I Tim 1:8 - Sơ̆p Hlabơar Nơ̆r 'Bok Kei-Dei

⁸ Bơ̆n băt tơdrong juăt 'Bok Kei-Dei pơkă sơ̆ 'lơ̆ng tơpăt tơpă na lu bơ̆n athei bơtho mă trŏ.

I Tim 1:8 Referans Kwoze

Rom 7:16

Inh băt dôm tơdrong juăt 'Bok Kei-Dei pơkă trŏ tơpă, rŏ kuă kơ pơm yoch mă-lei oei pơm.

II Tim 2:5

Âu nơ̆r pơtih gia dơ̆ng, gah tơdrong pơjei băl kơdâu: Bơngai bu kơdâu ưh kơ kĕ na khô̆i jơ̆ng buăl sư dah tơlơ̆ buăl sư, bơngai 'noh đe ưh kơ apah sư tơmam ôh, kơlih kơ sư ưh kơ kiơ̆ nơ̆r đe pơkă adrol kơ lu sư wă kơdâu hei.

Galati 3:21

Mă 'Bok Kei-Dei pơkă tơdrong juăt Sư đơ̆ng rŏng noh sơ̆, Sư ưh kơ đei wă achăng lê̆ tơdrong Sư pơkă mă hơdrol khan wă tơgŭm bơ̆n ôh. Sơ̆ dah 'Bok Kei-Dei wă pơkă ăn kơ bơ̆n tơdrong juăt plơ̆ng nai, na bơ̆n kiơ̆ tơdrong juăt noh pran kơtang gơh kĕ pơm kiơ̆ tôm tơdrong 'blep trŏ thoi Sư wă, lei 'Bok Kei-Dei kư̆m jô̆ bơ̆n bơngai 'lơ̆ng tơpăt mơ̆n. Mă-lei sơ̆ 'Bok Kei-Dei ưh kơ ăn bơ̆n pơm kiơ̆ thoi noh ôh.

Rom 12:2

Bơ̆n 'nĕ pă pơm yoch tôm tơdrong kơnê̆ thoi lu bơngai tơ teh âu juăt kơ pơm. Bơ̆n athei pơjao akâu bơ̆n kơ 'Bok Kei-Dei tơplih jơhngơ̆m đon bơ̆n jing 'nao wă kơ bơ̆n băt tôm tơdrong Sư, tơdrong trŏ tơdrong 'lơ̆ng tơpăt ngăl.

Rom 7:18

Na dang ei inh băt boih tơdrong 'lơ̆ng hoh-hoy kơ oei lăm inh hơya tŏ sĕt, tă ling kơnê̆ ngăl. Kiơ̆ kơ đon hơdơ̆r 'bơ̆r apơi wă kơ pơm 'lơ̆ng ngăl ră, mă-lei ưh kơ kĕ.

Rom 7:22

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră.

Ne 9:13

Ih kư̆m jur tơ kơpal kông Sinai, pơma hăm lu sư đơ̆ng kơpal plĕnh, tơjur ăn kơ lu sư dôm tơdrong trŏ, khôi juăt tơpăt 'lơ̆ng, tơdrong tơtă sĭt.