I Yo 4:10 - Sơ̆p Hlabơar Nơ̆r 'Bok Kei-Dei

¹⁰ Âu boih tơdrong 'Bok Kei-Dei 'mêm mơnat kơ bơ̆n: Sư 'mêm mơnat kơ bơ̆n mah ăn Kon pôm Sư lôch tang bơ̆n, pơklaih bơ̆n đơ̆ng tơdrong yoch. Bơ̆n 'mêm kơ Sư ưh kơ đei dang noh ôh.

I Yo 4:10 Referans Kwoze

I Yo 2:2

Sư lôch tang bơ̆n wă pơklaih bơ̆n đơ̆ng tơdrong yoch. Mă-lei ưh kơ sĭ Sư wă pơklaih kơdrô̆ yoch bơ̆n đĕch ôh, Sư pơklaih đĭ-đăng bơngai ala teh âu mơ̆n.

I Yo 4:19

Bơ̆n 'mêm kơ 'Bok Kei-Dei kơlih kơ Sư 'mêm kơ bơ̆n adrol.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Yo 3:16

'Bok Kei-Dei 'mêm mơnat tơpă rim 'nu bơngai jơ̆p ala teh âu na Sư mah ăn Kon pôm Sư lôch tang kon bơngai. Bơngai bu lui kơ Kon Sư huay kơ lôch hiong ôh. Bơngai 'noh sư gô oei hơdai hăm 'Bok Kei-Dei arih ling-lang.

I Yo 3:1

'Bă bơ̆n 'Bok Kei-Dei 'mêm mơnat kơ bơ̆n tơpă na Sư mah krao bơ̆n kon Sư. Bơ̆n jing kon Sư tơpă. Na kon bơngai ala teh âu ưh kơ băt kơ bơ̆n bơngai thoi yơ ôh kơlih kơ sư ưh kơ băt kơ 'Bă bơ̆n 'Bok Kei-Dei.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Yo 6:51

Inh boih tơmam sa arih kơ kon bơngai mă jur đơ̆ng plĕnh; bơngai bu sa tơmam sa âu sư gô arih ling-lang. Tơmam sa mă Inh ăn noh wă khan sĕch akar Inh ăn kơ kon bơngai arih.”

Yo 13:34

Na dang ei Inh wă pơkă ăn kơ iĕm tơdrong 'nao âu: Inh wă kơ iĕm băt 'mêm mơnat dih băl. Iĕm athei băt 'mêm mơnat dih băl kư̆m thoi Inh 'mêm mơnat kơ iĕm.

Hêbrơ 2:17

Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.

I Yo 5:11

'Bok Kei-Dei pơma gah Kon Sư thoi âu: Sư wă kơ bơ̆n arih ling-lang păng Sư. Bơ̆n gô arih ling-lang tơpă dah bơ̆n lui kơ Kon Sư.