I Sam 8:4 - Sơ̆p Hlabơar Nơ̆r 'Bok Kei-Dei

⁴ Na đĭ-đăng lu yŏng kră pơgơ̆r bơngai Isơrael akŭm băl, năm chă Samuel tơ hnam Sư tơ pơlei Rama,

I Sam 8:4 Referans Kwoze

I Sam 7:17

Na sư wih brŏk tơ pơlei Rama, anih hnam sư oei. Tơ noh sư kư̆m sek tơlang kơ kon pơlei Isơrael păng pơm chơnang soi kơkuh kơ Kră Yang.

II Sam 5:3

Đĭ-đăng lu kră bơngai Isơrael năm tơ pơtao Đawit tơ Hêbrôn; pơtao Đawit đei pơm tơdrong pơgơ̆p hăm lu sư tơ Hêbrôn 'bơ̆t anăp Kră Yang, na lu sư tuh đak rơmă pôk Đawit pơm pơtao Isơrael.

Le 24:1

Kră Yang khan kơ Môis thoi âu: Ih, Arôn, Nađap, Abihu păng tơpơh-jĭt 'nu lu kră wei-lăng bơngai Isơrael, iĕm athei tŏk tơ anih Kră Yang dơ̆ng tơ ataih na drap kơkuh.

Le 3:16

Ih năm akŭm pơpôi bĕ lu kră bơngai Isơrael, khan kơ lu sư: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, tơ'bôh boih kơ inh păng khan: Tơpă Inh năm tơmang lu iĕm, 'bôh dôm tơdrong lu sư pơm kơ lu iĕm lăm dêh Êyiptơ;

I Sam 8:10

Samuel roi ăn kơ kon pơlei dôm nơ̆r Kră Yang đei khan gah tơdrong lu sư đei apinh sư wă kơ đei pơtao,

I Sam 11:3

Đĭ-đăng lu đe kră pơlei Jabes khan kơ sư: Apinh ih ăn kơ lu nhôn lăm tơpơh năr wă kơ, lu nhôn gô wơh bơngai năm chă khan jơ̆p-jang kon pơlei Isơrael; tơdah ưh kơ đei bu dŏng pơklaih lu nhôn, lei lu nhôn gô kŭp kơ̆l yơ̆r ti kơ ih.

II Sam 3:17

Apner pơma dơnuh lê̆ adrol hăm lu kră bơngai Isơrael: “Đơ̆ng sơ̆ lu iĕm hơpơi wă kơ Đawit pơm pơtao.

I Sam 1:19

Lu sư iung đơ̆ng hrôih drap kơkuh 'bơ̆t anăp Kră Yang; đơ̆ng noh lu sư wih brŏk tơ hnam lu sư tơ pơlei Rama. Êlkana oei hơdai hăm akăn sư Hana, Kră Yang 'blŏk kơ sư.