I Sam 24:17 - Sơ̆p Hlabơar Nơ̆r 'Bok Kei-Dei

¹⁷ Sôl khan kơ Đawit: Kon pơm tơpăt hloh kơ 'bă, yua kơ iŏk tơdrong 'lơ̆ng, na pơm 'mong tơdrong kơnê̆ 'bă hlôi pơm ăn kơ kon.

I Sam 24:17 Referans Kwoze

I Sam 26:21

Sôl tơl: Inh đei tơdrong yoch tơpă Ơ Đawit, kon inh, wih brŏk bĕ! Inh ưh pă wă pơrăm kon dơ̆ng, yua kơ năr 'nâu, kon lăng gĭt kơ tơdrong arih inh. Tơpă, inh hlôi pơm boih thoi bơngai wơnh, pơm glăi tih dêh.

Mathiơ 5:44

Mă-lei gah Inh bơtho iĕm thoi âu: Iĕm athei 'mêm mơnat kơ lu bơngai mă pơm kơnê̆ kơ iĕm, krao khan apinh 'Bok Kei-Dei tơgŭm sư,

Bl 38:26

Juđa lăng kơnăl dôm lu tơmam noh na sư khan: Sư tơpăt hloh kơ inh, yua kơ inh ưh kơ ăn Sêla, kon tơdăm inh kơ sư, wă oei hơdai hăm sư. Đơ̆ng noh Juđa ưh pă oei hơdai hăm Tamar dơ̆ng.

Mathiơ 27:4

Sư roi kơ lu đe noh khan: “Inh yoch tơpă, inh jao ăn kơ iĕm wă pơlôch bơngai mă ưh kơ đei pơm yoch kiơ.” Lu đe noh khan: “Măk ai ih, nhôn jao ăn kơ ih jên đang boih.”

Horiso 37:6

Sư gô pơdah tơdrong tơpăt ih thoi hơdah hơdong Păng sek tơ'bôh tơdronga trŏ ih thoi 'năr dơ̆ng.

Le 9:27

Pharaôn wơh đe krao hloi Môis păng Arôn khan: Wơ̆t 'nâu inh yoch boih; Kră Yang jơ̆ Tơ'ngla 'lơ̆ng tơpăt; inh păng kon pơlei inh yoch tơpă.

I Sam 26:17

Sôl kơnăl kơ 'bơ̆r Đawit, na jet khan: Ơ Đawit, kon inh, hăm trŏ kơ nơ̆r kon pơma noh? Đawit tơl khan: Ơ pơtao yŏng tơ'ngla inh, 'noh jơ̆ nơ̆r inh.