I Yo 5:1 - Sơ̆p Hlabơar Nơ̆r 'Bok Kei-Dei

¹ Bơngai bu lui kơ Yêsu 'Bok Krist mă 'Bok Kei-Dei wơh wă dŏng pơklaih bơ̆n, bơngai 'noh kon 'Bok Kei-Dei. Bơngai bu 'mêm kơ 'bă đe, bơngai 'noh kư̆m 'mêm kơ kon đe mơ̆n.

I Yo 5:1 Referans Kwoze

I Yo 2:29

Iĕm băt kơ Yêsu Krist pơm 'lơ̆ng tơpăt. Thoi noh iĕm kư̆m băt bơngai bu pơm 'lơ̆ng tơpăt, bơngai 'noh boih kon 'Bok Kei-Dei.

Yo 8:42

Yêsu khan kơ lu sư: “Ưh ôh. Dah 'Bok Kei-Dei 'Bă iĕm tơpă lei iĕm kư̆m 'mêm kơ Inh mơ̆n, yua kơ Inh jur đơ̆ng 'Bok Kei-Dei. Inh năm bơtho iĕm ưh kơ sĭ Inh 'maih kơdih đĕch ôh. Inh jur tơ âu yua kơ Sư wơh Inh.

I Yo 4:7

Ơ lu 'nhŏng oh mă juăt păng inh, bơ̆n athei 'mêm mơnat dih băl yua kơ 'Bok Kei-Dei ăn kơ lu bơngai mă khŭl kon Sư athei 'mêm mơnat dih băl. Bơngai bu 'mêm mơnat kơ 'nhŏng oh sư, bơngai 'noh sư kon 'Bok Kei-Dei păng sư băt kơ 'Bok Kei-Dei tơpă.

I Yo 3:14

Bơ̆n băt bơ̆n jăk đơ̆ng tơdrong lôch boih wă arih ling-lang kơlih kơ bơ̆n 'mêm mơnat kơ 'nhŏng oh bơ̆n. Bơngai bu ưh kơ 'mêm mơnat kơ 'nhŏng oh sư, bơngai 'noh oei kiơ̆ gah tơdrong lôch.

I Yo 5:4

Kơlih kơ dôm tơdrong lĕch đơ̆ng ala teh âu jei lu kon 'Bok Kei-Dei ngăl. Dôm lu tơdrong lĕch đơ̆ng ala teh âu thuơ kơ bơ̆n kơlih kơ bơ̆n lui kơjăp.

I Yo 4:20

Bơngai bu khan sư 'mêm kơ 'Bok Kei-Dei mă-lei oei hil areh kơ 'nhŏng oh sư, bơngai 'noh hơlĕnh đĕch. Dah sư ưh kơ 'mêm kơ 'nhŏng oh sư mă oei hơdai ling-lang, thoi yơ sư gơh 'mêm kơ 'Bok Kei-Dei mă sư ưh kơ 'bôh.

I Yo 3:9

Bơngai bu kon 'Bok Kei-Dei, bơngai 'noh sư ưh pă pơm yoch khŏm khŏm dơ̆ng ôh kơlih kơ sư tơpŭ ming 'nao jing kon 'Bok Kei-Dei boih. Sư kon 'Bok Kei-Dei na sư ưh kơ gơh pơm yoch kư̆m thoi 'Bă sư 'Bok Kei-Dei ưh kơ pơm yoch.

Yo 3:3

Na Yêsu khan kơ sư: “Inh wă khan kơ ih tơpă, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh.”

Mathiơ 16:16

Simôn Pêtrôs khan: “Ih 'Bok Krist, Kon 'Bok Kei-Dei mă arih ling-lang.”

I Yo 2:10

Bơngai bu 'mêm kơ 'nhŏng oh sư, bơngai 'noh sư oei lăm tơdrong hơdah tơpă boih. Thoi noh bơ̆n băt kơ sư pơm 'lơ̆ng tơpă.

Yo 15:23

Bơngai bu hil areh kơ Inh, bơngai 'noh hil areh kơ 'Bă Inh mơ̆n.

I Yo 4:2

Wă kơ iĕm băt bơngai ayơ đei Yang Bơhngol 'Lơ̆ng đơ̆ng 'Bok Kei-Dei tơpă iĕm athei tơdra thoi âu: Dah sư khan Yêsu Krist jur jing bơngai tơpă, lei bơngai 'noh đei Yang Bơhngol 'Lơ̆ng đơ̆ng 'Bok Kei-Dei tơpă.

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.

Yo 6:69

Nhôn lui boih kơ Ih. Nhôn băt kơ Ih Kon 'Bok Kei-Dei mă 'lơ̆ng tơpăt.”

I Yo 3:17

Bơngai bu mơdrŏng 'bôh 'nhŏng oh sư dơnuh hin sơmă ưh kơ mơnat ăn tơmam kiơ kơ 'nhŏng oh sư, dah ưh kơ tơdŏng dih băl tơdrong jang, noh thoi yơ khan sư 'mêm kơ 'Bok Kei-Dei lĕ?

Jang 8:36

Kơplah bre sư oei yak rok trong ei, bre sư 'bôh đak. Na bơngai ei khan kơ Philip: “Ih lăng 'bơ̆t âu đei đak glung. Ih hăm gơh pơm kơ inh 'batem dang ei dah ưh?”

Yo 1:3

na Sư kư̆m gơh pơjing tôm tơdrong. Ưh kơ đei bu nai pơjing ôh, 'Bă Sư pơjao ăn kơ Sư pơjing tôm tơdrong.

I Yo 5:5

Dôm tơdrong ala teh âu thuơ kơ bu? Dôm tơdrong ala teh âu thuơ kơ lu bơngai mă lui kơ Yêsu Kon 'Bok Kei-Dei.

I Yo 5:18

Bơ̆n băt boih dôm lu bơ̆n kon 'Bok Kei-Dei ưh kơ gơh pơm yoch khŏm khŏm ôh kơlih kơ Yêsu Kon 'Bok Kei-Dei, Sư wei-lăng bơ̆n, na yang Satan ưh kơ gơh pơrăm lu bơ̆n ôh.

Jang 8:37

Philip khan: “Dah ih lui hăm đĭ jơhngơ̆m klơm klak ih, gơh mơ̆n pơm.” Na bơngai pơm tih ei khan: “Inh lui kơ Yêsu Krist Kon 'Bok Kei-Dei.”