I Sam 25:27 - Sơ̆p Hlabơar Nơ̆r 'Bok Kei-Dei

²⁷ Na dang ei 'nâu jơ̆ tơmam đĭch đam ih chĕp ba wă ăn kơ ih, kư̆m wă asong ăn kơ lu bơngai kiơ̆ ih.

I Sam 25:27 Referans Kwoze

I Sam 30:26

Đawit wih brŏk tơ Siklak păng asong ăn tơmam kơ lu đe kră lăm dêh Juđa păng kư̆m gơih nơ̆r pơma khan: Gơih ăn kơ iĕm tơmam âu. 'Nâu jơ̆ tơmam asong ăn kơ lu iĕm đơ̆ng tơmam bơ̆n blah tơgar iŏk đơ̆ng lu bơngai mă ayăt kơ Kră Yang.

Bl 33:11

Apinh 'nhŏng iŏk bĕ dôm tơmam mă oh đei pơyơ̆r ăn kơ 'nhŏng, yua kơ Kră Yang 'Bok Kei-Dei đei tơgŭm boih oh đei jang sa pŭn păng đei tôm mah rơkah kơ yua. Jakôp apinh lung 'bơ'bel athei iŏk, na Êsâu chu iŏk.

II Pot 5:15

Naaman hăm đĭ-đăng bơngai mă kiơ̆ sư wơ̆t dơ̆ng tơ Êlisê păng khan thoi âu: “Dang ei inh băt bơih, jơ̆p-jang lăm teh đak ưh kơ đei yang nai hloh kơ Kră Yang 'Bok kei-Dei lu bơngai Isơrael, thoi noh apinh ih iŏk tơmam inh bơngai mă đĭch đam ih 'nâu.”

II Kor 9:5

Thoi noh na inh wơh lu 'nhŏng oh bơ̆n âu năm hơdrol, wă kơ lu sư tơgŭm iĕm rai hơmet ra lê̆ dôm tơdrong noh hơdrol. Ưh kơ sĭ nhôn pơgŏ iĕm ôh, kiơ̆ kơ iĕm đêl pơkă đơ̆ng sơnăm sơ̆ boih. 'Noh na lăp nhôn truh tơ iĕm, iĕm đei tôm boih.

II Sam 16:2

Pơtao jet Siba: “Ih wă pơm kiơ kơ tơmam noh?” Siba khan: “'Bar tŏ aseh iĕ noh yua ăn kơ bơngai lăm hnam pơtao hao, 'bĕng păng plei hơmu noh yua pơm tơmam sa ăn kơ khŭl linh, na sik hơmu noh wă yua ăn kơ lu bơngai brŏk đơ̆ng char glă gleh lap huch.”

I Sam 25:42

Abigail iung hloi, hao aseh iĕ sư, đei pơđăm 'nu đĭch drŏ-kăn sư năm kiơ̆ sư, na năm hơdai hăm lu bơngai Đawit wơh, pơm akăn Đawit.

Lu 4:10

Barak krao akŭm pơpôi bơngai Sebulun păng bơngai Naptali năm tơ pơlei Kêđes, đe mơjĭt-rơbâu 'nu bơngai kiơ̆ sư păng Đêbôra năm hơdai sư.

Tơdrông Pơđơk 18:16

Tơmam bu pơyơ̆r gô pơih trong kơ sư. Ba sư truh tơ anăp lu bơngai yŏng mơng.