I Sam 6:20 - Sơ̆p Hlabơar Nơ̆r 'Bok Kei-Dei

²⁰ Kon pơlei Bêt Sêmes khan: Bu kĕ dơ̆ng 'bơ̆t anăp Kră Yang 'Bok Kei-Dei 'lơ̆ng rơgoh 'nâu? Lu bơ̆n wă năm ba Hom Pơgơ̆p âu đơ̆ng lu bơ̆n kơ bu.

I Sam 6:20 Referans Kwoze

Malachi 3:2

Mă-lei 'bơ̆t năr Kră Yang truh bu kĕ dơ̆ng? Păng bơngai bu kĕ dơ̆ng 'bơ̆t năr tơ'bơ̆p Sư? Yua kơ Sư thoi pla ŭnh lu bơngai thơ̆ hơjơ̆m, thoi gơmơ̆k đak 'bŏng lu bơngai pih.

II Sam 6:9

Lăm năr 'noh, Đawit hli kơ Kră Yang na pơma khan: “Hom pơgơ̆p Kră Yang 'Bok Kei-Dei liơ mă inh pơ̆n iŏk lê̆ tơ inh âu?”

Tơdrông Tơ'bôh 6:17

yua kơ truh năr Sư hil kơ nhôn kơtang kơtĭt na bu kĕ sơ̆n.”

Luka 8:37

Đơ̆ng noh na đĭ-đăng lu bơngai tơring Gerasen ei athei Yêsu jăk tơ nai yua kơ lu sư hli dêh.

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”

Horiso 76:7

Lăp minh 'nu Ih đĕch trŏ kơ hli yom; Layơ Ih hil bu kĕ dơ̆ng 'bơ̆t anăp Ih

II Sam 6:7

Kră Yang hil dêh kơ Usa, yua kơ sư rôp pel 'bơm Hom pơgơ̆p noh; Kră Yang 'Bok Kei-Dei pơlôch hloi sư 'bơ̆t anih 'noh 'bơ̆t cheng Hom pơgơ̆p Kră Yang 'Bok Kei-Dei.

Lêwi 11:45

Yua kơ Inh boih Kră Yang Tơ'ngla mă anhăk ba lu iĕm lĕch đơ̆ng char Êyiptơ jing Kră Yang 'Bok Kei-Dei lu iĕm, lu iĕm athei rơgoh 'lơ̆ng, yua kơ Inh 'lơ̆ng rơgoh.

Lêwi 11:44

Yua kơ Inh boih Kră Yang 'Bok Kei-Dei lu iĕm, Inh 'lơ̆ng rơgoh, lu iĕm kư̆m athei oei rơgoh, na gơh rơgoh tơpă. Lu iĕm 'nĕ kơ ăn minh pôm kon sem kiơ mơmŏ kơpal teh mă pơm kơ lu iĕm jing kơnê̆ 'mê̆-'mach.

I Sam 5:7

Wă kon pơlei Asdôt 'bôh lu sư đei tơdrong truh, lu sư pơma tơduă lu sư khan: Ưh pă gơh lê̆ Hom Pơgơ̆p Kră Yang 'Bok Kei-Dei Isơrael tơ âu hăm lu bơ̆n dơ̆ng, yua kơ ti Kră Yang ăn tơdrong gleh phak truh tih tơ lu bơ̆n păng tơ yang Dagôn, lu bơ̆n.