I Yo 3:16 - Sơ̆p Hlabơar Nơ̆r 'Bok Kei-Dei

¹⁶ Bơ̆n băt boih Kră Yang Yêsu Krist 'mêm mơnat kơ bơ̆n tơpă yua kơ Sư ăn akâu Sư kơdih lôch yua kơ bơ̆n. Thoi noh bơ̆n athei ăn akâu bơ̆n kơdih lôch yua kơ 'nhŏng oh bơ̆n mơ̆n.

I Yo 3:16 Referans Kwoze

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Yo 13:34

Na dang ei Inh wă pơkă ăn kơ iĕm tơdrong 'nao âu: Inh wă kơ iĕm băt 'mêm mơnat dih băl. Iĕm athei băt 'mêm mơnat dih băl kư̆m thoi Inh 'mêm mơnat kơ iĕm.

Yo 3:16

'Bok Kei-Dei 'mêm mơnat tơpă rim 'nu bơngai jơ̆p ala teh âu na Sư mah ăn Kon pôm Sư lôch tang kon bơngai. Bơngai bu lui kơ Kon Sư huay kơ lôch hiong ôh. Bơngai 'noh sư gô oei hơdai hăm 'Bok Kei-Dei arih ling-lang.

Rom 5:8

Na kơplah bơ̆n oei pơm yoch, lăp minh 'nu Yêsu Krist đĕch lôch tang bơ̆n. 'Noh boih bơ̆n băt kơ 'Bok Kei-Dei 'mêm kơ kon bơngai bơ̆n tơpă.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

Êphêsô 5:25

Lu bơngai pơm klo kư̆m lei-lăi athei băt 'mêm kơ akăn sư kơdih thoi Yêsu 'mêm kơ bơ̆n bơngai lui kơ Sư năm ăn akâu Sư kơdih lôch tang bơ̆n,

Tit 2:13

kơplah bơ̆n chang gô Kră Yang Yêsu Krist mă tih hloh. Sư boih 'Bok Dŏng Pơklaih bơ̆n, Sư wă jur tơ ala teh dơ̆ng. Năr ei kơnh bơ̆n gô 'bôh Sư hlĭch tơpă, akâu Sư 'bak 'lơ̆ng rŏ hloh kơ đĭ-đăng bơngai ala teh, na jơhngơ̆m bơ̆n hiôk chơt păng Sư.

Rom 16:4

Sơ̆ inh đei tơdrong đe wă pơlôch, na bre sư tơdŏng inh, bre sư nuih dêh ưh kơ hli kơ đe wă pơlôch hăm bre sư. Na inh păng đĭ-đăng bơngai lui tơmoi bơnê kơ bre sư tơpă.

Yo 10:15

kư̆m thoi 'Bă Inh băt kơ Inh, na Inh băt kơ Sư mơ̆n. Na Inh athei chu lôch yua kơ triu Inh.

Philip 2:17

Inh băt kơ iĕm lui kơjăp tơpă, na iĕm pơyơ̆r kơ 'Bok Kei-Dei tơmam wă tơgŭm inh. Na tơmam iĕm pơyơ̆r noh dang tơmam đe soi kơ 'Bok Kei-Dei. Na kơnh pơgê tơ̆ng đe mah pơlôch inh, pham inh kư̆m dang đak đe 'măn hơdai tơmam soi iĕm pơyơ̆r noh mơ̆n. Tơ̆ng inh mah lôch tơpă jơhngơ̆m inh hiôk dêh, dang iĕm hiôk kơ pơyơ̆r kơ 'Bok Kei-Dei tơmam.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Pet 1:18

Iĕm băt boih 'Bok Kei-Dei huai iŏk iĕm bơngai kư̆ kă, bơngai ưh kơ yua, iĕm juăt kơ pơm rok lu yă 'bok iĕm sơ̆. Mă-lei Sư ưh kơ huai iŏk iĕm hăm tơmam hiong răm thoi lĕ kơ hu maih ôh.

Philip 2:30

Sư jĭ wă lôch yua kơ sư adrin jang tơdrong Yêsu Krist tang iĕm, yua kơ iĕm ataih ưh kơ gơh jang tơgŭm inh. Mă-lei sư ưh kơ hli kơ lôch ôh.

Yo 10:11

“Inh bơngai wei triu 'lơ̆ng tơpăt. Inh chu lôch yua kơ triu Inh.

I Tes 2:8

Nhôn mơnat kơ iĕm na nhôn bơtho ăn kơ iĕm tơdrong 'nao 'lơ̆ng đơ̆ng 'Bok Kei-Dei. Ưh kơ sĭ nhôn wă bơtho đĕch ôh, nhôn mơnat kơ iĕm hăm đĭ jơhngơ̆m nhôn wă lôch tơpă.

I Yo 2:9

Tơdrong pơkă 'noh thoi âu: Bơngai bu khan sư oei lăm tơdrong hơdah, sơmă oei hil areh kơ 'nhŏng oh sư ling-lang, bơngai 'noh oei lăm măng mu khơ̆ dang ei đĕch.

II Kor 4:12

Thoi noh boih tơdrong lôch, 'Bok Kei-Dei pơchĕp ăn kơ nhôn, tơdrong arih 'Bok Kei-Dei ăn kơ iĕm.