I Sam 6:6 - Sơ̆p Hlabơar Nơ̆r 'Bok Kei-Dei

⁶ Liơ mă lu iĕm oei arăng kơ̆l thoi lu bơngai Êyiptơ păng Pharaôn pơm. Iĕm hăm 'blŏk ưh Kră Yang phak pơmat lu sư thoi yơ, na mah ăn kơ kon pơlei năm.

I Sam 6:6 Referans Kwoze

Le 14:17

Na Inh gô pơm kơ kon pơlei Êyiptơ kơ̆l arăng gô jur druh kiơ̆ kon pơlei Isơrael lăm đak dơsĭ, đơ̆ng noh Anăn Inh gô đei ư-ang yua kơ Pharaôn păng đĭ-đăng lu linh sư, lu bơngai chĕp gre aseh sư.

Le 8:15

Na Pharaôn lăp sư 'bôh tơdrong truh hlôi boih, sư arăng jơhngơ̆m ưh kơ chu dơ̆ng, ưh kơ wă mơ̆ng Môis păng Arôn, lei-lăi thoi nơ̆r Kră Yang đei khan boih.

Le 7:13

Thoi noh ră mă-lei jơhngơ̆m Pharaôn oei ưh kơ chu, ưh kơ mơ̆ng Môis păng Arôn, lei-lăi thoi nơ̆r Kră Yang khan lê̆ adrol.

Le 9:34

Kơplah Pharaôn 'bôh, 'mi prĕl păng grơ̆m glaih pơdơh đĭ boih, sư păng lu bơngai bơ̆jang kơ sư arăng kơ̆l ưh kơ chu păng lu sư oei pơm yoch dơ̆ng,

Hêbrơ 3:13

Kơplah ahrei brei drâu oei tam mơ̆n, na rim năr iĕm athei pơlung dih băl, wă kơ đĭ-đăng kơ iĕm huay kơ lui kơ đe pơhlŭ pơlung iĕm pơm yoch jing arăng kơ̆l.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Horiso 95:8

Jơhngơ̆m iĕm 'nĕ pă arăng thoi tơ Mêriba. Thoi lăm năr tơ Masa lăm char 'blach.

Jop 9:4

Kră Yang 'Bok Kei-Dei mơsêh păng hơgei, hăm đei bu kĕ pơjah pơjăng hăm Kră Yang 'Bok Kei-Dei na jei sư?

Le 14:23

Lu bơngai Êyiptơ druh kiơ̆ lu sư; đĭ-đăng aseh, gre aseh sư păng lu chĕp gre aseh Pharaôn, lu sư mơ̆t kiơ̆ đơ̆ng rŏng jur lăm tŏk-bŏk đak dơsĭ.

Le 10:3

Môis păng Arôn năm hloi tơ Pharaôn păng khan kơ sư: Kră Yang 'Bok Kei-Dei kon pơlei Hêbrơ, đei khan thoi âu: Ih ưh kơ chu drap kơkuh 'bơ̆t anăp Inh dĭng truh dang yơ? Achăng bĕ lê̆ kon pơlei Inh năm, wă kơ lu sư năm kơkuh kơ Inh.

Le 9:16

Mă-lei yua kơ tơdrong 'nâu Inh rong ih arih wă kơ ih 'bôh tơdrong mơsêh Inh, wă kơ anăn Inh đei ră roi kơtơ̆ng ư-ang jơ̆p-jang kơ teh đak.

Le 8:32

Mă-lei Pharaôn oei arăng kơ̆l ưh kơ chu dơ̆ng mơ̆n, ưh kơ ăn kon pơlei năm ôh.

Le 4:21

Kră Yang khan kơ Môis: Mưh wih tơ dêh Êyiptơ, kơchăng kơ tơdrong mơsêh hlĭch Inh đei pơjao 'bơ̆t ti ih mă ih pơm 'bơ̆t anăp Pharaôn; mă-lei Inh gô pơm ăn kơ sư arăng kơ̆l ưh kơ ăn kon pơlei năm.

Le 7:14

Kră Yang khan kơ Môis: Pharaôn arăng kơ̆l ưh kơ chu ăn kon pơlei năm.