I Sam 25:11 - Sơ̆p Hlabơar Nơ̆r 'Bok Kei-Dei

¹¹ Na inh iŏk 'bĕng, đak păng 'nhĕm inh hơmet boih kơ lu bơngai jang yuă sŏk bơbe triu na mă wă ăn kơ lu bơngai ưh kơ băt đơ̆ng yơ truh tơ âu?

I Sam 25:11 Referans Kwoze

Lu 8:6

Mă-lei lu 'bok pơgơ̆r pơlei Sukôt khan, ih tam đei rôp bre Sêba păng Salmuna ưh, na mă wă kơ lu nhôn asong ăn kơ lu linh ih 'bĕng sa.

Galati 6:10

Na dang ei bơ̆n oei arih tơ ala teh, bơ̆n athei pơm 'lơ̆ng kơ đe ling-lang. Mă loi athei pơm 'lơ̆ng kơ lu bơngai lui bơ̆n.

I Pet 4:9

Bơngai lui đơ̆ng tơmoi truh, bơ̆n athei sơng iŏk sư tơ hnam bơ̆n mă 'lơ̆ng.

II Kor 6:9

Đe lăng nhôn thoi bơngai đe ưh kơ ang, mă-lei kư̆m đei bơngai băt kơ nhôn mơ̆n; đe lăng nhôn thoi lĕ kơ bơngai lôch boih, mă-lei nhôn oei arih arăi; đe tôn teh nhôn dêh, mă-lei nhôn huay kơ lôch.

Jop 31:17

Tơdah inh sa hơdrô̆ minh 'nu inh. Ưh kơ asong bơngai mơti,

I Sam 25:3

Anăn sư Nabal păng akăn sư anăn Abigail; akăn sư hơgei 'lơ̆ng hơbŏ, gah klo sư bơngai khĕnh; kơnê̆ sư adrĕch Kalep.

I Sam 24:13

Đe đei nơ̆r khan: Tơdrong kơnê̆ lĕch đơ̆ng bơngai kơnê̆. Mă-lei tơpang ti inh ưh kơ đei layơ wă hơtŭt 'bơm akâu jăn ih.

Both 8:17

Kơchăng bĕ, 'nĕ chă pơma lăm jơhngơ̆m khan: Noh yua kơ đơ̆ng tơdrong hơgei păng pran kơtang tơpang ti inh na mă gơh đei dôm mŭk tơmam mơdrŏng 'nâu.

Lu 8:15

Đơ̆ng rŏng kơ noh Giđêôn năm tơ kon pơlei Sukôt na khan: 'Nâu boih Sêba păng Salmuna; yua kơ lu sư na mă lu iĕm pơjăm chrih kơ inh, khan: Ti ih tam rôp pơlôch Sêba păng Salmuna na wă kơ lu nhôn ăn kơ linh kiơ̆ ih gleh lap sa 'bĕng?

I Sam 25:7

Đawit kơtơ̆ng ang khan ih đei lu bơngai hơgei yuă sŏk triu. Kơplah lu bơngai wei triu ih oei jê̆ lu nhôn kơplah lu nhôn ưh kơ đei pơm kiơ kơ lu sư kơplah tơ Karmel. Lu sư kư̆m ưh kơ đei kiơ hiong ôh.

I Sam 25:12

Lu tơdăm mơlôh đơ̆ng Đawit wơh wih brŏk dơ̆ng, lu sư roi ăn kơ Đawit mơ̆ng dôm lu nơ̆r noh.

Lu 8:8

Đơ̆ng noh sư năm tơ pơlei Pênuêl kư̆m apinh lu sư. Kon pơlei Pênuêl tơl sư lei-lăi thoi bơngai pơlei Sukôt đei khan.