Jang 11:21 - Sơ̆p Hlabơar Nơ̆r 'Bok Kei-Dei

²¹ Kră Yang Yêsu Krist tơgŭm lu sư bơtho đe na đei lơ bơngai lui kiơ̆ kơ Kră Yang Yêsu.

Jang 11:21 Referans Kwoze

Jang 2:47

Lu sư bơnê kơkuh kơ 'Bok Kei-Dei. Lu kon tơring tơrang kư̆m hơiă kơ lu sư. Rim năr đei bơngai lui na Kră Yang pơklaih lu sư păng tơmơ̆t lu đe noh tơ lăm khŭl bơngai lui.

Luka 1:66

Đĭ-đăng bơngai kơtơ̆ng tơdrong noh pơwao lăm đon sư kơdih khan: “Nge âu ning-mônh sư wă pơm kiơ kơnh?” Lu sư tơchĕng thoi noh yua kơ lu sư 'bôh 'Bok Kei-Dei tơgŭm sư tơpă.

I Tes 1:5

Nhôn bơtho kơ iĕm tơdrong 'nao 'lơ̆ng ưh kơ sĭ păng 'bơ̆r nhôn pơma đĕch ôh, yua kơ mơsêh mơyang đơ̆ng Yang Bơhngol 'Lơ̆ng tơgŭm nhôn păng tơgŭm iĕm na iĕm băt nhôn bơtho tơdrong 'Bok Kei-Dei tơpă. Iĕm kư̆m băt nhôn bơngai thoi yơ pơm tơdrong kiơ hơtai nhôn oei hăm iĕm ki. Hăm trŏ nhôn adrin tơgŭm iĕm ling-lang tơpă dah ưh?

Jang 9:35

Đĭ-đăng bơngai pơlei đe Liđa păng pơlei đe Sarôn 'bôh sư klaih boih, na 'bar tŏ pơlei ei, lu sư lui hloi kơ Kră Yang Yêsu.

Êsai 59:1

Tơpă ti Kră Yang ưh kơ sĭ kơđeh ôh na mă ưh kơ gơh pơklaih; đon Sư kư̆m ưh kơ sĭ kơ klĭk ôh mă ưh kơ gơh kơtơ̆ng.

Jang 11:24

'Barna'ba sư bơngai 'lơ̆ng, sư lui kơjăp păng sư 'bĕnh kơ Yang Bơhngol 'Lơ̆ng na Yang Bơhngol 'Lơ̆ng tơgŭm sư ling-lang. Na hơtai ei đei lơ bơngai lui kơ Kră Yang Yêsu.

Jang 6:7

Đe bơtho nơ̆r 'Bok Kei-Dei rai đunh rai jơ̆p. Lu bơngai lui lăm Pơlei Jêrusalem rai lơ tơpă, kư̆m đei bơngai 'bok soi lui kiơ̆ kơ Yêsu lơ mơ̆n.

Jang 5:14

Lu bơngai lui kơ Kră Yang Yêsu mă drŏ-nglo mă drŏ-kăn, rai đunh rai lơ, đe mah anhăk ba lu bơngai jĭ jăn tơ trong tơ'bĭch sư tơ giơng dah tơ sơkok wă kơ yơ̆p ngôi Pêtrôs năm brih 'bơm lu bơngai jĭ jăn ei na lu sư klaih.

Jang 4:4

Mă-lei đơ̆ng Pêtrôs păng Yôhan bơtho ei đei lơ 'nu bơngai lui kiơ̆ kơ Yêsu. Na jô̆ đơ̆ng Yêsu tŏk tơ plĕnh truh tơ đe rôp bre sư, gah drŏ-nglo đĕch đei pơđăm-rơbâu 'nu bơngai lui kiơ̆ kơ Yêsu boih.

Êsai 53:1

Bơngai bu lui tơdrong lu nhôn roi tơbăt bơih, păng ti Kră Yang đei pơdah ăn kơ bu bơih?

Ne 2:18

Inh kư̆m roi dơ̆ng kơ lu sư băt kơ tơpang ti 'mêm mơnat Kră Yang 'Bok Kei-Dei đei tơgŭm inh, păng đơ̆ng nơ̆r pơtao, khan kơ inh. Lu sư khan: “Iung bĕ păng man hơmet ming dơ̆ng!” Thoi noh jang tơdrong jang 'lơ̆ng dêh 'nâu.

Ne 2:8

kư̆m chih tơjur ăn kơ Asap, bơngai mă wei bri kơdrơ̆ng pơtao, roi ăn kơ sư asong inh 'long wă pơm jrăng 'măng jang ming pơdơ̆ng, dur pơlei gah hnam Kră Yang păng hnam inh oei.” Na pơtao ăn kơ inh dôm tơdrong noh, kiơ̆ thoi tơpang ti 'lơ̆ng rơgoh đơ̆ng 'Bok Kei-Dei tơgŭm inh.

Esơra 8:18

Yua kơ đơ̆ng ti Kră Yang 'Bok Kei-Dei lu bơ̆n tơgŭm, lu sư ba ăn tơ lu bơ̆n minh 'nu bơngai hơgei, sư adrĕch adrung Mahli, noh kon drŏ-nglo Lêwi kon drŏ-nglo Isơrael, hăm Sêrêbia păng lu kon drŏ-nglo sư hăm lu 'nhŏng oh sư, đei mơjĭt-tơhngam 'nu;

Esơra 7:9

Thoi noh, năr mônh khei mônh, sư đơ̆ng dêh Babilôn pơtơm wih brŏk blŭng-a, yua kơ đơ̆ng ti Kră Yang 'Bok Kei-Dei 'mêm wei-lăng tơgŭm, sư truh tơ pơlei Jêrusalem năr mônh khei mă pơđăm.

II Ho 30:12

Kră Yang 'Bok Kei-Dei kư̆m tơgŭm lu bơngai Juđa pơm ăn kơ lu sư lăp đon 'maih wă pơm kiơ̆ nơ̆r pơtao păng yŏng pơgơ̆r đei tơtă, kiơ̆ thoi nơ̆r Kră Yang.

Jang 15:19

Na inh tơchĕng thoi âu: Bơ̆n 'nĕ pơgŏ lu bơngai tơmoi mă lui kơ 'Bok Kei-Dei hŏ.