ̆ linh jang 'lơ̆ng tơ 'ngoaih hloi. Mă-lei Pêtrôs khan nhen lĕ apo đĕch.

Jang 12:9 Referans Kwoze

Horiso 126:1

Kơplah Kră Yang chông lu bơngai bơnă brŏk tơ Siôn. Lu nhôn thoi bơngai tep apo.

Hêbrơ 11:8

Abraham kư̆m yua kơ sư đei đon lui kơjăp, na lăp 'Bok Kei-Dei athei sư năm oei tơ dêh nai, na sư năm hloi tơ dêh mă 'Bok Kei-Dei pơkă wă ăn kơ sư noh. Sư kư̆ kơ năm, mă ưh kơ băt wă năm tơ dêh ayơ.

Jang 26:19

“Ơ pơtao Agripa, inh pơm kiơ̆ kơ Kră Yang Yêsu athei inh ei.

Jang 10:3

Minh năr ei dang pêng jơ kơsơ̆, 'bok Kôrnei 'bôh linh jang 'lơ̆ng đơ̆ng 'Bok Kei-Dei năm mơ̆t tơ hnam sư. Linh jang 'lơ̆ng khan kơ sư: “Ơ Kôrnei.”

Bl 45:26

Roi tơdrong noh thoi âu: Jôsep sư oei arih dang ei sư oei pơm yŏng pơgơ̆r đĭ dêh Êyiptơ. Mă-lei jơhngơ̆m Jakôp oei ưh kơ ngeh, yua kơ sư ưh kơ lui kơ nơ̆r đe noh roi.

Jang 11:5

“Hơtai inh oei tơ Pơlei Japa ki, minh năr ei inh oei krao khan na inh 'bôh minh pôm tơmam anŭng che tih đơ̆ng plĕnh jruh 'bơ̆t anăp inh.

Jang 10:17

Na Pêtrôs khan: “Inh tơchĕng thoi yơ kih tơdrong noh hei?” Na bơngai đơ̆ng Kôrnei truh boih tơ Pơlei Japa. Na sư jet đe tơ yơ hnam Simôn. Đe tơ'bôh kơ sư. Na sư truh tơ 'măng hnam boih.

Jang 9:10

Tơ Pơlei Đamas đei minh 'nu bơngai anăn sư Anania, sư lui kơ Yêsu. Anania kơtơ̆ng nơ̆r Yêsu khan kơ sư: “Ơ Anania ơi.” Anania khan: “Ơ Kră Yang, Ih wă kơ kiơ? Inh tơ âu.”

Yo 2:5

Mĕ Sư kơtơ̆ng thoi noh boih, na sư năm khan kơ lu bơngai awih: “Iĕm jang kiơ̆ kơ Sư athei hŏ.”

Bl 6:22

Nôê pơm tôm tơdrong âu trŏ 'blep thoi Kră Yang 'Bok Kei-Dei đei pơkă.

Jang 12:8

Đơ̆ng noh na linh jang khan kơ sư: “Hrŭk ao 'bot chơkhŏ ih wăi.” Na Pêtrôs hrŭk ao 'bot chơkhŏ sư hloi. “Păng asu khăn ih kiơ̆ inh.”