I Yo 2:1 - Sơ̆p Hlabơar Nơ̆r 'Bok Kei-Dei

¹ Ơ lu kon hơ'lơ̆p, dang ei inh đei chih ăn kơ iĕm kơthơ âu wă kơ iĕm huay pă pơm yoch. Mă-lei bơngai bu yoch, sư đei minh 'nu Bơngai pơma kơ 'Bă bơ̆n 'Bok Kei-Dei wă dŏng bơ̆n. Bơngai 'noh anăn Sư Yêsu Krist mă 'lơ̆ng tơpăt.

I Yo 2:1 Referans Kwoze

I Tim 2:5

Đei minh 'nu Kră Yang 'Bok Kei-Dei păng đei minh 'nu pơm 'long sơlam đĕch anhăk kon bơngai ala teh wă kơ bơngai ala teh hiôk hăm 'Bok Kei-Dei. Bơngai mă pơm 'long sơlam ei anăn Sư Yêsu Krist.

Rom 8:34

Lăm lu bơ̆n hăm đei đe jô̆ khan bơngai 'Bok Kei-Dei wă phak? Kră Yang Yêsu Krist ưh kơ đei jô̆ thoi noh ôh, na mă Sư gơh lôch tang bơ̆n. Mă-lei Sư iung arih boih, Sư tŏk oei gah 'ma kơ 'Bok Kei-Dei, Sư apinh 'Bok Kei-Dei tơgŭm bơ̆n ling-lang.

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

I Yo 4:4

Ơ lu kon hơ'lơ̆p, gah iĕm kon 'Bok Kei-Dei tơpă, lu bơngai ayăt kơ Yêsu Krist thuơ kơ iĕm boih. Lu sư thuơ kơ iĕm kơlih kơ Yang Bơhngol 'Lơ̆ng oei lăm lu iĕm, Sư pran hloh kơ yang mă oei lăm lu bơngai ala teh âu.

I Yo 3:18

Ơ lu kon hơ'lơ̆p, tơdrong 'mêm mơnat dih băl, bơ̆n ưh kơ wă 'bơ̆r bơ̆n đĕch ôh mơnat. Bơ̆n athei 'mêm mơnat dih băl păng jơhngơ̆m đon bơ̆n tơpă păng tơdŏng băl tơdrong jang.

I Yo 3:7

Ơ lu kon hơ'lơ̆p, 'nĕ lui kơ đe hơlĕnh kơ iĕm khan bơngai lui bơ̆n ưh kơ kăl pơm 'lơ̆ng tơpăt. Inh khan kơ iĕm thoi âu: Bơngai bu pơm 'lơ̆ng tơpăt, bơngai 'noh đei đon 'lơ̆ng tơpăt kư̆m thoi Yêsu bơngai 'lơ̆ng tơpăt mơ̆n.

Yo 8:11

Drŏ-kăn ei khan: “Ơ 'Bok Thây, ưh pă đei bu jâu areh kơ inh dơ̆ng ôh.” Na Yêsu khan: “Inh kư̆m ưh kơ jâu ih mơ̆n. Na dang ei brŏk mă 'lơ̆ng kơ ih bĕ, 'nĕ pă pơm yoch dơ̆ng hŏ.”

Hêbrơ 9:24

Thoi noh na dang ei Yêsu Krist tŏk tơ plĕnh ti mơ̆t tơ hnam 'Bok Kei-Dei tơ plĕnh ti boih. Sư ưh kơ mơ̆t tơ hnam 'Bok Kei-Dei mă kon bơngai pơm tơ teh âu ôh, hnam 'Bok Kei-Dei mă kon bơngai pơm tơ teh âu noh, wă pơtih gia kơ hnam 'Bok Kei-Dei tơ plĕnh ti. Dang ei Yêsu Krist tŏk oei tơ noh tơpă boih, Sư oei 'bơ̆t anăp 'Bok Kei-Dei tang đĭ-đăng rim 'nu bơngai.

I Yo 3:5

Iĕm băt mơ̆n Yêsu Krist jur tơ ala teh âu sơ̆ wă pơklaih bơ̆n đơ̆ng tơdrong yoch. Păng Sư ưh kơ lah pơm yoch ôh.

Êphêsô 2:18

Yua kơ Sư boih na đĭ-đăng kơ bơ̆n mă bơngai Juđê, mă bơngai nai băt gơnang kơ Yang Bơhngol 'Lơ̆ng anhăk ba bơ̆n truh tơ 'Bă bơ̆n 'Bok Kei-Dei.

Yo 6:27

Iĕm 'nĕ chă tơmam sa mă jing ôm hach. Iĕm athei adrin chă tơmam sa sot, săt 'lơ̆ng ling-lang, ưh kơ đei layơ ôm hach, wă 'me iĕm arih ling-lang. Tơmam sa ei, Inh mă jur jing kon bơngai, Inh asong ăn kơ lu iĕm. 'Bă Inh 'Bok Kei-Dei pơjao ăn kơ Inh thoi noh păng Sư kư̆m tơbăt ăn kơ kon bơngai tơdrong noh ră mơ̆n.”

Êsêkiên 3:21

Mă-lei tơdah ih đei khan tơbăt kơ bơngai tơpăt bơih, 'nĕ pă pơm yoch, sư ưh pă pơm yoch, na gô arih, yua kơtơ̆ng nơ̆r ih khă, lei ih gơh klaih huay kơ jô̆.”

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.

Êphêsô 4:26

Dah iĕm đei tơdrong ơh, iĕm 'nĕ kơ pơm kơnê̆ kơ sư, 'nĕ tơhil băl đunh truh kơ măng,

Galati 4:19

Ơ lu kon inh mă 'mêm kơeng, inh wă pơtih gia kơ minh 'nu bơngai drŏ-kăn sư wă tơpŭ kơ kon sư, sư sơ'ngon tơpă mơ̆n, yua kơ sư jĭ. Hlôi sư tơpŭ boih na sư gơh hiôk. Inh kư̆m lei-lăi thoi noh mơ̆n, kơplah iĕm 'nao wă pơtơm lui sơ̆ păng dang ei mơ̆n. Inh sơ'ngon tơpă, inh hli kơ iĕm achăng lê̆ tơdrong lui iĕm. Inh wă kơ iĕm lui kiơ̆ Yêsu Krist trŏ thoi Sư wă 'mơ̆i na inh gơh hiôk chơt.

Yo 10:15

kư̆m thoi 'Bă Inh băt kơ Inh, na Inh băt kơ Sư mơ̆n. Na Inh athei chu lôch yua kơ triu Inh.

Yo 5:36

Mă-lei Inh đei minh 'nu tih hloh kơ Yôhan, Sư tơbăt ăn kơ iĕm tơdrong Inh. Na dôm tơdrong mơsêh mơyang đơ̆ng Sư ăn kơ Inh, na Inh bơ̆jang ahrei âu, dôm tơdrong noh wă kơ iĕm băt 'Bă Inh wơh Inh tơpă.

Luka 10:22

“'Bă Inh jao ăn kơ Inh tôm tĕch tơdrong, minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na dôm lu bơngai mă Inh tơbăt ăn kơ lu sư, băt kơ 'Bă.”

I Pet 2:22

“Sư ưh kơ đei pơm minh tơdrong yoch kiơ, păng Sư ưh kơ đei layơ hơlĕnh kơ đe.”

I Kor 15:34

Iĕm athei tơbral tơdrong yoch na jing 'lơ̆ng 'nĕ pă pơm tơdrong yoch đơ̆ng âu tơ anăp. Lu iĕm mơ'nah ưh kơ hlôh wao tơdrong 'Bok Kei-Dei thoi yơ na iĕm mơlâu ưh?

Yo 5:14

Đơ̆ng rŏng kơ noh Yêsu 'bôh bơngai Sư pơklaih noh tơ lăm hnam akŭm 'Bok Kei-Dei tơm na Yêsu khan kơ sư thoi âu: “Dang ei ih klaih boih, ih 'nĕ pă pơm yoch dơ̆ng, kơnh ih pŭ tơdrong trăp hloh kơ noh.”

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Ya 1:27

Bơngai lui bu băt kơ năm ngôi tơ lu kon mơti, lu bơngai adro apo pơmat-tat kơ'bah kơ'bôch păng sư ưh kơ kiơ̆ thoi lu bơngai tơ ala teh ưh kơ lui, bơngai noh boih 'Bă tơm bơ̆n 'Bok Kei-Dei jô̆ sư lui kơjăp hăm pơm tơpăt.

Horiso 4:4

Oei bĕ lăm tơdrong hli yom, 'nĕ pă pơm yoch; Tơchĕng bĕ lăm jơhngơ̆m, kơplah ih oei 'bĭch kơpal giơng păng ngăn bĕ. Sêla

I Yo 5:21

Ơ lu kon hơ'lơ̆p, iĕm athei weh ataih đơ̆ng dôm tơdrong yang kơnê̆ hŏ.

Ya 3:9

'Bă tơm bơ̆n 'Bok Kei-Dei pơjing kon bơngai bơ̆n hơbŏ thoi Sư. Bơ̆n băt kơ ư-ang Sư, mă kư̆m băt kơ blei hiap bôl buăl tơduă kon bơngai. 'Noh kư̆m dang bơ̆n blei hiap 'Bok Kei-Dei yua kơ bơ̆n đơ̆ng 'Bok Kei-Dei pơjing.

Rom 6:15

Dah bơ̆n ưh pă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă, lei bơ̆n hơđơ̆ng tơpă, bơ̆n gô mơ̆ng kơ 'Bok Kei-Dei tơgŭm bơ̆n. Mă-lei bơ̆n 'nĕ tơchĕng khan dah bơ̆n ưh pă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă, khan bơ̆n gơh pơm yoch. Ưh ôh.

Yo 13:33

“Ơ tơpôl lu dăm, Inh oei hơdai hăm iĕm ưh pă đunh boih. Iĕm gô chă Inh; kư̆m thoi Inh khan kơ lu bơngai Juđê ki, lu iĕm ưh kơ gơh truh tơ anih Inh ôh.

I Tim 3:14

Inh chih kơ ih kơthơ âu, mă-lei ưh kơ đunh mơ̆n inh wă năm ngôi tơ ih.

Yo 21:5

Yêsu khan kơ lu sư: “Ơ tơpôl lu dăm, iĕm traih jal hăm đei rôp kiơ?” Lu sư khan: “Nhôn hoh-hoy kơ rôp minh găr.”

Yo 14:16

na Inh gô apinh 'Bă Inh ăn kơ iĕm minh 'nu dŏng iĕm plơ̆ng dơ̆ng, anăn Sư Yang Bơhngol 'Lơ̆ng. Sư gô tơbăt ăn kơ iĕm tơdrong 'Bă Inh tơpă păng Sư gô oei hơdai hăm iĕm ling-lang.

Jang 7:52

Lu 'bok kơdră iĕm sơ̆ pơm kơnê̆ areh kơ đĭ-đăng bơngai pơtruh nơ̆r 'Bok Kei-Dei. Lu 'bok kơdră iĕm sơ̆ pơlôch lu bơngai mă pơkă lê̆ hơdrol kơ tơdrong 'Bok Krist bơngai mă 'lơ̆ng tơpăt wă truh. Na Sư truh boih mă-lei iĕm plĕch kơ Sư păng pơlôch Sư hloi.

Rom 5:10

Kơplah bơ̆n kuă kơ lui kơ 'Bok Kei-Dei, đei Kon Sư Yêsu Krist lôch tang bơ̆n, ăn kơ bơ̆n jing hiôk 'lơ̆ng hăm 'Bok Kei-Dei. Dang ei bơ̆n lui kơ 'Bok Kei-Dei boih na Sư pơklaih lu bơ̆n tơpă, yua kơ Yêsu Krist iung arih đơ̆ng lôch boih.

I Yo 5:17

Dôm tơdrong ưh kơ trŏ kơ tơdrong juăt 'Bok Kei-Dei, tơdrong yoch ngăl. Sơmă đei 'bar khŭl yoch.

III Yo 1:4

Ưh pă tơdrong kiơ mă hiôk hloh dang tơdrong âu: Inh kơtơ̆ng lu bơngai lui kơ 'Bok Kei-Dei đơ̆ng inh bơtho lu sư oei lui kơjăp khŏm khŏm.