Jang 11:11 - Sơ̆p Hlabơar Nơ̆r 'Bok Kei-Dei

¹¹ Hơtai ei pêng 'nu bơngai truh tơ hnam inh oei. Đe wơh lu sư năm tơ inh. Lu sư ei đơ̆ng Pơlei Sêsarê.

Jang 11:11 Referans Kwoze

Le 4:27

Kră Yang khan kơ Arôn thoi âu: Năm bĕ tơ char glă sơng Môis. Arôn năm hloi, tơ'bơ̆p Môis tơ kông Kră Yang 'Bok Kei-Dei păng sư chŭm Môis.

Le 4:14

Na Kră Yang hil mĭl kơ Môis na khan: Hăm trŏ Arôn bơngai Lêwi, 'nhŏng ih dah kiơ? Inh băt bơngai 'noh sư gơh pơma hơgei păng to, sư oei năm wă sơng ih; lăp sư 'bôh ih, lăm jơhngơ̆m sư hiôk dêh.

Mathiơ 16:13

Yêsu năm truh tơ tơring Sêsarê Philip. Sư jet lu bơngai pơhrăm păng Sư khan: “Đe krao anăn Inh Kon Bơngai bu?”

Jang 8:40

Philip pă tam băt 'bôh 'băi truh tơ Pơlei Aso hloi. Sư năm jơ̆p jơ̆p tơ dêh ei, bơtho Tơdrong 'Nao 'Lơ̆ng Yêsu tôm kơ pơlei đe hloi. Sư bơtho đơ̆ng Pơlei Aso truh tơ Pơlei Sêsarê.

Jang 11:10

Pêng 'măng inh kơtơ̆ng nơ̆r đơ̆ng plĕnh pơma thoi noh. Đơ̆ng rŏng kơ noh che 'noh tŏk dơ̆ng tơ plĕnh.