I Yo 5:7 - Sơ̆p Hlabơar Nơ̆r 'Bok Kei-Dei

⁷ Yang Bơhngol 'Lơ̆ng kư̆m roi kơ bơ̆n thoi noh wă kơ bơ̆n băt Yêsu Kon 'Bok Kei-Dei tơpă. Yang Bơhngol 'Lơ̆ng Sư pơma ling-lang tơpăt ngăl.

I Yo 5:7 Referans Kwoze

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Jang 5:32

Nhôn 'bôh tơpă lu tơdrong noh na roi kơ iĕm. Yang Bơhngol 'Lơ̆ng kư̆m tơbăt ăn kơ nhôn tơdrong noh mơ̆n yua kơ 'Bok Kei-Dei ăn Yang Bơhngol 'Lơ̆ng kơ đĭ-đăng bơngai chu lui kơ Sư.”

Yo 1:1

Đei minh 'nu Sư dang nơ̆r 'Bok Kei-Dei, Sư jur tơ bơ̆n wă kơ bơ̆n hlôh tơdrong 'Bok Kei-Dei. Đơ̆ng blŭng-a sơ̆ tam đei plĕnh teh, Sư đei boih. Sư oei hơdai păng Kră Yang 'Bok Kei-Dei, mă Sư kư̆m Kră Yang 'Bok Kei-Dei mơ̆n.

Jang 2:33

'Bok Kei-Dei atŏk Yêsu anih gah 'ma kơ Sư. 'Bok Kei-Dei ăn kơ Yêsu Yang Bơhngol 'Lơ̆ng kiơ̆ kơ Sư pơkă. Na Yêsu ăn kơ nhôn Yang Bơhngol 'Lơ̆ng mơ̆n. Yua kơ thoi noh iĕm 'bôh tơdrong mơsêh mơyang hei.

I Yo 5:6

Yêsu Krist jur tơ ala teh âu Sư iŏk 'batem hăm đak păng Sư lôch tuh pham yua kơ bơ̆n, ưh kơ sĭ tơdrong iŏk 'batem đĕch ôh, tơdrong Sư tuh pham yua kơ bơ̆n mơ̆n.

Yo 8:54

Yêsu khan kơ lu sư: “Dah Inh pơma pơang kơdih akâu đĕch trŏ mơ̆n iĕm ưh kơ lui kơ Inh. Mă-lei pôm 'Bă Inh đĕch pơang akâu Inh. 'Bă Inh noh iĕm khan Sư Kră Yang iĕm,

Mathiơ 17:5

Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Êsai 61:1

Yang Bơhngol 'lơ̆ng Kră Yang oei hơdai Inh. Kră Yang rơih inh. Wă năm bơtho ăn tơdrong 'nao 'lơ̆ng kơ lu bơngai dơnuh hin, păng pơlung lu bơngai ơh sơ'ngon Sư wơh inh roi tơdrong Sư wă tơlĕch lu bơngai đe phak, kơ roi tơbăt ăn kơ lu bơngai bơnă gơh hơgei, tơbăt tơlĕch lu bơngai đe chĭt phak đơ̆ng hnam bơnă.

Yo 10:30

Nhi 'Bă Inh dang minh 'nu akâu đĕch.”

Horiso 33:6

Lu plĕnh mă đei pơjing đơ̆ng nơ̆r Kră Yang. Đĭ lu linh tơ plĕnh đơ̆ng hơyuh dui jơhngơ̆m đơ̆ng 'bơ̆r Sư na đei.

Both 6:4

Ơ đĭ-đăng bơngai Isơrael mơ̆ng bĕ: Kră Yang 'Bok Kei-Dei bơ̆n, Kră Yang minh đĕch, ưh kơ đei 'bar.

Yo 5:26

'Noh kư̆m thoi 'Bă Sư gơh pơm tôm tơdrong arih, na 'Bă Sư ăn kơ Kon Sư gơh pơm tôm tơdrong arih thoi Sư mơ̆n.

Tơdrông Tơ'bôh 19:13

Ao Sư hrŭk 'brông 'brang kơ pham ngăl. Đe anăn Sư Nơ̆r Pơma 'Bok Kei-Dei.

Yo 12:28

Ơ 'Bă, Inh wă kơ Ih pơư pơang anăn Ih bĕ.” Na đei hloi 'bơ̆r tơl đơ̆ng plĕnh ti khan thoi âu: “Inh pơư pơang anăn Inh boih păng Inh gô pơư pơang anăn Inh dơ̆ng.”

Yo 8:18

Na gah Inh, akâu Inh kơdih păng 'Bă Inh mă wơh Inh pơma bơ̆ng Inh wă kơ iĕm băt tơdrong Inh pơma tơpăt.”

Mathiơ 18:16

Dah sư ưh kơ chu kơ nơ̆r iĕm khan, lei iĕm krao 'bar pêng 'nu 'nhŏng oh bơngai lui năm kiơ̆ mơ̆ng biĕm pơma băl, wă kơ lu bơngai mă kiơ̆ mơ̆ng biĕm noh, băt kơ tơdrong iĕm pơma dih băl noh thoi yơ.

I Yo 1:1

Nhôn chih roi kơ iĕm gah tơdrong Yêsu Krist. Sư dang nơ̆r 'Bok Kei-Dei yua kơ Sư tơbăt ăn kơ bơ̆n tơdrong 'Bok Kei-Dei wă kơ bơ̆n arih ling-lang. Sư arih adrol kơ 'Bok Kei-Dei pơjing plĕnh teh sơ̆. Nhôn kơtơ̆ng Sư pơma. Nhôn 'bôh Sư păng măt nhôn kơdih păng ti nhôn mơn pel akâu Sư tơpă.

Yo 14:17

Lu bơngai oei ala teh âu mă ưh kơ lui, lu sư ưh kơ gơh sơng iŏk Sư ôh, kơlih kơ lu sư ưh kơ gơh 'bôh Sư păng ưh kơ băt kơ Sư. Mă-lei iĕm, iĕm băt kơ Sư, kơlih kơ Sư oei păng iĕm, Sư kư̆m gô oei lăm jơhngơ̆m iĕm mơ̆n.

Yo 15:26

“'Bok Dŏng Mơnat gô truh tơ iĕm, anăn Sư Yang Bơhngol 'Lơ̆ng. Sư tơbăt ăn kơ iĕm tơdrong 'Bok Kei-Dei. Sư gô jur đơ̆ng 'Bă Inh yua kơ Inh wơh Sư đơ̆ng anih 'Bă Inh; na Sư gô bơtho tơdrong Inh.

I Yo 5:8

Đei pêng tơdrong roi gah Yêsu Kon 'Bok Kei-Dei: Mă mônh Yang Bơhngol 'Lơ̆ng, mă 'bar đak 'batem, mă pêng Sư tuh pham. Pêng tơdrong âu tơhlôh ăn kơ bơ̆n băt Yêsu Kon 'Bok Kei-Dei tơpă.