I Sam 22:15 - Sơ̆p Hlabơar Nơ̆r 'Bok Kei-Dei

¹⁵ Hăm trŏ kơ 'nao năr 'nâu đĕch inh krao khan, apinh Kră Yang 'Bok Kei-Dei ăn kơ sư? Tơpă inh ưh kơ đei pơm thoi noh! Apinh pơtao 'nĕ kơ ngeh minh nơ̆r ayơ ăn kơ đĭch đam pơtao dah ăn kơ bơngai bu lăm hnam 'bă inh; yua kơ bơngai mă đĭch đam pơtao ưh kơ băt kơ tơdrong kiơ, tŏ sĕt dah lơ, gah tơdrong noh.

I Sam 22:15 Referans Kwoze

I Sam 25:36

Wă Abigail brŏk truh tơ Nabal, na 'bôh Nabal oei et sa tih lăm hnam sư, et sa tih nhen thoi pơtao mơ̆n. Nabal đei jơhngơ̆m hiôk chơt păng suai dêh. Abigail ưh kơ đei roi ăn kơ sư băt dôm tơdrong kiơ tih dah iĕ, gô truh kơ pơgê.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

II Sam 15:11

Đei 'bar-hrĕng 'nu bơngai oei tơ pơlei Jêrusalem mă Apsalôm krao pơtơm, năm hơdai hăm sư, lu sư năm hăm đon 'lơ̆ng đĕch ưh kơ băt kiơ gah tơdrong Apsalôm wă pơm kơnê̆.

I Sam 22:16

Pơtao tơl: Ahimelek, tơpă ih păng lu hnam dơnŏ ih gô lôch!

II Sam 5:19

Đawit krao apinh Kră Yang: “Inh hăm gơh năm blah bơngai Philistin ưh? Ih hăm jao lu sư lăm tơpang ti inh?” Kră Yang tơl: Năm bĕ yua kơ Inh jao boih lu sư lăm tơpang ti ih.

II Sam 5:23

Đawit krao apinh Kră Yang, Sư tơl: “Ih 'nĕ kơ năm tơpăt, mă-lei athei năm wer đơ̆ng rŏng blah lu sư tơklă kơdrơ̆ng 'long hơngo bri.

II Sam 19:18

Lu sư glơi wih wơ̆t to âu wă hơtŏk hnam dơnŏ pơtao tŏk kơ krong, păng pơm dôm tơdrong kiơ pơtao wă. Simêi, kon drŏ-nglo Gêra, kơkuh drap ala jơ̆ng pơtao Đawit kơplah pơtao wă tŏk kơ đak Krong Jôrđăn.

II Sam 19:19

Sư khan kơ pơtao: “Apinh yŏng tơ'ngla inh, 'nĕ kơ jô̆ tơdrong yoch kơnê̆ inh, păng 'nĕ kơ 'blŏk tơdrong đĭch đam ih mă đei pơm yoch boih lăm năr ih yŏng tơ'ngla inh lĕch đơ̆ng pơlei Jêrusalem. Apinh ih 'nĕ pă 'blŏk răk tơdrong noh.