I Sam 25:29 - Sơ̆p Hlabơar Nơ̆r 'Bok Kei-Dei

²⁹ Tơdah đei bu wă iung pơm kơnê̆ păng pơrăm tơdrong arih ih Kră Yang 'Bok Kei-Dei ih gô bơwei tơdrong arih lăm hơnŭng lu bơngai arih; gah tơdrong arih lu bơngai ayăt kơ ih, Kră Yang gô klơ̆m tŭk lê̆ mă ataih thoi hră prah 'brơ̆m tơmo.

I Sam 25:29 Referans Kwoze

Yo 17:21

Inh wă kơ Ih ăn kơ lu sư pơgơ̆p băl minh jơhngơ̆m minh đon. Ơ 'Bă, ba minh jơhngơ̆m minh đon, na Inh wă kơ Ih ăn kơ lu sư oei pôm đon păng ba, wă kơ lu bơngai ala teh âu 'bôh thoi noh na lui kơ Ih wơh Inh.

Malachi 3:17

Kră Yang Tih Hloh khan: “Lu bơngai noh lu sư jing gah Inh, jing tơmam 'măn kơ Inh yua lăm năr Inh wă pơm. Inh gô mơnat ăn kơ lu sư thoi 'bă mơnat ăn kơ kon tơdăm sư bơ̆jang kơ sư kơdih.

Je 10:18

'Nâu Kră Yang khan: “Lăm năr âu Inh gô pơpuh lu bơngai mă oei lăm char âu, Inh gô ăn tơdrong truh, wă kơ đe rôp lu sư pơm bơnă.”

Horiso 116:15

Tơdrong lôch lu bơngai 'lơ̆ng rơgoh jơ̆ gĭt tơpă 'bơ̆t anăp Kră Yang.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

Yo 17:23

Inh pôm đon hăm lu sư păng ba pôm đon dih băl, wă kơ lu sư pôm đon tơduă lu sư mơ̆n; na lu bơngai ala teh âu băt kơ Ih wơh Inh tơpă păng lu bơngai ala teh gô băt kơ Ih 'mêm kơ lu bơngai pơhrăm păng Inh, noh kư̆m thoi Ih 'mêm kơ Inh mơ̆n.

Horiso 66:9

Sư boih bơwei tơdrong arih lu bơ̆n. Ưh kơ ăn jơ̆ng lu bơ̆n tơpling.

I Sam 2:9

Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.

Both 33:29

Ơ bơngai Isơrael ih pŭn hiôk dêh, kon pơlei Kră Yang dŏng pơklaih bơih, Kră Yang. Sư thoi khêl pĕng tơgŭm ih, thoi đao gưm pơm ăn kơ ih kĕ jei jơnei tih. Lu bơngai ayăt gô năm chă pơm lung, na ih gô pơjuă bơhlơ̆r anih kơjung lu sư.

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

Yo 14:19

Pă 'biơ̆ dơ̆ng lu bơngai tơ ala teh âu ưh pă 'bôh Inh boih. Pôm lu iĕm đĕch 'bôh Inh. Inh gô oei hơdai hăm 'Bă Inh arih ling-lang, lu iĕm gô arih ling-lang thoi noh mơ̆n.

II Sam 4:8

Măr sư chĕp ba kơ̆l Isbôset brŏk tơ Hêbrôn, ăn kơ pơtao Đawit, na khan: “'Nâu kơ̆l Isbôset, kon tơdăm Sôl, bơngai mă ayăt kơ ih, bơngai mă oei chă wă pơrăm ih; năr 'nâu Kră Yang iung kơting ăn kơ ih pơm tơwih boih kơ Sôl păng adrĕch adrung sư.”

Horiso 54:3

Yua kơ bơngai tơmoia blah inh; Bơngai kơnê̆ chă wă pơrăm tơdrong arih inh.b Lu sư ưh kơ tơchĕng kơ Kră Yang 'Bok Kei-Dei ôh, Sêla

Jop 27:22

Huơ̆r pơdăr lu sư, ưh pă đei mơnat kơ lu sư; Lu sư adrin kơdâu ôn đơ̆ng kial tih.