I Sam 26:25 - Sơ̆p Hlabơar Nơ̆r 'Bok Kei-Dei

²⁵ Sôl tơl Đawit: Ơ Đawit, kon inh, hơpơi kơ Kră Yang ăn kơ kon đei pŭn hiôk! Tơpă, kon gô bơ̆jang tơdrong tih păng gơh kĕ jei hloh. Na Đawit kư̆ kơ năm trong sư kơdih, gah Sôl wih brŏk tơ anih sư.

I Sam 26:25 Referans Kwoze

Tơdrông Pơđơk 26:25

Tơdah sư pơma 'ngam 'nĕ kơ lui kơ sư. Yua kơ sư đei tơpơh tŏ tơdrong kơnê̆ krưp lăm jơhngơ̆m.

I Sam 24:19

Hăm đei bu tơ'bơ̆p bơngai ayăt hăm bơ̆n mă khan achăng lê̆ sư brŏk hiôk-hian ưh kơ đei kiơ? Hơpơi kơ Kră Yang iŏk tơdrong 'lơ̆ng pơm ăn kơ kon gah tơdrong kon hlôi pơm ăn kơ 'bă năr 'nâu!

Bl 32:28

Bơngai ei khan: “Anăn ih ưh pă Jakôp dơ̆ng boih. Mă-lei krao anăn ih Isơrael, b yua kơ ih tơglơ̆m hăm Kră Yang 'Bok Kei-Dei păng bơngai nai; tă kơ jei ih ngăl.”

Rom 8:37

Mă tơdrong truh kơ bơ̆n thoi noh, bơ̆n 'nĕ kơ hli, gô jei bơ̆n tơpă yua kơ bơ̆n đei Kră Yang bơ̆n Yêsu, bơ̆n hơđơ̆ng kơ tơdrong Sư 'mêm kơ bơ̆n, hăm Sư tơgŭm bơ̆n lăm tôm tơdrong.

Rom 8:35

Mă bơ̆n tơ'bơ̆p tơdrong kiơ kiơ, Yêsu Krist Sư wei-lăng bơ̆n, mă bơ̆n đei tơdrong truh pơmat, mă đe areh kơ bơ̆n, mă bơ̆n pơngot rơwĕt, mă bơ̆n bơngai dơnuh, mă bơ̆n đei tơdrong hli, mă đe năm blah bơ̆n, Yêsu Krist ưh kơ lê̆ bơ̆n ôh, Sư 'mêm kơ bơ̆n tơpă.

Hôsia 12:4

Sư đei tơglơ̆m hăm linh jang 'lơ̆ng, păng jei sư; sư nhơ̆m păng krao hơdrĭ apinh Kră Yang mơnat ăn. Sư tơ'bơ̆p boih Kră Yang tơ pơlei Bethel păng tơ noh Kră Yang đei bơtho sư.

Êsai 54:17

Mă dôm tơmam tơblah sư pơm wă pơrăm Ih gô ưh kơ kĕ păng dôm nơ̆r lu bơngai pơma jâu ih gô glăi đĭ. Noh bơih tơdrong Inh ăn kơ lu đĭch đam Kră Yang, păng tơdrong lăng pơsĭt đơ̆ng Inh ăn, Kră Yang khan thoi noh.

I Sam 24:22

Đawit pơkă nơ̆r hăm Sôl. Sôl brŏk wih tơ hnam sư, gah Đawit hăm lu bơngai kiơ̆ sư hơlơ̆k tơ anih ôn kơ'nơp dơ̆ng.

I Sam 24:20

Tơpă inh băt kơ kon gô pơm pơtao păng teh đak Isơrael gô kơjăp sot lăm tơpang ti kon.