I Sam 28:5 - Sơ̆p Hlabơar Nơ̆r 'Bok Kei-Dei

⁵ Sôl 'bôh lu linh lu bơngai Philistin, na hli păng lăm jơhngơ̆m tơtơ̆ dêh.

I Sam 28:5 Referans Kwoze

Da 5:6

Na muh măt pơtao păng đon tơchĕng sư tơplih pơm kơ sư hơwơ̆l hơwang; lu kơting rŏng sư pă tơklep păng 'bar pah kŭl-tăng sư pơpơ̆ hơtŭt băl.

Êsai 7:2

Đei bơngai năm roi ăn kơ hnam Đawit khan: “Siri pơgơ̆p hăm Êphraim.” Na kơplah noh Ahas păng kon pơlei Juđa hli tơrơ hyĭng hyơ̆ng dang lĕ kial tơthu 'long lăm bri.

Tơdrông Pơđơk 10:24

Tơdrong kiơ lu bơngai kơnê̆ hli hơmơt gô đei truh kơ sư tơpă. Mă-lei lu bơngai tơpăt gô đei thoi sư hơpơi wă.

Horiso 73:19

Ơ lăng deh, lu sư răm hloi 'bônh đĕch! Tơdrong hli krưp hơpuih pơgoh lu sư.

Jop 18:11

Tơdrong hli krưp đơ̆ng puăn pah pơm kơ sư tơrơ. Trŏ kơ sư druh kiơ̆ jê̆ kơnơl jơ̆ng sư.

Jop 15:21

Sư kơtơ̆ng nơ̆r ôr hli ling-lang lăm đon; kơplah oei hiôk-hian, lu bơngai chă pơlôch pơrăm truh.

I Sam 28:4

Thoi noh kon pơlei bơngai Philistin akŭm băl pơm kơđông tơ Sunem,a gah Sôl kư̆m krao akŭm đĭ-đăng lu bơngai Isơrael păng lu sư kư̆m pơm kơđông oei tơ Gilbôa.

I Sam 28:6

Sôl krao khan kơ Kră Yang; mă-lei Kră Yang ưh kơ đei tơl nơ̆r sư, lăm tơdrong apo, dah đơ̆ng Urim dah đơ̆ng 'bơ̆r lu bơngai khan lê̆ adrol.