I Tes 2:19 - Sơ̆p Hlabơar Nơ̆r 'Bok Kei-Dei

¹⁹ Nhôn 'mêm kơ iĕm tơpă; ning-mônh lăp Kră Yang bơ̆n Yêsu Krist jur tơ ala teh dơ̆ng, nhôn chơt hiôk tơpă, yua kơ iĕm lui kơ Yêsu đơ̆ng lu nhôn bơtho iĕm ki. Na nhôn băt kơ Sư lăp đon kơ tơdrong jang nhôn.

I Tes 2:19 Referans Kwoze

Philip 4:1

Yua kơ thoi noh, ơ lu 'nhŏng oh, iĕm athei lui kơjăp thoi noh, na gơh kiơ̆ Kră Yang Yêsu Krist. Inh 'mêm kơ iĕm tơpă păng rơnguơ̆ kơ iĕm dêh 'maih tơ'bơ̆p iĕm dơ̆ng. Yua kơ iĕm lui đơ̆ng inh bơtho oei kiơ̆ khŏm khŏm na jơhngơ̆m inh hiôk dêh dang đe apah kơ tơdrong jang inh tơmam.

I Tes 3:13

Thoi noh boih na jơhngơ̆m iĕm jing pran kơtang, na lăp Kră Yang bơ̆n Yêsu Krist jur đơ̆ng plĕnh hơdai păng lu bơngai lui kơ Sư ning-mônh, na 'Bă tơm bơ̆n 'Bok Kei-Dei 'bôh iĕm bơngai 'lơ̆ng tơpăt huay kơ đei tơdrong yoch.

Philip 2:16

Iĕm tơ'bôh kơ lu sư tơdrong 'Bok Kei-Dei ăn kơ kon bơngai arih, thoi noh na lăp truh năr Yêsu Krist jur ning-mônh jơhngơ̆m inh hiôk dêh, yua kơ tơdrong jang inh đei yua; ưh kơ sĭ jang tŭk đĕch ôh.

I Tes 5:23

'Bok Kei-Dei ăn kơ bơ̆n hiôk-hian ling-lang. Na nhôn apinh Sư ăn kơ iĕm jing bơngai 'lơ̆ng tơpăt lăm tôm tơdrong thoi Sư wă. Păng nhôn apinh Sư wei-lăng bơhngol iĕm, jơhngơ̆m đon iĕm, akâu jăn iĕm, wă kơ iĕm huay kơ đei tơdrong yoch, truh Kră Yang Yêsu jur tơ teh ning-mônh.

II Kor 1:14

Dang ei iĕm tam mă băt nhên nhôn bơngai thoi yơ, layơ kơnh iĕm kư̆m hlôh mơ̆n. Thoi noh na mưh Kră Yang Yêsu Krist jur, iĕm hiôk yua kơ nhôn pơm 'lơ̆ng; nhôn kư̆m hiôk yua kơ iĕm lui đơ̆ng nhôn bơtho.

I Kor 15:23

Rim 'nu kơ bơ̆n athei gô lăp kơ khei 'năr. Yêsu Krist Sư thoi lĕ kơ 'ba hrôih, Sư iung arih hơdrol kơ bơ̆n. Mưh lăp kơ khei 'năr Sư wă jur tơ ala teh âu, đĭ-đăng bơngai lui iung arih kiơ̆ Sư.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

I Yo 2:28

Iĕm adrin lui kơ Sư khŏm khŏm hŏ, na Sư jur tơ ala teh âu ning-mônh iĕm huay kơ hli. Năr noh kơnh iĕm ưh kơ kăl kơ jăk ôn akâu iĕm tơ yơ yơ ôh yua kơ iĕm huay kơ mơlâu kơ Sư.

Tơdrông Tơ'bôh 22:12

Yêsu khan thoi âu: “Inh jê̆ jur boih. Inh chĕp tơmam apah lu sư, rim 'nu kiơ̆ kơ lu sư đei pơm.

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.

Tit 2:13

kơplah bơ̆n chang gô Kră Yang Yêsu Krist mă tih hloh. Sư boih 'Bok Dŏng Pơklaih bơ̆n, Sư wă jur tơ ala teh dơ̆ng. Năr ei kơnh bơ̆n gô 'bôh Sư hlĭch tơpă, akâu Sư 'bak 'lơ̆ng rŏ hloh kơ đĭ-đăng bơngai ala teh, na jơhngơ̆m bơ̆n hiôk chơt păng Sư.

I Tes 4:15

Kră Yang Yêsu ăn kơ nhôn bơtho iĕm thoi âu: Truh năr Sư jur tơ teh ning-mônh, lu bơngai mă lui kơ Sư, bu mă oei arih truh năr Sư jur, sư kư̆m ưh kơ tŏk hơdrol kơ bơngai lôch ôh.

Ju 1:24

Bơnê kơ 'Bok Kei-Dei, pôm Sư đĕch kĕ wei-lăng iĕm, huay ăn kơ iĕm lê̆ Sư, wă kơ iĕm dơ̆ng 'bơ̆t anăp Sư ning-mônh iĕm 'bôh Sư mơsêh mơyang, iĕm hiôk hơiă huay kơ hli kơ Sư, yua kơ iĕm ưh kơ đei tơdrong yoch.

I Pet 5:4

Thoi noh na mưh blư kơ Tơ'ngla Tơm Wei Triu jur ning-mônh Sư bơnê kơ iĕm păng apah iĕm agăl pơkao 'lơ̆ng rŏ ưh kơ layơ jô kro, iĕm gô arih ling-lang.

II Tes 1:7

Sư ăn đĭ-đăng kơ lu bơ̆n huay kơ đei tơdrong gleh đơ̆ng năr Kră Yang Yêsu Krist jur đơ̆ng plĕnh. Sư jur hơdai hăm lu linh pran kơtang jang tơdrong Sư.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

Êsai 62:3

Ih jing môk pơtao 'lơ̆ng rŏ lăm tơpang ti Kră Yang, pơm môk pơtao lăm tơpang ti Kră Yang 'Bok Kei-Dei ih.

Tơdrông Pơđơk 17:6

Sâu se jing môk ư-ang pơtao kơ lu kră, Mĕ 'bă jing tơdrong ư-ang kơ lu kon hơ'lơ̆p.

Tơdrông Pơđơk 12:4

Bơngai drŏ-kăn iơ̆m dim thoi môk pơtao ăn kơ klo sư. Mă-lei đei bơngai drŏ-kăn mơkoh noh thoi tơmam pơm kơ kơting bŭk.

I Tes 2:20

Yua kơ iĕm boih na nhôn chơt hiôk tơpă.

Tơdrông Pơđơk 16:13

Nơ̆r 'bơ̆r pơma tơpăt noh pơm ăn pơtao chơt hiôk, Lu pơtao lăp đon kơ bơngai bu pơma tơpăt.

Tơdrông Pơđơk 4:9

Tơdrong gơh hơgei sư gô pơyơ̆l tơ kơpal kơ̆l ih gơwang pơkao tơdrong 'lơ̆ng rŏ. Gô pơyơ̆l tơ kơ̆l ih môk pơtao ư-ang.

Markôs 8:38

Ning-mônh Inh Kon Bơngai gô jur tơ ala teh âu hơdai păng lu linh jang 'lơ̆ng. Năr 'noh kơnh 'Bă Inh gô ăn kơ Inh mơsêh mơyang 'lơ̆ng rŏ tơpă. Na bơngai bu kiơ̆ Inh boih, mă-lei sư kơdơ̆ mơlâu kơ lu bơngai kơnê̆ tam lui na sư kuă kơ bơtho lu sư tơdrong Inh, năr 'noh kơnh Inh kư̆m kuă kơ sư mơ̆n.”

Yo 21:22

Yêsu khan kơ sư: “Dah Inh wă kơ sư arih sot truh Inh jur dơ̆ng ning-mônh ngê̆ kiơ kơ ih jet? Ih kư̆ lui kơ Inh đĕch.”

II Tes 1:4

Kơlih kơ iĕm lui kơjăp thoi noh na nhôn roi kơ lu bơngai lui kơ 'Bok Kei-Dei tơ pơlei nai tơdrong iĕm đei tơdrong gleh, hăm đe areh kơ iĕm, mă-lei iĕm oei adrin tơpă hăm lui kơ Sư kơjăp.

II Tes 2:1

Ơ 'nhŏng oh, inh pơma gah tơdrong Kră Yang Yêsu Krist jur tơ ala teh ning-mônh, lu bơ̆n năm akŭm tơ Sư.

Ya 5:7

Ơ 'nhŏng oh, iĕm băt kơ thoi noh boih, na mă đe pơm kơnê̆ kơ iĕm, iĕm thĕng đĕch hŏ, truh tơ năr Kră Yang jur dơ̆ng. Pơtih gia thoi lu bơngai jang mir 'ba, lu sư băt tơpă gô đei 'ba na lu sư adrin jang truh kơ bơyan 'ba đum.

Ya 5:8

Na lu bơ̆n kư̆m lei-lăi athei lui mă kơjăp chang gô Kră Yang Yêsu wă jur, yua kơ Sư wă jê̆ jur tơpă boih.

II Pet 1:16

Nhôn roi kơ iĕm tơdrong Kră Yang Yêsu Krist Sư mơsêh mơyang đơ̆ng sơ̆ 'mơ̆i păng tơdrong Sư wă jur tơ teh ning-mônh; ưh kơ sĭ nhôn chă pơjing kơdih thoi lu bơngai 'bơ̆r đon hơgei chă pơjing, ưh ôh. Nhôn 'bôh Sư mơsêh mơyang, Sư 'lơ̆ng rŏ tơpă, na nhôn gơh roi kơ lu iĕm thoi noh.

II Pet 3:4

“Lu sư kơtơ̆ng Yêsu khan wă jur dơ̆ng mă-lei tơ yơ 'bôh? Lu yă 'bok bơ̆n lôch đĭ-đăng boih, mă-lei tôm tơdrong oei hơnơ̆ng lei-lăi thoi plĕnh teh 'nao pơjing sơ̆ đĕch.”