I Sam 23:18 - Sơ̆p Hlabơar Nơ̆r 'Bok Kei-Dei

¹⁸ 'Bar 'nu bre sư kư̆m pơgơ̆p pơkă 'bơ̆t anăp Kră Yang; na Đawit oei lăm Hơres dơ̆ng, gah Jônathan wih brŏk tơ hnam sư.

I Sam 23:18 Referans Kwoze

II Sam 21:7

Pơtao Đawit wei lê̆ Mêphibôset, kon drŏ-nglo Jônathan, sâu tơm pơtao Sôl, yua kơ đei nơ̆r pơkă hăm Kră Yang gah bre pơtao Đawit hăm Jônathan, kon drŏ-nglo pơtao Sôl.

I Sam 20:42

Jônathan pơma dơnuh hăm Đawit: Yak năm bĕ kơ ih mă 'lơ̆ng; lu bơ̆n yua anăn Kră Yang pơgơ̆p nơ̆r pơkă băl; Kră Yang gô pơm kơdranh sơlam tŏk-bŏk inh hăm ih tŏk-bŏk adrĕch adrung inh păng adrĕch adrung ih dĭng truh ning-mônh ling-lang.

I Sam 18:3

Jônathan pơgơ̆p hăm Đawit, yua kơ sư 'mêm kơ Đawit nhen thoi akâu sư kơdih.

II Sam 9:1

Đawit jet lăm hnam Sôl hăm oei đei bu oei arih ưh? Inh wă tơ'bôh jơhngơ̆m pơm 'lơ̆ng kơ sư yua kơ đơ̆ng Jônathan.

I Sam 20:8

Apinh ih răk nơ̆r ih pơkă hăm inh đĭch đam ih, yua kơ ih đei pơkă anăn Kră Yang mă pơgơ̆p hăm đĭch đam ih. Dah inh đei yoch kiơ, apinh ih jah pơlôch inh bĕ; ngĕ kơ kiơ ba inh tơ 'bă ih?

I Sam 18:1

Đawit pơma dơnuh hăm Sôl đang boih, Jônathan păng Đawit pơm buăl juăt yua, kơ Jônathan 'mêm kơ Đawit dêh thoi akâu sư kơdih.

I Sam 21:1

Đawit truh tơ pơlei Nŏp, tơ'bơ̆p 'bok soi tơm Ahimelek. Ahimelek hli tơtơ̆, kơdâu sơng iŏk sư, na jet: Liơ minh drô̆ ih đĕch ưh kơ đei bu kiơ̆ ih?