I Sam 30:14 - Sơ̆p Hlabơar Nơ̆r 'Bok Kei-Dei

¹⁴ Lu nhôn năm blah tơgar tơ teh goh gơal kon pơlei Kêrêthit, lăm dêh Juđa păng kư̆m năm blah tơgar tơ teh gah gơal kơ Kalep lu nhôn soh pơđĭ Siklak.

I Sam 30:14 Referans Kwoze

Jêphania 2:5

Răm-'băm tơpă kơ pơlei mă oei jê̆ đak dơsĭ, wă khan lu adrĕch Kêrêthit! Ơ Kanaan jơ̆ teh đak Philistin, nơ̆r Kră Yang kư̆m pơma blah lu iĕm; “Inh gô pơlôch pơgoh đĭ lu iĕm dĭng pă đei.”

Êsêkiên 25:16

Kră Yang khan: Yua kơ thoi noh na Inh gô yơ̆r ti phak Philistin; Inh gô tơhiong đĭ bơngai Kôrêthit; păng gô pơlôch đĭ lu bơngai mă oei arih tơter đak dơsĭ.

I Pot 1:44

Pơtao Đawit đei wơh 'bok soi Sadok, Nathan bơngai khan lê̆ adrol, Bênaia kon drŏ-nglo Jêhôiada, lu bơngai Kêrêthit păng lu bơngai Phelêthit kiơ̆ Sôlômôn, đơ̆ng noh lu sư hiŏng atŏk Sôlômôn tơ kơpal aseh dăm pơtao.

I Pot 1:38

Thoi noh 'bok soi Sadok, Nathan bơngai khan lê̆ adrol, Bênaia kon drŏ-nglo Jêhôiada păng lu bơngai Kêrêthit, lu bơngai Phêlêthit jur năm hiŏng atŏk Sôlômôn tơ kơpal kơdŭ aseh dăm pơtao Đawit, klaih kơ noh năm ba sư tơ pơlei Gihôn.

II Sam 8:18

Bênaia kon tơdăm Jêhôiada pơm yŏng pơgơ̆r linh wei pơtao, lu kon pơlei Kêrêthit păng kon pơlei Pêlithit; gah lu kon drŏ-nglo Đawit tơgŭm sư chă đon.

I Sam 30:16

Bơngai Êyiptơ chông ba lu sư năm truh. Lu sư 'bôh kon pơlei Amalek jơ̆p-jang kơ teh, et sa, chơt hiôk, yua kơ lu sư tơgar iŏk lơ tơmam đơ̆ng lăm dêh Philistin păng lăm dêh Juđa.

I Sam 30:1

Đawit hăm lu bơngai kiơ̆ sư truh tơ Siklak, lăm năr mă pêng kon pơlei Amalek truh boih tơ gah gơal kơ pơlei Siklak, blah soh pơđĭ pơrăm pơlei noh;

Jôsuê 15:13

Jôsuê ăn kơ Kalep, kon drŏ-nglo Jêphunê, minh pah teh đơ̆ng lăm lu bơngai Juđa, kiơ̆ thoi Kră Yang khan kơ Jôsuê; Kiriat Arba. Arba noh 'bă kơ Anak, noh đe krao pơlei Hêbrôn.

Jôsuê 14:13

Jôsuê hơpơi ăn hloi pŭn hiôk kơ Kalep, kon drŏ-nglo Jêphunê ăn teh Hêbrôn kơ Kalep, jang sa.

I Ho 18:17

Bênaia kon drŏ-nglo Jêhôiada pơgơ̆r lu bơngai Kêrêthit hăm lu Pêlithit; lu kon drŏ-nglo Đawit jing yŏng pơgơ̆r lăm tơdrong jang pơtao.

Jôsuê 21:12

Mă-lei mir păng lu pơlei iĕ tăp dăr kơ pơlei tih noh đe, ăn boih kơ Kalep kon drŏ-nglo Jêphunê jang sa.

I Sam 25:3

Anăn sư Nabal păng akăn sư anăn Abigail; akăn sư hơgei 'lơ̆ng hơbŏ, gah klo sư bơngai khĕnh; kơnê̆ sư adrĕch Kalep.

I Sam 30:13

Đawit jet bơngai ei: Ih oei hăm bu? Păng ih đơ̆ng yơ? Sư tơl khan. Inh minh 'nu bơngai Êyiptơ, pơm đĭch đam bơngai Amalek, yŏng tơ'ngla inh achăng lê̆ inh pêng năr boih, yua kơ inh bơlŏ.

I Sam 30:15

Đawit jet: Ih hăm wă 'maih chông ba lu nhôn năm truh tơ lu đe noh? Sư tơl khan: Ih athei pao anăn Kră Yang 'Bok Kei-Dei 'mơ̆i na pơkă hăm inh, ih 'nĕ kơ pơlôch inh păng kư̆m 'nĕ kơ jao inh kơ yŏng tơ'ngla inh, na inh gô chông ba ih năm truh tơ lu bơngai tơtông tơgar noh.