I Sam 29:6 - Sơ̆p Hlabơar Nơ̆r 'Bok Kei-Dei

⁶ Akis khŏm krao Đawit na khan: Đei Kră Yang mă arih ling-lang na sư inh pơkă khan, ih jơ̆ minh 'nu bơngai tơpăt, inh wă kơ sư mơ̆t lăm khŭl linh inh, yua kơ đơ̆ng năr ih oei hơdai inh dĭng truh tơ năr 'nâu, inh ưh kơ đei 'bôh ih pơm minh tơdrong kiơ kơnê̆. Mă-lei lu yŏng pơgơ̆r ưh kơ lăp đon.

I Sam 29:6 Referans Kwoze

II Pot 19:27

Mă-lei Inh băt kơ ih tơ yơ, Inh băt 'bơ̆t ih truh păng kơplah ih năm, Inh kư̆m băt tơdrong ih hil blĕk kơ Inh.

II Sam 3:25

Pơtao ih băt hloh Apner, kon tơdăm Nêr, sư năm wă hơlĕnh pơdăr kơ ih, wă kơ băt trong ih yak năm, hăm wă kơ chă băt dôm tơdrong jang pơtao pơm.”

Horiso 121:8

Kră Yang gô wei-lăng kơplah ih lĕch dah ih mơ̆t. Đơ̆ng dang ei dĭng truh tơ ning-mônh ling-lang.

I Sam 20:3

Mă-lei Đawit khan hơđăl: 'Bă ih băt hơđăl ih 'mêm kơ inh, na đei pơma khan: 'Nĕ kơ roi ăn kơ Jônathan băt, kơnh sư hơ'ngon inh pao anăn Kră Yang mă arih ling-lang păng tơdrong arih ih na pơkă: Lăp minh yak đĕch sơlam inh hăm tơdrong lôch.

I Pet 3:16

Thoi noh bơ̆n athei pơm 'lơ̆ng tơpăt ling-lang, wă kơ lu bơngai mă pơjăm bơ̆n kiơ̆ tơdrong Yêsu, sư jing mơlâu yua kơ sư ưh kơ 'bôh tơdrong bơ̆n pơm yoch kiơ.

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

Je 12:16

Tơdah lu sư pơnam hŏk pơhrăm iŏk kiơ̆ trong kon pơlei pơla Inh păng pơkă pơkăm hăm anăn Inh. ‘Tơpă Kră Yang arih,’ thoi sơ̆ lu sư kư̆m bơtho kon pơlei Inh pơkă hăm yang Baal, kơplah noh lu sư gô oei kơjăp lăm kon pơlei pơla Inh.

Êsai 65:16

Thoi noh, bơngai bu oei lăm dêh char wă sơkat tơdrong pŭn hiôk sư gô krao apinh tơdrong pŭn hiôk hăm anăn Kră Yang 'Bok Kei-Dei tơpăt; Bơngai bu oei tơ kơpal teh wă pơkă pơkăm, athei pao anăn Kră Yang 'Bok Kei-Dei tơpăt na pơkă pơkăm; Yua kơ lu tơdrong pơmat-tat adrol sơ̆ hiơt đĭ bơih, măt Inh ưh pă tăng bơih.

Êsai 37:28

Inh băt kơ ih, kơplah ih hơ-oei, kơplah ih năm kơplah ih truh, kơplah ih iung hil wă blah Inh.

I Sam 29:3

Na, lu bơngai yŏng pơgơ̆r kon pơlei pơla bơngai Philistin jet: Lu bơngai Hêbrơ pơm kiơ tơ âu? Akis tơl khan; 'nâu Đawit, đĭch đam Sôl, pơtao Isơrael, oei hăm inh wă đei loi kơ minh sơnăm kơ âu. Đơ̆ng năr sư năm oei hơdai păng lu nhôn dĭng truh dang ei, inh ưh kơ đei 'bôh sư pơm glăi minh tơdrong kiơ.

I Sam 28:10

Sôl pao anăn Kră Yang pơkă hăm bơngai drŏ-kăn: Inh pao anăn Kră Yang mă arih ling-lang pơkă, ih ưh kơ đei yoch kiơ lăm tơdrong jang 'nâu.

Jôsuê 22:30

Kơplah 'bok soi Phinêhas păng lu kră pơgơ̆r lăm khŭl tơpôl, wă khan lu kră Yŏng kơdră kon pơlei bơngai Isơrael mơ̆ng nơ̆r bơngai Rubên, bơngai Gat păng minh puăt bơngai Manase pơma lu sư lăp đon.

Both 10:20

Iĕm athei băt hli yom kơ Kră Yang 'Bok Kei-Dei iĕm, bơ̆jang kơ Sư, oei kơjăp lăm Sư păng yua anăn Sư pơkă pơkăm.

Jo 27:17

Wă kơ bơngai noh mơ̆t lĕch năm 'bơ̆t anăp lu sư, wă kơ bơngai noh chông ba lu sư mơ̆t păng chông ba lu sư lĕch, wă kơ khŭl akŭm Kră Yang huay kơ thoi triu ưh kơ đei bơngai wei.

Bl 16:6

Abram tơl Sarai thoi âu: “Âu, đam drŏ-kăn noh lăm tơpang ti ih, wă sek thoi yơ, mơ̆ng kơ ih lăp đon.” Na Sarai pơm kơnê̆ kơ Hagar, na Hagar kơdâu jăk đơ̆ng sư.

I Sam 5:8

Lu sư wơh krao akŭm đĭ lu yŏng pơgơ̆r đe Philistin, na jet: Bơ̆n wă pơm liơ hăm Hom Pơgơ̆p Kră Yang 'Bok Kei-Dei đe Isơrael âu? Lu yŏng pơgơ̆r tơl khan: Athei tung Hom Pơgơ̆p Kră Yang 'Bok Kei-Dei đe Isơrael năm ba tơ pơlei Gat. Na đe năm tung ba Hom Pơgơ̆p Kră Yang. 'Bok Kei-Dei đe Isơrael truh tơ noh.

I Sam 29:7

Lei ih brŏk mă 'lơ̆ng. 'Nĕ kơ pơm kơ jơhngơ̆m lu yŏng pơgơ̆r bơngai Philistin sơ'ngon.