I Tes 4:5 - Sơ̆p Hlabơar Nơ̆r 'Bok Kei-Dei

⁵ Sư ưh kơ wă kơ bơ̆n hưch hanh pơm pơyô kư̆ kă thoi lu bơngai ưh kơ lui kơ 'Bok Kei-Dei ôh.

I Tes 4:5 Referans Kwoze

Galati 4:8

Sơ̆ iĕm ưh kơ băt chă Kră Yang 'Bok Kei-Dei ôh, na mă iĕm jing đĭch yang nai, mă-lei yang noh ưh kơ yang tơpă ôh.

II Tes 1:8

Lu sư yak lăm anê̆ ŭnh. Sư wă phak lê̆ lu bơngai mă ưh kơ băt kơ 'Bok Kei-Dei păng ưh kơ wă lui yom kơ tơdrong 'nao 'lơ̆ng Kră Yang bơ̆n Yêsu Krist.

Kôlôsê 3:5

Kơlih kơ thoi noh bơ̆n athei lê̆ đĭ dôm tơdrong yoch thoi kơ pơm pơyô kư̆ kă, pơm tơdrong kơnê̆ 'mê̆-'mach, hưch hanh kơ tơmam âu tơmam to, hưch hanh lơ tơdrong. Lu bơngai thoi noh mă sư khan sư lui kơ 'Bok Kei-Dei, dang sư kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

I Pet 4:3

Kơplah iĕm tam mă lui sơ̆, iĕm pơm lơ boih tơdrong kơnê̆. Na dang ei 'nĕ pă pơm thoi lu bơngai sơmăt lăp đon; lu sư hưch hanh pơm tôm tơdrong kơnê̆ kư̆ kă, et sik suai, sa dư, pơm kư̆ kă lăm năr sư sa et tih kơkuh kơ rup yang sư.

Êphêsô 2:12

Sơ̆ iĕm ưh tam mă đei 'Bok Krist, iĕm ưh tam mă jing kon 'Bok Kei-Dei thoi lu bơngai Juđê. Dôm tơdrong 'Bok Kei-Dei pơkă wă tơgŭm lu bơngai Juđê, iĕm kư̆m ưh kơ đei. Iĕm ưh kơ đei bu wă tơgŭm. Iĕm ưh kơ băt kơ 'Bok Kei-Dei Sư thoi yơ.

I Kor 15:34

Iĕm athei tơbral tơdrong yoch na jing 'lơ̆ng 'nĕ pă pơm tơdrong yoch đơ̆ng âu tơ anăp. Lu iĕm mơ'nah ưh kơ hlôh wao tơdrong 'Bok Kei-Dei thoi yơ na iĕm mơlâu ưh?

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

Rom 1:26

Yua kơ thoi noh na 'Bok Kei-Dei achăng lê̆ bơ̆n pơm kơnê̆ bưh kiơ bưh, na bơ̆n pơm kơnê̆ kư̆ kă tơpă. Roi gah tơdrong drŏ-kăn: Đei lu drŏ-kăn mơ'nah rai pă 'maih iŏk klo kiơ̆ thoi 'Bok Kei-Dei pơkă. Lu sư wă pơm kư̆ kă tơduă lu sư đĕch.

Rom 1:24

Yua kơ thoi noh na 'Bok Kei-Dei achăng lê̆ bơ̆n gô mơ̆ng kơ bơ̆n wă pơm, pơm kơnê̆ bưh kiơ bưh. Bơ̆n pơm tơdrong kơnê̆ truh tơ akâu bơ̆n ưh kơ băt mơlâu kơ đe.

Jang 17:23

Hơtai inh brŏk năm chă lăng pơlei iĕm, inh 'bôh lu anih iĕm kơkuh kơ yang păng inh 'bôh minh anih iĕm chih thoi âu: ‘Anih âu bơ̆n kơkuh kơ yang bơ̆n ưh tam kơnăl.’ Yang iĕm kơkuh noh iĕm khan ưh tam kơnăl, mă yang noh boih inh bơtho kơ iĕm dang ei.

Luka 12:30

Lu bơngai nai mă ưh kơ lui, lu sư tơchĕng kơ tơdrong noh ling-lang. Mă-lei 'Bă bơ̆n kư̆m băt boih dôm tơdrong lu iĕm kăl yua, Sư gô tơgŭm iĕm tơpă.

Mathiơ 6:32

Lu bơngai nai mă ưh kơ lui, lu sư tơchĕng kơ tơdrong noh ling-lang. Mă-lei 'Bă bơ̆n tơ plĕnh ti kư̆m băt boih dôm tơdrong lu iĕm kăl yua, Sư gô tơgŭm iĕm tơpă.

I Kor 1:21

'Bok Kei-Dei hơgei tơpă, na Sư ưh kơ wă kơ kon bơngai bơ̆n chă Sư kiơ̆ kơ đon kon bơngai bơ̆n tơchĕng ôh. 'Bok Kei-Dei Sư lăp đon gah tơdrong dŏng pơklaih dôm lu bơngai mă lui kơ Yêsu lôch tang bơ̆n tơ 'long pơglang. Mă-lei lu bơngai mă ưh kơ lui, lu sư tơchĕng tơdrong bơ̆n bơtho 'noh nhen lĕ tơdrong kơtul đĕch.

Horiso 79:6

Tuh bĕ tơdrong Ih hil kơ lu teh đak mă ưh kơ băt kơ Ih. Păng tơ lu teh đak mă ưh kơ đei krao apinh hăm anăn Ih

Je 10:25

Tuh bĕ tơdrong Ih hil mĭl kơ lu dêh char, Lu dêh char mă ưh kơ băt kơ Ih, Păng lu adrĕch adrung mă ưh kơ krao khan hăm anăn Ih. Yua kơ lu sư pơrăm boih Jakôp, Lu sư pơlôch pơrăm sư, Lu sư pơrăm dêh char sư.