I Sam 3:6 - Sơ̆p Hlabơar Nơ̆r 'Bok Kei-Dei

⁶ Kră Yang krao dơ̆ng: Ơ Samuel! Samuel gruih iung, năm tơ Hêli khan: Đei inh tơ âu, ih krao inh ah. Hêli tơl, ơ dăm, inh ưh kơ đei krao ih ôh, năm tep dơ̆ng wăi.

I Sam 3:6 Referans Kwoze

Mathiơ 9:2

Tơ noh đe tung ba minh 'nu bơngai hơwen hơwo kơpal anhŭn anhăk tơ Yêsu. Yêsu 'bôh tơdrong lui đe noh 'lơ̆ng tơpă na Sư khan kơ bơngai hơwen hơwo ei thoi âu: “Ơ dăm, hiôk bĕ ih, yua kơ tơdrong yoch ih Inh pơklaih đĭ boih.”

II Sam 18:22

Ahimaas, kon drŏ-nglo 'bok soi Sađŏk pơma lung Jôap dơ̆ng: “Mă đei tơdrong kiơ truh, ăn kơ inh druh kiơ̆ đơ̆ng rŏng đơ̆ng rŏng bơngai Kus.” Jôap khan dơ̆ng: “Ơ kon, yua kơ kiơ kon 'maih năm roi dêh? Tơdrong năm roi tơbăt 'nâu ưh kơ đei apah kon kiơ ôh.”

I Sam 4:16

Bơngai noh khan kơ Hêli: Inh âu bơngai mă klĕch đơ̆ng anih tơblah năr âu. Hêli jet khan: Ơ dăm, lei tơdrong truh liơ liơ?

Bl 43:29

Jôsep lăng 'bôh Bênjamin, oh sư, kon drŏ-nglo mĕ sư, na sư apinh: To noh hăm trŏ kơ oh hơdruch mă iĕm đei roi kơ inh ki? Sư khan dơ̆ng: Ơ dăm! Apinh Kră Yang 'Bok Kei-Dei ăn tơdrong pŭn hiôk kơ ih!

I Sam 3:5

Sư kơdâu năm tơ Hêli khan: Đei inh tơ âu, ih krao inh ah. Hêli khan: Inh ưh kơ đei krao ôh, năm tep dơ̆ng bĕ. Samuel năm tep dơ̆ng.

I Sam 3:7

Kơplah noh, Samuel tam mă băt kơ nơ̆r Kră Yang; nơ̆r Kră Yang tam mă pơma tơklă 'bơ̆t anăp sư tơ'bôh kơ sư.