Jang 1:10 - Sơ̆p Hlabơar Nơ̆r 'Bok Kei-Dei

¹⁰ Lu sư oei 'bloh tơ plĕnh khŏm khŏm, na lu sư 'bôh hloi 'bar 'nu linh jang 'lơ̆ng hrŭk ao kok dơ̆ng jê̆ 'bơ̆t lu đe ei. Na bre linh jang 'lơ̆ng khan kơ lu đe ei thoi âu:

Jang 1:10 Referans Kwoze

Luka 24:4

Lu sư 'bôh tơdrong noh na lu sư sơleng kơ đon. Lăp pă 'biơ̆ kơ 'nei 'bôh blư hloi kơ 'bar 'nu linh jang 'lơ̆ng dơ̆ng jê̆ lu sư. Bre sư hrŭk ao kok rang hơdah.

Yo 20:12

Sư 'bôh 'bar 'nu linh jang 'lơ̆ng 'Bok Kei-Dei hrŭk ao kok tơoei 'bơ̆t anih mă đêl đe tơ'bĭch atâu Yêsu, minh 'nu 'bơ̆t jơ̆ng, minh 'nu 'bơ̆t kơ̆l.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.

Markôs 16:5

Lu sư mơ̆t lăng lăm bơsat 'bôh minh 'nu bơngai tơdăm hrŭk ao tai kok tơoei gah 'ma, na lu sư hli.

Jang 10:30

Na 'bok Kôrnei khan kơ Pêtrôs: “Puăn năr kơ âu boih, dang jơ âu mơ̆n, pêng jơ kơsơ̆, inh oei lăm hnam inh âu, krao khan kơ Kră Yang 'Bok Kei-Dei. Na inh 'bôh hloi minh 'nu bơngai hrŭk ao kok hơdah, sư dơ̆ng 'bơ̆t anăp inh.

Mathiơ 28:3

Lăng sư nhen lĕ kơmlat, ao sư rang kok dêh.

Mathiơ 17:2

Na Yêsu tơwir akâu Sư kơdih 'bơ̆t anăp lu đe pêng 'nu noh, muh măt Sư, ao Sư, rang hơdah dang măt 'năr.

Da 7:9

Inh oei lăng dĭng đe dan lu tang-dŏ pơtao păng đei kră mă oei arih đơ̆ng sơ̆ hơ-oei kơpal tang-dŏ noh. Ao sư kok thoi prĕl păng sŏk sư rơgoh thoi sŏk triu. Tang-dŏ pơtao sư noh pla ŭnh păng lu tang-wang gre sư kư̆m pla ŭnh.

Tơdrông Tơ'bôh 3:4

Lăm pơlei iĕm kư̆m oei đei mơ̆n bơngai lui kơjăp mă ưh kơ lơ. Ao lu sư ưh kơ mơgrĭ thoi ao lu bơngai nai ôh. Ning-mônh lu sư gô hrŭk ao kok nơnăm hơdai păng Inh, yua kơ lu sư lui kơjăp.

Jang 10:3

Minh năr ei dang pêng jơ kơsơ̆, 'bok Kôrnei 'bôh linh jang 'lơ̆ng đơ̆ng 'Bok Kei-Dei năm mơ̆t tơ hnam sư. Linh jang 'lơ̆ng khan kơ sư: “Ơ Kôrnei.”

II Pot 2:10

Êli khan kơ sư: “Ih apinh minh tơdrong anat dêh, mă-lei dah ih 'bôh inh kơplah Kră Yang pôk iŏk inh tŏk tơ plĕnh tơklah đơ̆ng ih, lei sĭt gô đei thoi nơ̆r ih apinh; dah ưh lei nơ̆r ih apinh noh ưh kơ đei ôh.”