Jang 1:21 - Sơ̆p Hlabơar Nơ̆r 'Bok Kei-Dei

^21-22 “Na dang ei bơ̆n athei rơih minh 'nu dơ̆ng wă mơ̆t bơ̆jang hơdai lu jơ̆ng 'bang Yêsu bơ̆n, na sư hơdai păng bơ̆n gô roi tơbăt kơ đe Yêsu iung arih boih. Bơ̆n athei rơih chă minh 'nu bơngai đêl oei hơdai păng bơ̆n, đơ̆ng Yêsu 'nao oei păng bơ̆n na Yôhan pơm 'batem sơ̆ truh tơ 'Bok Kei-Dei atŏk Yêsu tơ plĕnh.”

Jang 1:21 Referans Kwoze

Yo 15:27

Mă lu iĕm kư̆m bơtho tơdrong Inh mơ̆n, kơlih kơ iĕm oei hơdai hăm Inh đơ̆ng tơm hmơm sơ̆ boih.

II Sam 5:2

Adrol sơ̆ kơplah Sôl oei pơm pơtao, ih boih pơgơ̆r lu linh Isơrael năm tơblah. ‘Kră Yang đei khan kơ ih’ ‘Ih boih gô wei rong kon pơlei pơla Isơrael Inh, păng pơgơ̆r lu sư.”

Both 31:2

Dang ei inh đei minh-hrĕng 'bar-jĭt sơnăm boih; inh ưh pă gơh lĕch păng ưh pă gơh mơ̆t dơ̆ng; Kră Yang đei khan hăm inh boih: Ih ưh pă gơh yak tŏk năm hlôi kơ đak Krong Jôrđăn, 'nâu dơ̆ng.

Jo 27:17

Wă kơ bơngai noh mơ̆t lĕch năm 'bơ̆t anăp lu sư, wă kơ bơngai noh chông ba lu sư mơ̆t păng chông ba lu sư lĕch, wă kơ khŭl akŭm Kră Yang huay kơ thoi triu ưh kơ đei bơngai wei.

I Pot 3:7

Dang ei ơ Kră Yang 'Bok Kei-Dei inh, Ih ăn bơih kơ inh đĭch đam Ih pơm pơtao pơtrơp đơ̆ng Đawit, 'bă inh; mă-lei inh bơngai oei 'lơ̆p, ưh kơ băt wă pơgơ̆r teh đak thoi yơ.

Luka 1:2

Lu sư chih dôm tơdrong bơ̆n kơtơ̆ng đơ̆ng lu bơngai mă 'bôh tôm tơdrong Yêsu đơ̆ng tơm hmơm sơ̆, khơ̆ Sư tŏk tơ plĕnh. Lu bơngai 'bôh tơdrong Yêsu sơ̆ sư ră roi tơdrong noh kơ bơ̆n.

Luka 24:3

Na lu sư mơ̆t lăng lăm bơsat ei 'bôh jua kơ atâu Yêsu.