I Sam 25:36 - Sơ̆p Hlabơar Nơ̆r 'Bok Kei-Dei

³⁶ Wă Abigail brŏk truh tơ Nabal, na 'bôh Nabal oei et sa tih lăm hnam sư, et sa tih nhen thoi pơtao mơ̆n. Nabal đei jơhngơ̆m hiôk chơt păng suai dêh. Abigail ưh kơ đei roi ăn kơ sư băt dôm tơdrong kiơ tih dah iĕ, gô truh kơ pơgê.

I Sam 25:36 Referans Kwoze

Tơdrông Pơđơk 20:1

Sik hơmu pơm kơ đe suai jing bơngai blei hiap. Sik hơmu et suai pơm kơ bơngai ôr tơkĕch. Bu et hloh kơ ai suai jing pă đei đon tơchĕng hơgei.

II Sam 13:28

Apsalôm pơkă kơ lu đĭch đam sư: “Athei kơchăng lăng kơplah Amnôn hiôk chơt wă suai kơ tơdrô, inh athei lu iĕm: Teh Amnôn, lu iĕm athei pơlôch sư hloi, ưh kơ hli kơ kiơ, noh đơ̆ng inh athei lu iĕm. Athei đei jơhngơ̆m đon mă nuih hŏ.”

II Sam 13:23

'Bar sơnăm đơ̆ng rŏng kơplah năr Apsalôm yuă sŏk triu sư tơ pơlei Baal Harsôl jê̆ hơdral pơlei tih Êphraim, Apsalôm sư krao wơ̆n đĭ-đăng lu kon pơtao.

I Sam 25:19

Na sư khan kơ lu đĭch đam sư: Bĕ năm adrol kơ inh, inh gô năm kiơ̆ đơ̆ng rŏng, mă-lei sư ưh kơ đei roi ăn kơ Nabal klo sư băt.

Rom 13:13

Bơ̆n athei pơm mă 'lơ̆ng thoi bơngai jang kơ'năr, 'nĕ pă et sik suai hli kơ pơm kư̆ kă; drŏ-nglo drŏ-kăn kư̆m 'nĕ kơ ngôi kư̆ kă; 'nĕ pơjah pơjăng păng đe, 'nĕ kơ 'nhĕng đe.

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

Luka 21:34

“Na kơplah iĕm oei arih dang ei, iĕm athei kơchăng kơdih 'nĕ kơ nŏng kơ et sik, hli kơ suai. Păng 'nĕ pă hăt kơ tơdrong ala teh, hli kơ năr noh truh kơplah iĕm ưh kơ kơchăng, tabơla haih pă tam thoi bơngai 'leh 'năk. Na tơdrong noh wă truh tơ jơ̆p-jang teh đak ning-mônh kư̆m thoi noh mơ̆n.

Luka 14:12

Đơ̆ng noh Yêsu khan kơ bơngai wơ̆n sư ei: “Dah ih chă wơ̆n đe năm sŏng sa tơ hnam ih, ih 'nĕ kơ wơ̆n lu 'nhŏng oh, lu bôl juăt ih, lu bôl ih bơngai mơdrŏng hŏ, yua kơ lu sư gô wơ̆n plơ̆ ih dơ̆ng, na ih dang lĕ ưh kơ đei huach tơmam kiơ ôh.

Na 1:10

Yua kơ lu sư tơkuăr băl hơpunh thoi jơla suĕng păng hơleng thoi suai kơ sik, thoi noh gô soh lu sư sa đĭ thoi hơnong 'ba kro.

Hôsia 4:11

Sik hơmu so păng sik hơmu 'nao pơm tơhiong lê̆ tơdrong hơgei lu sư.

Je 51:57

Yŏng Pơtao, anăn Sư Kră Yang Tih Hloh khan: “Inh gô ăn kơ lu yŏng wei-lăng păng lu yŏng pơgơ̆r hơgei, lu yŏng pơgơ̆r char păng yŏng pơgơ̆r tơring hăm lu linh sư gô suai sik, tep ling-lang, ưh pă kĕ iung dơ̆ng.”

Êsai 28:3

Hơgăl pơkao pơang lu bơngai suai tơdrô lăm char Êphraim đe gô pơjuă tơ ala jơ̆ng.

Êsai 5:11

Răm-'băm dêh kơ bơngai bu mă đơ̆ng hrôih, drôih chơchă tơdrô, pơgŏk kơ tơdrô dĭng măng, dĭng tơdrô soh chhông lu sư!

Bôk Bơthô 10:19

Đe pơih et sa wă kơ chơt hiôk; et tơdrô pơthim ăn kơ chăl arih chơt; đei jên kăk gơh răt tôm tơdrong.

Horiso 112:5

Pŭn dêh kơ bu băt mơnat păng ăn kơ đe tŏk iŏk. Bơngai 'noh sư jang 'lơ̆ng tơpăt.

I Pot 20:16

Lu Sư lĕch năm 'bơ̆t tŏk-bŏk 'năr dơ̆ng kơplah Ben Hadat hơdai hăm pêng-jĭt 'bar 'nu pơtao buăl dơ̆ng sư et tơdrô suai lăm kơđông.

I Sam 25:37

Pơgê năr đơ̆ng rŏng gô Nabal huay pă suai boih, akăn sư roi ăn kơ sư dôm tơdrong noh, na sư hli dêh akâu sư arănga nhen thoi tơmo.

II Sam 3:20

Kơplah Apner năm roi kơ Đawit tơ Hêbrôn, sư chông ba 'bar-jĭt 'nu bơngai, na Đawit hơmet tơmam et sa ăn kơ Apner hăm lu bơngai kiơ̆ sư.