I Sam 31:7 - Sơ̆p Hlabơar Nơ̆r 'Bok Kei-Dei

⁷ Kơplah lu bơngai Isơrael oei pah to pŭng-lŭng păng pah to Krong Jôrđăn, 'bôh lu linh bơngai Isơrael kơdâu ôn, Sôl păng pêng 'nu kon drŏ-nglo sư lôch boih, na achăng lê̆ lu pơlei sư kơdih na năm kơdâu ôn; na lu kon pơlei bơngai Philistin truh iŏk oei tơ lăm lu pơlei noh.

I Sam 31:7 Referans Kwoze

I Sam 13:6

Đe Isơrael mơn 'bôh lu sư hli hơmơt dêh. Yua kơ lu bơngai ayăt tŭn gơhret rai jê̆ bơih. Na lu đe Isơrael kơdâu ôn tơ lăm hơgơp tơmo, lăm bri kơdrơ̆ng lăm sơlŭng păng lăm trôm teh.

Lu 6:2

Lu bơngai Miđian blah lu bơngai Isơrael jei lu sư; yua kơ lu bơngai Isơrael hli kơ lu bơngai Miđian na lu bơngai Isơrael kơdâu ôn oei tơ kông kŏ, lăm sơlŭng lăm hơgơp tơmo dah chă ôn tơ lăm lu pơlei kơjăp.

Both 28:33

Minh adrĕch adrung mă iĕm tam lah băt gô iŏk sa tơmam đơ̆ng mir chŭn păng đơ̆ng tơdrong jang iĕm gleh hrat; đe gô pơjuă pơđep păng pơjuă bơhlơ̆r iĕm ling-lang rim năr.

Lêwi 26:36

Lu bơngai mă oei arih inh gô ăn kơ lu sư rơdu lêl kơplah lu sư oei lăm teh đak bơngai ayăt kơ lu sư. Minh hlak hla kial dơhlu kư̆m pơm kơ sư kơdâu ôn, lu sư kơdâu thoi đe kơdâu kơ đao hơlă păng gô pơ̆k mă ưh kơ đei bu druh sư.

Lêwi 26:32

Inh gô pơrăm char iĕm, dĭng lu ayăt oei lăm noh lăng 'bôh 'băi hlĭch kơ tơdrong noh.

I Sam 31:6

Thoi noh lăm năr noh pêng 'nu kon drŏ-nglo Sôl, bơngai mă chĕp tơmam tơblah Sôl păng đĭ-đăng lu bơngai kiơ̆ sư kư̆m wăng lôch hơdai.

I Sam 31:8

Năr đơ̆ng rŏng, kon pơlei Philistin truh năm chă pơpơih lu bơngai lôch, 'bôh Sôl păng pêng 'nu kon drŏ-nglo sư lôch jơ'mrơh kơpal kông Gilbôa.

I Sam 13:7

Kŭm đei Lu bơngai Hêbrơ tŏk găn kơ đak Krong Jôrđăn, truh tơ tơring Gat păng Gileat. Mă-lei Sôl sư oei kơtă tơ Gilgal, đĭ-đăng kon pơlei kiơ̆ sư hli tơtey ngăl.