I Sam 6:19 - Sơ̆p Hlabơar Nơ̆r 'Bok Kei-Dei

¹⁹ Kră Yang phak kon pơlei Bêt Sêmes yua kơ lu sư pơih lăng tơ lăm Hom Pơgơ̆p Kră Yang. Sư pơlôch tơpơh-jĭt 'nu lăm lu sư. Kon pơlei nhơ̆m hmoi yua kơ Kră Yang phak lu sư tih tơpă.

I Sam 6:19 Referans Kwoze

Jo 4:20

Mă khan lăp hrei hrei đĕch lu sư kư̆m ưh kơ gơh mơ̆t lăng, lu tơmam rơgoh, kơnh hli kơ lu sư lôch.

Le 19:21

Kră Yang khan kơ Môis, ih jur bĕ khă kon pơlei 'nĕ kơ năm tơkan tơ jê̆ wă lăng Kră Yang, kơnh hli kơ lơ bơngai gô lôch.

II Sam 6:7

Kră Yang hil dêh kơ Usa, yua kơ sư rôp pel 'bơm Hom pơgơ̆p noh; Kră Yang 'Bok Kei-Dei pơlôch hloi sư 'bơ̆t anih 'noh 'bơ̆t cheng Hom pơgơ̆p Kră Yang 'Bok Kei-Dei.

Jo 4:15

Đang kơ Arôn păng lu kon drŏ-nglo sư chô̆ chôm đĭ tơmam lăm anih rơgoh boih, na đe pôk bơsŭn noh yak, na lu kon sâu Kôhat năm tung iŏk lu tơmam noh; lu sư ưh kơ gơh kơ hơtŭt 'bơm ôh tơmam rơgoh noh, kơnh lu sư lôch. Tơmam lăm Bơsŭn Anih Akŭm, tơmam noh mă lu kon sâu Kôhat athei tung.

Kôlôsê 2:18

Lu bơngai 'noh, lu sư athei bơ̆n kiơ̆ sư iŏk đon ala kơ đe. Lu sư khan lu sư đei tơdrong apo tơ'bôh kơ lu sư đơ̆ng plĕnh wă kơ bơ̆n kiơ̆ lu sư kơkuh kơ linh jang kiơ̆ tơdrong giĕng lu sư, na mưh lu sư 'bôh bơ̆n ưh kơ kiơ̆ lu sư, lu sư khan bơ̆n yoch boih. Mă-lei iĕm 'nĕ kơ lui kơ tơdrong lu sư pơhlŭ noh hŏ. Lu sư pơm kiơ̆ kơ đon kon bơngai tơchĕng đĕch păng wă pơang akâu lu sư kơ đe.

I Pet 4:17

Dang ei 'Bok Kei-Dei wă pơtơm ăn tơdrong gleh kơ kon bơngai. Sư ăn kơ lu kon Sư adrol 'mơ̆i, wă pơlong lăng tơdrong lui lu sư thoi yơ. Klaih kơ noh na Sư ăn tơdrong gleh truh kơ lu bơngai mă kuă kơ lui kơ tơdrong 'nao 'lơ̆ng Sư. Tơdrong gleh lu sư noh kơtang tơpă, kơtang hloh kơ tơdrong gleh lu bơ̆n đei dang ei.

Both 29:29

Dôm tơdrong hlơp Kră Yang 'Bok Kei-Dei lu bơ̆n đĕch băt; mă-lei dôm lu tơdrong Sư tơ'bôh ăn kơ lu bơ̆n păng kơ lu kon sâu bơ̆n ling-lang hlŏng hloi, noh lăm khôi juăt âu, wă kơ lu bơ̆n chu pơm kiơ̆.

Le 33:4

Kơplah kon pơlei pơla kơtơ̆ng tơdrong kơnê̆ noh, lu sư sơ'ngon kơdih kơdih, ưh kơ đei bơngai bu 'bot dah đoh tơmam pơhrôp.

Jo 1:51

Tơdah Anih Akŭm păng khăn noh pôk tơ nai lu adrĕch bơngai Lêwi âu yuih, truh tơ anih boih lu sư gô tơiung pơdơ̆ng ming; lu adrĕch bơngai nai ưh kơ gơh năm jê̆ tơdah năm jê̆ đe gô pơlôch.

Jo 4:18

Athei wei pơm liơ 'nĕ ăn kơ adrĕch Kôhat lôch đơ̆ng lăm adrĕch bơngai Lêwi,

II Ho 25:21

Jêhôas pơtao Isơrael tŏk blah sư păng Amasia pơtao Juđa tơblah băl tơ pơlei Bêt Sêmes lăm dêh char Juđa.